أتزوج عليها ولا ؟؟؟
 

تزوجتها وعمرها 15 سنة وعمري 20 حبينا بعض الى حد الثمالة عرفت كيف ترضيني وحفظتني عن ظهر قلب وتفننت في رسم الفرحة على وجهي ، في الشهر الثالث من زواجنا ومن فضل الله حصل أول حمل ، أيامها كانت إجازة نصف السنة وطبعا مايخفى عليكم هالأيام ماتتفوت للكشتات والطلعات وطبعا طلعنا للبر وتعرفون انتم وش معنى طلعة شيل وحط وطبخ ونفخ وبنت الحلال ضغطت على نفسها في وقت هي في اشد الحاجة للراحة وماكتب الله نصيب وبعد مارجعنا من البر سقط الجنين بشهره الثالث عسى الله لايحرمنا فضله وشفاعته ، ومن هنا بدأت قصة جديدة رحلة العلاج ومن مستشفى الى مستشفى ومن ام فلان إلى ام علان وتخبرون انتم علاجات العجايز لكن سبحان الله مرت حوالي ثلاث سنين ونص ومافيه شي خلال هالفترة جاني الوالد الله يطول لي بعمره وقال ياولدي اللي تزوجو معك عيالهم يركضون يعني بالعربي الرجال يبي يزوجني ، بصراحة ماأخفيكم عرضه كان مغري خصوصا أنه تكفل بالمصاريف لكن يشهد الله اني خفت عليها تنجلط وبنفس الوقت ماحبيت انكر جميلها معاي وشدة رعايتها لأمي وأبي ، طبعا رفضت الزواج ومن فضل الله ثم فضل واحد من الشباب قال لي عليك بقول (( ربي لاتذرني فردا وأنت خير الوارثين )) ومن وقتها وأنا ولله الحمد أردده بكل حركاتي وسكناتي وفي كل سجده وماكملنا ثلاث شهور إلا وهيألنا الله سبب دخلت هي مستشفى الملك فهد بالرياض وسوت عملية وبعدها بشهر وتحمل وتجيني بنية عمرها الآن ثمان سنوات ومن زود الحرمان اشتغلنا وكل سنة مولود وأبشركم عندنا الحين ثلاث عيال وبنوتتين ، ومن هنا بدأت رحلتي الجديدة تدرون كيف ؟؟ باختصرلكم مشكلتي بكلمات وكل شخص متزوج راح يفهم وش قصدي مع احترامي لإخواننا وأخواتنا العزاب المشكلة ياناس الحرمة تحولت من زوجة دنياها كلها أنا إلى أم دنياها كلها عيالها يعني عيالي سرقوها مني وثقوا بالله إني ماني جايكم من بلاد الواق واق ولاني قاعد أحكيلكم قصة من قصص ألف ليلة وليلة أنا من عيال هالبلد ومن نجد واقسم لكم بأني ماخليت عليها شي من النصح والتوجيه وشرحتلها كيف تقدر توازن وتسدد وتقارب وتقسم وقتها وترتب اولوياتها ((ترى أخوكم ذهين وعنده شوي في تطوير الذات )) لكن لاااااااحياة لمن تنادي ...
الحين أتمنى بكل صدق منكم تعطوني وجهة نظركم وتردون على سؤالي أتزوج عليها ولا ؟؟؟؟

لا تتزوج عليها وإنما القليل من الصبر
يا أخي كل سنه تنجبون يعني مافي راحه للمرأة
بدل ما تحاول تساعدها في المسؤليات تقوم تفكر في الزواج ؟؟
لا تفكر إنك بترتاح بالزواج الثاني ترى إنت بتزيد الطين بله ؟؟
وحذاري يا أخي من الزواج بأخرى،

حاول اكثر وساعدها على تهيئات الاجوء

واقنع نفسك بالاوقات الممكنه حسب الممكن يعني لا تتشرط وقت محدد او وضع معين يعني ارضى بالحلول حسب ضروفها واجعله هي التي تجد الاجواء المناسبة
انا انصحك وانا شعوري مو بعيد عنك لان زوجتي قريبه من سلوك زوجتك لاكني انصح نفسي وانصحك
الزواج ليس الحل الا اذا كان هناك امور اخرى غير ما ذكرت

لان في الزمن الحالي الذي يستطيع ان لا يلجاء للزواج الثاني هو الكسبان

مع اقراري ان التعدد حث عليه الاسلام لاكثار النسل وزيادة الامة الاسلامية

ولاكن اجلس مع نفسك وفكر بوضعك بعد الزواج الثاني كيف بيكون وضعك

وانا انصح عموما ان الذي يفكر بالزواج الثاني بسبب ملاحضات على زوجته في نطاق الفراش فانه غالبا يمكن ان ينصحها ويعدل وضعها بهدوء كما انه عليه ان يتنازل قليلا

هذا الا اذا كان وضعها في الفراش قد يعرضه للجوء للحرام لاقدر الله
فعند هذه الحاله قالزواج الثاني هو الحل
واعيد ان الرجل لا بد ان يكون تفكيره بهذا الموضوع بواقعيه وعقلانية وانكار لذات
واسأل الله لنا ولك التوفيق وان يغنينا بحلاله عن حرامه

مع اني خائف من الهجوووم الكاااااااسح من طرف خواتنا العضوات ... لكني بــ اقول لك إذا كنت مقتدر وتضمن انك ما تظلمها (( يعني تكون عادل) توكل على الله واتزوج :22: ... ولا تنسى تعطينا أخبارك أولاً بأول .. ((عشان نسوي مثلك)) :11: .. وبالتوفيق .

يعني ما راح تحل الموضوع إلا بالزواج

بالعكس الزوجه الثانيه يعني مزيد من المسؤولية

ومزيد من المسؤولية تعني مزيد من الأولاد والأطفال

يعني راح تتعقد الأمور أكثر وأكثر

وهذا رأيي الشخصي

إنك تجلس معاها وتحاول أكثر تقسيم الوقت معاها

تحياتي

ما وجدت غير هالحل أخي

سبحان رب العالمين ما بيتفقو العرب ع شئ سوى ع التعدد

قول لها على بلاطه..
يابنت الحلال أنتي بتتسنعين ولا أدور على وحده ثانية وأنتي تتفرغين لعيالك؟؟

إش فيكم الكل بدوا ينضرب ع قلبه ويتزوج

هذول العيال كانت جابتهم معها من بيت عيلتها

مهم عيالك

سبحان الله

يا أخي راعي مشاعر زوجتك ولا تكن إنت وزمن عليها

ثلاث ولاد مو سهلة أخي

الله يهديك ويديمك تاج فوق راسها ويخلي لك إياها



أم وليد