ابي فزعتكم
 

انا متزوج ولي سنة الموضوع هو ان زوجتي سامحها الله بعد ماملكت عليها بفترة تزوج اخوها المهم ان قرايب اهل زوجتي حضروا قبل الزواج وسكنوا عندهم وصار شي ماكنت اتوقعه ابد واحد من عيال خالاتها خلا بها وقالها اني احبك واموت فيك ومسك يدها وحبها وهي جالسه معاه ماقامت ليش لانه ولد خالتها المهم قالت لي بعد ماصارت السالفة وسالتها ليش سويتي كذا قالت كانت بنت خالتي معنا ياسلام تتفرج قلت لها هو محرم لك قالت لا قلت لها صار شي بينكم قالت لا قفلت السماعة بوجهها وفكرت اطلقها بعد كذا قامت ترسل لي رسايل انا اسفة والله ماصار شي بس انه قالي احبك وابي اتزوجك وانا مطنش وقفلت جوالي بعد كذا لاني منصدم بالموضوع كيف تسوي بي كذا المهم اني بلعت الموضوع وقلت ما ابغى اضايق امي وابوي عشانهم هم اللي اختاروها لي شلت فكرت الطلاق من راسي بعد كذا تزوجنا وكل مااشوفها اتذكر السالفة .
ابي الحين اعرف منها وش صار بينهم بالضبط ؟
(صرت مااثق فيها ابد )

أخي الكريم
كيف قفلت السالفة ؟ وليش؟
من المفروض أن تبحث عن السالفة كاملة
وتستطيع أن تعرف من خلال ردة فعل زوجتك
أنا لا أقصد أن تخرب بيتك وتشك في زوجتك ولكن ليرتاح قلبك
الشك سرطان الحياة الزوجية
أخي نحن معك
الكل سيطرح وسيلة وحل وباذن الله ستنتهي مشكلتك
ابتدئ بالنقاش معها ولكن احذر احذر احذر أن ترى في عينيك الشك او الاتهام
واجعل غرضك أمامها ان غيرتك شديدة عليها لحبك الشديد لها ولذلك لم تنسى القصة
وضع في الحسبان أنها اخبرتك بما حدث وهذا دليل خير


لي عودة
أتمنى لك التوفيق


حنان

يا اخي الكريم أترك الشيطان عنك وهذي كلها وساوس شيطانيه
ولو إن البنت ماهي مضبوطه أو صار شي بينها وبين ولد خالتها
ماكان خبرتك من الأساس أعرف إن زوجتك على نياتها ولا هي
من أصحاب الأمور هاذي

يمكن قالت لك الحكاية عشان تبغاك تغار عليها

و تبين لك إنها مرغوبة حتى بعد ما ملكت عليها ؟

هذا تفكيري ميه الميه
وانا اعتقد ذلك لان النساء جبلن على ذلك
يعني تحب تفرجي نفسها انها مرغوبه حتى بعد الزواج
ولا تخلي الشيطان يلعب براسك
انسى الماضي وخليك مراقبها من بعيد شفت فيها شي قول لها روحي عن هلك
في امان الله

يا خوي استهدي بالله... لو بينها وبين ولد خالها شي ما كانت جت وقالتلك من الاساس فكر فيها بالمنطق شوي...

ابي فزعتكم
 

السالفة اطول من كذا لكن انا اختصرتها وبعدين فعلا صار شي بينهم وهو انه خلا بها وخلاها تمسك ؟؟ اكمل ولا بلاش هي تقول ماصار شي انا ماني مصدق لانهم وصلوا مرحله غير اخلاقية ابد

بعدين يمكن هي قالت لي السالفة عشان محد يسبقها ويقول كلام غير اللي تبي
وبعدين قالت لي لحد يدري من اخواني لو دروا ذبحوني ياجماعة والله انا احترت مابين مصدق
ومكذب المشكلة انها في البداية قالت ان بنت خالتها كانت معهم وبعدين قالت لا ماكانت معنا
يعني الدعوة فيها كذب انا ماذبحني الا ان السالفة صارت بعد ملكتي .

تكفون افزعوا لاخوكم احس اني بنجلط كل ما اتذكر السالفة حتى وانا اصلي اعوذ بالله اتذكر السالفة ويفور دمي


ارجوكم افزعوا لي بالنصيحة