مشكلتي مع الماسنجر .............؟؟
 

السلام عليكم ورحمة الله وبركاته ........مساكم الله بالخير جميعا .

من اين تبداء هذا البوح ياقلم .... .ام كيف تصمد والاحقاد ترتسم ......

هذا النزيف علي جنبيك منبثق.. وفي فؤادك من بوح الاسي ندم ........

اكتب فأنت يد التاريخ مابقيت ...... محابر او تبقي في الوريد دم ........



احبتي في الله ..........قبل فترة من الزمن اظافتني فتاة عندها بالماسنجر ...

وعندما سألتها ..من اين لكي ايميلي .قالت انا زبونه عندكم ..واخذته من مطبوعاتكم ..

صدقت انا السالفه ....فكانت تسألني عن بعض المنتجات .. فحسيت انها صادقه .....


المهم مع الايام لااخفيكم تعلقت بها ...كانت انسانه ملتزمه ...تذكرني دايما بالله ...

وتحثني علي صلاة الوتر ....... وصلاة الفجر مع الجماعه .......استمرينا قرابة الشهر ...

ونحن علي هذه الحال ... كان كل كلامنا رسمي .. ...لكني كتبت لها كل قصائد

نزار قباني اللي احفظها .......وكنت كاتب النيك نيم حقي ...لاسلطة في الحب تعلو سلطتي ..

فالرأي راي والقرار قراري .......فمره قالت لي ابي منك ديوان نزار قباني ..قلت لها موجود

عندي ..ووعدتها به ...فرحت البيت ادور علي الكتاب ..وقلبت البيت .فوق تحت مالقيته ...اسأل ام مريم عليه .. مافي فايده

المهم لا اطول عليكم ......يوم ماتوفي اخونا سنون ومنون ...انا تأثرت جدا .....

حسيت ان الدنيا قصيرة واحلامنا كبيرها ....وان الموت يأتي بغتة والقبر صندوق العمل ...

المهم ....غيرت النيك نيم تبعي .....اللهم ارحم موتانا وموت المسلمين .... فدخلت ..

فقالت لي خير .من اللي متوفي ...قلت واحد من اعضاء المنتدي واخيرهم .....

وقلت لها ...اسمعيني ..انا والله مااقدر اواصل معاك ...احس اني اسوي شي غلط ...

فلو تبي علاقتنا تستمر لابد من الزواج ......انصدمت ..معقوله تتزوجني ..قلت اتزوجك

افضل من اني استمر معاك بالغلط ...وعلي فكرة انا كنت كذبت عليك اني مطلق ......

الحقيقه اني متزوج ا ثنتين ... وحده معاي في البيت ...والثانيه .... مع وقف التنفيذ

وانتي الثالثة ..........قالت وااااااااااااااااو معقوله ..اصير الثالثه .....افكر وارد عليك

اليوم الثاني ردت علي وقالت موافقه ..اهم شي اني اخر وحده ...قلت كويس ..ونكفر الماضي بالزواج




قلت يالله عطيني عنوان البيت . .....قالت بوصف لك البيت وانت بطريقتك اتفاهم مع بوي .بس لاتجيب سيرة

النت ......قلت افااااااا عليك ..المهم جابت لي اسم الحي ..

طلع نفس الحي اللي انا ساكن فيه .........انصدمت انا ........قلت تصدقي اكيد اني اعرف ابوك

ويش اسمه ...؟ رفضت تعطيني الاسم .......قلت طيب ويش سيارته ........ قالت لي ؟؟؟ اف


نفس سيارتي ........وللحين ماني مستوعب ........قالت وبعض المرات يدخل السياره

في الحوش ......وبعض المرات يخليها برا .........بديت الخبط .......اوصفي البيت ثاني مره لو سمحتي ........

ووصفت البيت ......انا ساعتها تسمرت مكاني .....والله اصابيعي قعدت ترتجف مصدوووووووووم

وهي تتكلم وانا سااااااااااااااااااااااكت وجانتي دوخه .....الو الو الو واشاره تنبيهية .......


ضاقت بيا الارض بما رحبت .......طلعت اللي اكلمها من فتره بسيطه ..هي ام مريم ...

قلت لها الحين جاي اخطبك ...وسكرت ماني قادر اواصل ........@

قعت افكرررررررر ...ارجع البيت ..واسوي نفسي اني عارف انها هي ..ولا اروح فندق واسكر جوالي

وافتك من تحقيق كونان .اليوم .....فقررت اني ارجع البيت ........ دقيت الجرس وقعدت استهبل ..الوالد موجود ..

المهم من الصدمه ماني قادر امزح ... قالت لي دايما تطيح بشر اعمالك علي يدي ........

قلت هههههههه علي بالك اني ما ادري انه انتي ...... قالت لاياشيخ ....... قلت والله ........

ادري بس قلت خليني اشوف اخر الفليم ... ..... قالت طيب وديوان نزار قباني ..يوم دورت عليه

ومالقيته ..كنت تبي تعطيني؟؟؟...قلت اممممممممم هذي ما حسبت حسابها ..1\0 لصالحك ......

قالت لي ...متي بتعقل يابو الفداء .....متي يازوجي الحبيب .؟؟؟..مانت مرتاح الا لمن تجلطني ...

قلت ويش اسوي ...لك ... مين قالك تظيفيني عندك ..بالماسنجر ..يعني مانتي واثقه .ومين قالك تدخلي ماسنجر

من اصله ............ من اليوم وصاعدا ما في نت في البيت فاهمه ..........



قالت افففففففف اخس والله شين وقواية عين ....المهم تهربت من السالفه ..ودخلت انام ......

والله ما عرفت انا م .....ماصدقت علي الله.. اذن الفجر ...ورحت اصلي ....وللحين مارديت البيت ..

مالي وجه ارجع البيت ....بصراحه متفشل من عمري ....مررررررررررره ....وهي كل شوي ترسل

لي مسج .......ابوي عازمك علي الغدا .........ابوي يقول تري العشا عندنا ..........كلها مسجات دق واستهبال

والله ماادري ويش اسوي محتاااااااااااااااااااار ...كيف ارد البيت ..طبعا هي مش زعلانه ..من الصباح ترسل

رسايل وتضحك وتدعي ان ربي يهديني .....بس انا ضميري يعذبني جدا احس اني ما استاهل هذي


الانسانه .

تعبت والله ويش الحل ....... :( :(

الله يهدينا واياك ...

زوجتك اذا فعلا مسويه هذي الحركة فهي خطيرة ..

واغبطها على الحلم اللي عندها ..

الله يكملها برجاحة عقلها ويسخركم لبعض ..

واعتبرها مزحة حلوووة وظريفة ..

من صدق تتكلم أو تمزح؟

ههههههههههههههههههه

دائما تطيح في شر اعمالك

يا ريت تتوب ...

دائما تفكر انك انت اذكى من ام مريم ...ها !!!؟؟؟؟

ام مريم هذه بتخليك تمشي على السراط المستقيم

يا اخي ما ابغي اقول كلام جارح ...لكنك عن جدك كأنك مراهق

خلاص انت كبرت على هذه السوالف

ترى ضربتين على الراس توجع ...مرة ملكت من ورا من امريم ...والحين تكلم ام مريم على اساس انها وحده ثالثة ...الا على فكرة ... وش صار في موضوعك القديم مع الحرمة الثانية ؟؟انحل والا لسة معلق؟؟؟

عندك مثل ام مريم وتدور عليها ثانية ؟؟؟؟

قلنا بس وش اللي يملي عينك؟؟؟؟

والله لو تجي حورية من الجنه بعد ما راح تعجبك

لانك انت ما تدري وش تبغي بالضبط

الله يكون في عونك على نفسك

تحياتي

أم مريم

الله يحفظها يارب ، و يعوضها خير على صبرها

و الله موقف كثير رائع و حلو .........

بس الله يعين زوجتك .... معقول ممكن تصدق إنك ما رح تحكي مع غيرها



الله يحفظكم لبعض

صراحة احسد زوجتك على علو اخلاقها وحلمها
تراها تحبك لو ماتحبك كان قومت الدنيا وقعدتها
وهذا درس ليك هالمره زوجتك شوف المره الجايا تطلع مين
احمد الله على الزوجة الصالحة الي عندك
وبسرعة رد البيت وصالحا وطيب خاطرها

روح البيت ولا تشيل هم ام مريم انسانه طيبه
و احمد ربك على هذي النعمه الي اعطاك اياها (ام مريم)
و بين لها انك لو لفيت العالم ماراح تلقى مثلها

هههههههههههه والله الصراحه حسيت نفسي اقرأ قصه من النت:d
بس والله ماشاء الله عليها تبغي الصج
والله لو تلف العالم ما تلاقي مثل ام مريم ارجع لها وجيب لها هديه
واجلس وياها وستسمح منها يكفي مكابره
يكفي غرور
انت الغلطان ولازم تجلس معها وتنسيها كل شي عملته لها تدري ليش
لانها صبرت عليك
وماتقول ما تنسى كل النساء تسامح زوجها لانها تحبه
طمنا وش سار معك
في امان الله