ساعدوني الخادمة ومافعلته بأبني
 

السلام عليكم ورحمة الله وبركاته


ياجماعة الخير

قبل شوي كنت أرتب مطبخي وجيت جهة الزبالة أكرمكم الله

برمي فيها الأوساخ وطاحت بعض الأوراق على الأرض

ولما نزلت أشيلها لقيت كيس تحت الدولاب مربوط

وخرجته ولقيت داخل الكيس قارورة حقت المحلول لولدي ومليانة مويه

فتحت أشوفها وإلا ريحة معفنة أكرمكم الله

ناديت على الشغالة وحققت معاها أول شي قالت أنا ماأدري من حطها تحت الدولاب

وبعد ماخاصمت عليها وقلتلها مافي غيرك يدخل المطبخ ووووو

اعترفت وقالت هذه فيها مويه عادية ومتفلة فيها... الله يكرمكم

وتشربها ولدي عشان يقعد عاقل ومايأذيها

خلاص ياجماعة حسيت بإنهيار وبضربها بس قلت بلاش أضربها لكن نوديها الترحيل

وعرف زوجي بالخبر وقالي هاذي مالها قعدة بعد اليوم

وبنرحلها على طول


المشكلة هذا اللي سوته الشغالة هل هو صحيح مثل ماتقول مويه وتفااينها الله يقلعها

ولا سحر علموني الله يخليكم إذا سحر قلولي وش أسوي



أنتظركم

تم التعديل على العنوان

لاوم تتأكدين أنه مويه عادية..
الله يكفينا شرهم...

هذا سحر لانه معفنه وهذي من علامات السحر لايكون طفلك مسحور وانتي ما تدرين وديه عند الهيئه عندهم قسم خاص للسحر وبيعلمونك وشو لكن لاتسافر الشغاله الا بعد ما تعرفون وشو والشغاله احبسيها في غرفه بعيده عن طفلك وعنك حتى لا تنتقم منك لما عرفتي
الله يكفكي شرها

ياجماعة أنا لسه ماخرجتها إلا لما أتأكد أنه مو سحر

عشان ماتروح واحنا نقعد مانعرف وش نسوي

بس قولولي كيف أتأكد انه سحر

هل له علامات؟؟

انا مرة خايفة على ولدي الله يحفظه لي ويبعد عنه الشر

قولوا آميين

لا تسفريها الا لما تفهمى شن الموجود بالمية لازم تتأكدى ما تهونى الموضوع

فتشت أغراضها كلها ومالقيت شي


لكن دحين أروح أفتش البيت وإن شاء الله مااحصل شي

مشكورة مشرفتنا الغالية