ماهو شعورك يوم الخطوبه بين المعازيم؟
 

السلام عليكم ورحمة الله وبركاته...


شخباركم يا حلوات ...لحقوا علي


ابي اعرف شو كان شعوركم يوم زفوكم يعني اقصد حفلة الخطوبه...اكيد عزمتوا ناس وكل شي...:14:


كيف كان شعوركم هل وقت الزفه حسيتوا برعبه...وكيف يوم دخلتي على الحريم :rolleyes:




وشو شعورج عقب ما قعدتي على الكوشه هل زاح الخوف؟



وآخر سؤال والله: شو كان شعورج والمعرس داخل ..يلبسج الشبكه




لأني ميته من الخوف

بصراحه شعوري يومها امتزج بالخوف والفرحه لاني احسست وكأني اميره ولقد جاء الجميع ليشاركوها فرحتها ويوم الملكه من اجمل واحب الايام التى لا انساها انا وزوجي

فنصيحتي لكي تغلبي علي خوفك وعيشى هذا اليوم بسعاده لانه لن يتكرر

واتمنى لكي السعاده مع خطيبك

كان يوم رائع ممزوج بالخوف والفرح...في زفتي كل الناس كانت تطلع حسيت إني شيء مهم ههههههه لا لا بجد حسيت برعب اول ما دخلت عشان نظرات الحريم اللي تخوف هههه وبعدها لما طلعت على الكوشه عملولي اخواتي وقريباتي وصحباتي مفاجأه عمري ما انساها..واتمنيت ان الحفله ما تخلص لدرجة انهم كانوا يقولوا خطيبك ينتظرك عشان يلبسك الشبكه..اقلهم لحظه. انتظرني خطيبي لغاية ما عصب وكره نفسه(تصدقي) لما لبسني ما جلس معايا من كثر ما زعل مني..
حبيبتي استمتعي ولا تخافي ترى دا اليوم حيكون احلى يوم في حياتك..لا تقولي يوم الزواج احسن لا..عشان الزواج حتبعدي عن اهلك وحيكون كله خوف(حيتقفل عليك انتي وزوجك باب) بس الملكه حترجعي مع اهلك يعني............ امااااااااااااااااااااااان.............
والله يحفظك ويتمم لك بخير
ومبروك مقدما
أختك سبيال

تسلمون حبيباتي ازال 2006 و سبيال


هههههه ضحكتيني يا سبيال...بس شو نسوي لازم نخاف..انا من يبون طاري المعرس احس بمغص وخوف ومااشتهي آكل...الله يستر بس



عموما شاكره لكم مشاركتكم الحلوه ^_^

:d والله للحين اتذكر يوم خطوبتي

طبعا كان فيه خوف تدرين ليش ؟؟ لانه راح تكون الانظار كلها عليك وبس ... والله انا كنت ارتجف ... وكل

شوي اشرب مويه .. مادري شفيني ... بس لمن بدا يخف عدد المعزومين راح الخوف شويه .. صارو الي

موجودين معظمهم معارفنا ...

وطبعا انا الي دخلت على زوجي بالمجلس .. لانه الحفله كانت ببيتنا لظروف ...

المهم دخلت عليه ومن اولها .. كنت بتكرفس .. من الخوف مو عارفه امشي هههههههههههههههههههه


وقت مالبسني ماكنت اناظر فيه اصلا ... وكلها كاانت خوف في خوف


لكن ماعليك شوي شوي وتتعودين ..


الله يوفقك يارب

هموووم

اكيد راح تكون فرحة ممزوجة بخوف
اهم شي جهزي نفسك من كل شي.. عشان تكوني مرتاحة

مثلا اعملي البوديكير والمونكير قبل بيوم.. حمام مغربي قبل بيومين

قبل بيوم طلعي ملابسك وعطريها بخريها ورجعيها مرة ثانية

بنفس اليوم اعملي حمام الهنا ولاتخلين عطر ولاكريم ولابودرة ماتحطينها..:d

واذكري الله وكل ماحسيتي بخوف تذكري انك نجمة الحفل راح تفرحين صدقيني

حاولي استمتعي بهاليوم طبعا راح تكونين حاجزة قبل مكياج وتسريحة وحددي موعد بدري عشان تخلصك بدري وترتاحين

واستغفري لحد مايجي العريس وخلاص ياحلوة الباقي ماتقدرين تتحكمين فيه حسب الظروف
وتصرف زوجك والحفلة نفسها

موفقة ياحلوة

ألف مبروووووووك ........ أنا الصراحة يوم حفلتي كنت ميته من الخوف و كنت أخجل أمشي أمام الحريم تعرفين بعد الحريم شلون يطالعونج من فوق و تحت و جهي صار لونه أحمر مثل الطماط عندما دخل زوجي ... أحيانا أذكر هالموقف أضحك على نفسي وأقول كان شي عادي و دوم أقول لزوجي اشرايك أنسوي حفلة خطوبة مرة ثانية لأني الصراحة ما فرحت عدل بسبب خوفي .......... والله يتمم عليج و لا تخجلين و خلج عادية لأن هاليوم ما يتكرر إلا مرة واحدة في العمر


مع تحياتي
أم حمد

الله يوفقك قلبي
صراحة ما كنت احس بشي ابد ,, جاني تبلد و غباء مدري من وين..
حتى لما كنت انزف و يلبسني الشبكة و كل حاجة كنت احس اني مثل الدمية المبرمجة,,

بس الحمدلله عدت على خير :) و الحمدلله انبسطت كثير,, :) حتى اني رقصت مع صديقاتي مع انه هالشي مو من طبايع اهلنا