اخاف من الحشرات،، بشكل وسواسي ماالحل؟
 

صباح الخير.
ارجوكم ساعدوني ماادري انا مريضة ولا اش السالفة
عندي خوف مو طبيعي يعني بصراحة يقلق راحتي وهو
منالحشرات وخاااااااااااااااااااااصة الصراصير ممكن تضحكون علي
بس والله من جد اني
اعاني معاناه اذا شفتها ينتابني خووووف مع رعشة واحيانا
ابكي ما اقدر اقرب منها او اقتلها اخاف يطلعلي واحد وزوجي
مو فية مدري اش يصير لي ودائما افكر بالموضوع وهو خوفي
منها احيانا افكر اقول ليش تخافين ؟بس مافي فايدة اتمنى
اني مااخاف وادفع ثمن مدري انا احتاج علاج نفسي ولا لا
مهما قلت ماتوقعون قد ايش اخاااااااااااااااااااااااااااااف

الإشراف:
تم تعديل العنوان ليناسب النص

الله لا يلومك خصوصا الصراصير انا اذا شفتها يوم احلم فيها اسبوع كامل0

تمشكورين على الردود اختي شيختكم الحمد لله بيتي مافية شي بس احيانا اشوفها برا او عنداحد مرة مسافرين لجدة ونزلت وانتم بكرامة لدورة مياة نبي نصلي العشاء الوقت متاخر وياللة حصلنا مسجد فاتح واحنا بطريق نبغى مكة وادخل الا والصراصير الواحد اكبر من الثاني واطلع بسرعة خايفةوقال زوجي اشبك قلت مافية موية استحيت اقول صراصير .مو شرط بيتي اخاف يطلع واحد فجاءة البارحة لقيت واحد صغير مرة اول مرة اشوفة في بيتي لي فترة طويلة وانا ساكنة ماعمري شفت شي ياللة اني قتلتة بفليت ومن بعيد وعقمت المنطقة الي هو فيها ونفسيتي زفت جالسة افكر من فين جاءءءءءءءءءءءءءء ومواصلة ماجاني نوم اشوى انة صغير واللة لو انه كيبر كان انجنيت اة كنت لاهية عنها ومتطمنة بيتي مافية شي وانظفة باستمرر بس احيانا تلاقي حشرة مدري من وين تجي وبعد جوعانة ماقدرت اكل.اسفة على الاطالة بس افضفض مما فيني.

يالله جيتى على الجرح اختي المسلمه 2006

انا اقرف منهم وجسمي يقشعر اذا شفتهم

بس اتذكر القبر وما فيه فيهون عندي امر الصرصور لان هناك ما هو اكبر واوحش والله المستعان

الله يعنا وياك انا مثلك ما اقدر اتحمل منظره والمشكله بالموضوع اني زرعة الخوف هذا في نفوس العيال من غير ما اقصد وفي حملي الاول كان صرصور بجنبي وجلست ادور واركظ وهو يركض معاي وكنت لسا النزيف واقف معاي ويرجع بشكل مخيف وادخل بعدها المستشفى صراحه خلاني اضحوكه عند اهل زوجي فشلني الله يجعله ينقرض وكل الحاره عرفت اني دخلت المستشفى بسبب صرصور والمشكله اني لا يمكن املك ردت فعلي حتى لو كنت بالسوق وكنت في احد المحلات مع زوجي وكان محل عبايات وواقفه اقلب بالعبي مادريت الا الشي اللي يتحرك مادريت الا انا خارج المحل بطريقه الكترونيه لكن المفروض الإنسان يملك نفسه في مثل هالمواقف او اقل شي قدام العيال لدرجة ان الاولاد يسألوني ماما ليه الله خلق الصرصور

أختي الكريمه اليك هذا الرابط وان شاءالله تجدي الفائده المرجوه ..

http://www.66n.com/forums/showthread.php?t=49808

تحياتي

والله كأنك تتكلمين عني... من كثر ما اخاف منهم اذا شفت واحد في أي مكان حتى لو انا ابتعدت من المكان او لو ذبحوا الصرصور او الحشره اتخيلها معاي بنفس الغرفه واتخيلها على كتفي او في ثيابي... اتجيني حاله نفسيه غريييبه!

عمري ما قدرت اتخطى هالخوف ولا اظن اني راح اقدر فيوم... سبحان الله كل انسان يخاف من شي...

طلعت مو لحالي الي اخاف من الصرصور :d
اعتقد اغلب النساء كذا انا اذا ركض هو امامي اركض وراه واضربه
لكن اذا ركض خلفي هنا المشكله:25: اصير اصيح واركض لين يجي زوجي يقتله الله لا يوريني صرصور
ذكرتوني بوحده قريبتي تجلس تصيح من الصرصور وما ترجع للمكان الي فيه الصرصور ابدااااااااا
لدرجه زوجها يهددها بالصراصير اذا ماردت عليه:d
الله يبعد عنا الصراصير يارب فعلا مقرفين:(