|
انتي ماتحبيني دايم تهوشيني وتعصبين على
السلام عليكم ورحمة الله وبركاته
والله مادري كيف اكتب الموضوع ماقول غير الله يجزاء امي الفردوس بنتي الله يسلمكم فيه نقطه شينه ماتبي احد يقول اني سويت لك كذا تحس ان الواحد يتمنن عليه ياكثر ماسمعها منه انتى تتمننين علي مجرد ماتعطيه كلمه على طول تفهمها كذا بقولكم اليوم سالفتنا ساعة 7 المساء جات عندي وانا كنت معصبه:29: حصلت غرفتها محيوسه تحت فوق قالت ماما ارسمي لي بالدفتر تزيين الدفتر قلت له وانا كل يوم برسام لك ليش ماترسمين النفسك والا انا اسمع كلامك وانتي ماتسمعين كلامي ماقلت لك رتبي اغراضك البنت زعلت وقلت خلاص مابي شيء بس تتمنين على خلاص مابي منك شيء وجالست على كرسيها تحوس بشنطتها من العناد الى الساعه 10 واخذها النوم غصب عليها وهي زعلانه يعني قاعدتها سوي كل شيء تطلبه وانت ساكته لاتقولين بسويه علشانك ومع ذالك ياليت تشكر دايم مقولتها انتي ماتحبيني دايم تهوشيني وتعصبين على وانا ان شالله اني اداري خاطرها اكثر من ابوها يمكن بس مادري كيف الحل |
ياقلبي عليها ..
الله يخليها لك .. كم عمرها بنيتك ..؟؟ أنا لسى ماجربت بناتي صغيرات .. إن شاء الله أستفيد من موضوعكم واتجنب أخطائكم .. |
أختي ريفاان ، بنتك ذكية جداً و تعرف كيف تأثر عليك
أختي الصغيرة كانت كل ما سوت شي و أمي خانقتها عليه تجلس تبكي و تقول ما حد يحبني ، النتيجة لما تغلط مرة ثانية ما حد يقول لها شي علشان ما يبين ان اهلي ما يحبونها ، صاروا يجون لي و يشكونها عندي وأهم شي طبعاً انها ما تدري علشان ما تظن انهم ما يحبونها لما سألتها ، قالت لي : ما في احد ما يحب عياله بس هي مرة قلتها ومشت وصرت اعيد و ازيد فيها وضحت عندك الصورة؟ الله يعين الجميع |
هلا بك
عمر بنتى بالضبط 5 سنوات و6 شهر مادري الغلط فيني او فيه |
ياحظي ولا جاء ذكائه الا على
المشكله لم اقول البنتى فيه احد مايحب اعياله تقول اي انتى دايم تهوشيني لو بقوله ليش كذا حتى بهدوء قالت تهوشيني ماتحبيني |
توقعت عمر بنت أكبر.. ما شاء الله.. مثل ما قالوا الأخوات بنتك ذكيه و تبي تأثر عليك.. لكن انتبهي لو سيطرت عليك الحين و عرفت ان هالشي بيأثر عليك بيكون سلاح في يدها.. انا بقولك طريقه وممكن تلاقين منها رفض في البدايه وهذا شي طبيعي لكن مع الوقت بتجيب نتيجه كويسه وبتريحك.. انا اقترح انك تجلسين و تتكلمين معها (في وقت مايكون في أي مشاكل بينكم يعني جلسه عاديه) "و لا تنسي امسحي على شعرها و ضميها و بوسيها وخليها تجلس في حضنك" تفاهمي معها و قوليلها انها أغلى شي في حياتك و انها بنتك و اختك و صديقتك وكل شي.. و لازم نكون مع بعض دايما.. انا ما ازعلك و انتي ما تزعليني (اتفقوا على هالشي وخليها توعدك) فهميها ان مثل ما لها حقوق في عليها واجبات.. و إذا قصرت في واجباتها بيأثر هالشي و بنقص حقوقها يعني هالشي في يدها هي.. إذا سوت كل اللي عليها انتي منتي مقصره معها.. :14: مثلاً إذا ما رتبت سريرها مافي شوكلا العصر.. أو إذا ما تحممت مافي طلعه.. وخلي عندك أفكار مثلاً إذا كنت ناويه تشترين لها ملابس.. قوليلها انك اشتريتي لها لأنها امس كانت ممتازه :17: وإذا كنتي ناويه تودينها ملاهي قوليها بوديك لأنك خلصتي واجباتك بدري.. (خليها تحس بنتيجه الأشياء الكويسه اللي تسويها و امدحيها) وإذا ناويه تروحين لأحد من أقاربك وهي تحبهم قوليها انك بتودينها لأنها تكلمت معاك باسلوب زين وصوت واطي وانتي انبسطتي منها مرررره هذي اشياء بيسطه لكن تجيب نتيجه.. جربي وشوفي :) |
ياعممممممممممري الله يحميها ما شاء الله بنتك فعلا ذكيه وممكن تكون حساسه
تصدقي نفسي اشوفها الله يحفظها لك من كل مكروه أختك سبيال |
عزيزتي لاتتوقعي انه الطفل في الوقت هدا من العمر يتقبل كل كلام الاهل
في هالعمر المفروض كلمتك هي الماشيه يعني قوليلها بعملك دفترك بس اذا قمت رتبت غرفتك واذا رفضت عاقبيها هي في هالعمر تحتاج التربيه + الحب في وقت تكون سمعت كلامك فيها تقربي منها احضنيها وملسي على شعرها وبوسيها وتكلمي معها وكثري من كلمة احبك بس لازم تكون ترد عليك في كل كلمة لان الطفل على ماربتيه بدك اياها تبرك بالمستقبل اذا بريها بالتربيه الحسنه اما اذا انصعت لكلامها وحست انها بتأثر عليك بضلها تكررها ويمكن تتغاضي عن سيئاتها عزيزتي كل شي بوقته حلو يعني الشده بوقتها و الدلع له وقته لاتعوديها كتير على الرشاوي اذا ماسمعت كلامك لانه انت امها لازم تسمع كلامك مو لانه هناك عائد من ورا تصرفها الله يوفقك ويحفظلك البنوته العسل |
اخت طريقتك تشبه طريقتي كثير
طلبات الاولاد تكون مقبل طلباتي يعني اريد لعبه مقابلها ترتيب الغرفه يريد يشوف تلفزيون ادي واجبات المدرسه والاولا يبكون ويزعلون الى ان نبهني ابو اثير لامر اني اعملها كعقوبه و هذا يجعل طلبي مع انه واقعي و مطلوب و الحق معي يكون ضدي و كاني اعاقبهم او انه الامر سلاح بيدي لذلك غيرت طريقتي معهم يرجعو من المدرسه يؤدو واجباتم من غير كلمه حتى اسوي لكم او تحصلو على فرقي بين طلباتك و وقتيها بعيد عن طلباتها الله يخليلك ياها ويرزق كل محروم |
اقتباس:
والله الى تقولينها اسويه بس ماشفت شيء تدرين مره قلت له بروح السوق علشانك مع اني مالي خاطر بسوق قالت مو لزم نروح تمننين على تقولين بروح علشانك الله بس يصلحه ويهديه |
| الساعة الآن 01:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©