|
افكر بالطلاق شوركم
السلام عليكم و رحمة الله و بركاته
انا زوجي الحمدلله ما عندنا مشاكل الا البسيط لكن امه جننتني دايما اتذمني عنده وانا شايلتها على راسي بس ياويلي اذا قصرت او زليت بشي بجون قصد ما يبقى كلمه ما تقولها عني بس ما تقولها لي تقولها لزوجي وزوجي من النوع الي يحب امه و يحاجيها على طول بالتليفون و 24 ساعه عندها يغني يرجع البيت يتغدا و ينام و يقعد المغرب يروح لها على طول ويقعد عندها مو اقل من ساعتين 3 ساعات واذا ما راح المغرب يروح بليل يقعد معاها لما الساعه 12 ومع هذا متحمله و اقول امه فا دايما لما تذمني و تتكلم عني اهو يسمعها و يجي يقولي وانا احاول اعدل اي غلط واهو المشكله مقتنع بكلامها 100% الي مضايقني ان خالتي كل شي تقول حق زوجي سوالف الحريم والحش و شنو يصير بحفلات العرس واحس انه ولد امه لان هالسوالف ما المفروض تنقال لرجل المهم انا حاسه ان امه من كثر ما تزن على راسه راح تخليه يكرهني مع اني و الله مو مقصره معاه عمري ما طلبت منه شي فوق طاقته لا لي و لا لولده واهله اتصل عليهم و اسأل عليهم و معاهم بالحلوه و المره لكن خالتي ما يبين بعينها شي و دايما تفتعل المشاكل حتى لو قلت كلمه بدون قصدي تفسرها ستين تفسير و تظن فيني ظن السوء انا مليت مليت ابي اطلب الطلاق |
السلام عليكم ورحمة الله وبركاته
غاليتي استهدي بالله الموضوع لا يستحق الطلاق عزيزتي هل تصدقين وعد رب العالمين ؟!! بالطبع نعم فربي سبحانه يقول : ( ولا تستوي الحسنة ولا السيئة ادفع بالتي هي أحسن فإذا الذي بينك وبينه عداوة كأنه ولي حميم ) فقابلي عمتكِ بالأحسن واصبري عامليها بكل ماهو جميل لله وليس من أجل أحد غيره قدمي لها الهدايا توددي لها بمساعدتها في أعمال المنزل واثني عليها أمام زوجكِ وصدقيني بأنها ستتغير وسيرى زوجكِ الحق امام عينيه فاصبري واستعيني بالله واحتسبي الأجر وبإذن الله ستتغير الأمور لكن الطلاق ليس حلا أسأل ربي أن يوفقك ويسخر زوجكِ لكِ |
لا حول ولا قوة إلا بالله
تطلبين الطلاق لأنه يمكن يكرهك !! وأمه معاملتها شينه !! بصراحه أعذرا ماتصلح للتفكير في شيء خطير مثل الطلاق انتٍ شايفه عليه شي مو تمام ؟ الإصلاح أولى من الفرقه يا أختي اذكري الله |
شوفي حال كثير من البنات هالوقت
تزوجوا رجال مدمني مخدرات رجال ما يعرفون طريق المسجد و إنتي تبغين تتطلقين عشان أمه هذا طلاق مو لعبة صدقيني هو أكيد مع الوقت بيعرف طبع أمه لكن حتى لو عرف هذي أم ما يقدر يقول لها شيء انتبهي تفكرين بالطلاق عشان هالسبب |
ههههههههههه جالسه اضحك تدرين ليش لاني نفس سالفتك وازيدك من الشعر بيت
هي ما تصدقني ابدااااااااااااااا يعني احلف لها انه هذا الشي سار وهي تقول لاااااااااا وتكذبني امام الناس بعد بس شوفي وانا اختك ما تردين عليها طنننننننننشي والله بكرى تعرف قيمتك لحالها وقولي لزوجك ما ينقل الكلام لك ابدااااا قولي له انا مسامحتها وخليها تحكي على راحتها بس ما تنقل لي وش تقول وخلي يبر امه اذا هي ارمله وصدقيني بكرى ان كبرتي عيالك يعملون فيكي مثل ما عملتي مع ام زوجك وحطي ببالك انها امرأه كبيره يعني المرأه الكبيره تسير تحب تتكلم وتلفت الانتباه وشغلها الشاغل ابنائها وزوجاتهم فما تخلي راسك يعورك بهالسوالف طنننننشي وفقك الله حبيبتي وهدا ام زوجك لطاعه رب العالمين في امان الله |
طبيعي غيرتها منك لانك اخذتي ابنها خصوصا اذا كان اول ابنائها ...
تحمليها وطنشيها واهتمي كثيرا في زوجك .. وتذكري إن الطلاق ابغض الحلال عند الله .. لا تذكري ايا من افعالها واساليبها لزوجك مادامت حياتكما مستقرة بدونها .. وكل الرجال مع امهاتهم واخواتهم سواء بالصح او الغلط وكان الله في عونك .. |
الله لا يجعلني حماة ظالمة : (
|
حبيبتي لا تفكرين بالطلاق ابداااااااااااااا,لانه مو حل ,بالعكس هذا مشكله ,و لا تنسين انت عندك ولد
و بعدين قلتي ما عندكم مشاكل انتي زوجك,فلا تهدمين بيتك بيدك علشان امه انتي بس دايما ارضي امه و ارضيه بما يرضي الله,و حتى لو غلطت عليك ,و قولي معليش هي بحسبة امي و الله ان شاء الله بيوفقك |
جزاكم الله خير على النصيحه جميعاااااا الحين صايره بيننا مشكله وانا من حر ما في قلبي اول مره بحياتي اشتكي له من امه وقلت له لا تقولها انا ما ابي مشاكل طلع بعدها العصر متضايق بس كلمته بالتليفون و طيبت خاطره قالي انه رايح المزرعه وقلت له انا بروح بيت اهلي لما وصلت بيت اهلي لقيت امه متصله على امي و تكلمها في الموضوع الي قلت له لا يقوله لامه قعدت اتصل اتصل عليه ما يرد راح قال لها و امه سوتها سالفه و اتصلت على امي ومن يومها واهو ما رد البيت يوم الثلاثا بات عند اهله و باجي الاايام سافر راح بر السعوديه مع ابوه اليوم رجع عشان باجر دوام وانا من يومها اتصل عليه دايما مغلق بس توه شغله و اتصلت عليه و ما رد دزيت له مسج متى بترجع البيت و انتظرت مده ما رد لما دقيت مره ثانيه لقيته مغلق قولو لي شنو الحل انا ماني عارفه شنو صاير تصرفاته غريبه اهو يبيني ما يبيني تركني وراح ولا حتى سألأ عن ضناه ولا قال بسافر و لا مصروف و لا شي انا زوجته ولا عدوه |
الأفضل تتركيه هالفترة حتى يهدأ و يقدر يفكر ويركز في حل المشكلة القائمة....
|
| الساعة الآن 08:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©