منتدى عالم الأسرة والمجتمع - لا أطلب سوى الدعاء لي

السلام عليكم
أول شي بدي أشكركم على الدخول .......صحيح انا مشاركاتي قليلا جدا وتكاد تكون منعدمة وذلك للاني لا اجيد الكلام بالعربي تعلمت بس الحكي الشرقي من مجموعة أصحاب هون على النات وياريت تقدرون تفهمون علي
مش عارفه من وين ابدا مشكلتي او معاناتي .....عمري 27 سنة مطلقة بدات معاناتي وانا عمري 15 سنة كنت عصبية اكتير وقلقة ومابركز الكل افتكر انو مرحلة مراهقة وراح تعدي ومرت الايام لسن 17 اتخطبت وسن 19 اتزوجت بشاب ما اعرفو منيح قلت راح اعرفو مع الوقت وكنت خبرتو انو انا عصبية جدا وحكيتلو على ضروفي وقبل ....بس قلت كمان انو انا راح اتحسن مراهقة وتعدي بس كنت مخطئة ما عدت ولاشي بس حالتي صارت من سيئ لا أسوء ما اتغير شي صرت بعلق مع زوجي على اتفه الاسباب كل يوم خناقة وعلق هوي من جهة وانا من جهة تانية ولاشي بيزبط بينا بعد سنتين زواج خلفت بنوته قمر المسكينة ما فهمت شي كل يوم تشوفنا بنعلق ....بعديها فكرت انو لازم ننفصل مستحيل نستمر هيك وخصوصا كنت خايفة علة بنتي انو يصير فيها شي حكيت مع زوجي وطلبت الانفصال وقبل وانفصلنا وكل واحد منا طلب السماح من الطرف التاني زواج استمر 4 سنين ونص طلاق في ضروف سلمية حتى انو القاضي اتعجب وخبرني انو اول مرة يشوف هيك طلاق وقالي ياريت الكل هيك متلكن ما بيتعبوني هههههه اي والله حرام......لمهم بعد الطلاق زادت حالتي صرت ما بنام والام في بطني مافيني نام على بطني انا كنت من قبل هيك بس فكرت انو كل العالم هيك بس لا خطأ قلت في شي غير طبيعي كنت بحس كانو جنين رحت لدكتور قال مافي شي وقتها قرر أبوي يعرضني على راقي ...اجا الراقي لبيتي بس شافني وحكيتلو حكايتي خبرني انو انا واكلة سحر واعطاني مي ....هالمي كان بيقرى عليها قران وبشربها وبيخبرني انو لازم استفرغ تيطلع هالسحر وكان كل ما استفرغ بيطلع مي اصفر وعليها رغوة كانو صابون سبحان الله ...اتعذبت اكتير بس الحمد لله بعد تاني مرة طلع هالسحر عشكل عود اخضر تقريبا ما صدقت شي انا صرت مو فهمانة شي بس الحمد لله ارتحت بشي 50% بس بعدني معصبة وبتنرفز ع كل العالم وعلى اهلي وحتى بنتي وخصوصا انو كان كل شخص يفكر يتقدملي ما بيجي يحكو معي او مع اهلي انو يتقدمو يخطبو بس ما بيجو بعد طلاقي بتلات سنين يعني من اسبوع بس خالتا لماما خبرتني انو ليش ما بشوف راقي لانو مش طبيعي الي بيصير بس انا رفضت وقلتلها لا انا تعبت من كل شي بدي اخلص بقى بس شجعتني واخدتني لعند ست بترقي رقية شرعية بالقران كمان هالست بس شفتني حطت ايدا على راسي وصارت تقرى آية الكرسي وامن الرسول وبلشت تحكي بكل اشي كانو بتعرفني مافيكو تصدقو كل حياتي عرفاها خبرتني انو عاملين عمل اكلاه اتعالجت منو بس مش اكتير باقي شوي وانو عاملين عمل من زمان تصير معصبة على طول وانو انا بفكر انتحر واخلص وبعلق مع اهلي بس لولا ايماني وخوفي من الفضحية كنت طفشت من البيت ....يعني كلو صح والله العظيم بقردت قادر عجب لمهم خبرتني انو راح تحاول تعالجني بس الشفاء من الله قالتي بس انتي خدي مي اقري عليها البقرة كاملة واية الكرسي وامن الرسول وسورة الشرح 25 مرة المي بشربها وبتحمم منو بعد ما اتوضى بس المي ما بتركو بيفوت عالمجاري لانو عليه سور قرانية باخدو وبحط عليه ملح وبرش على كل البيت لمدة اسبوع وبقدرت الله ممكن بيطلع العمل ..صراحة انا ما صدقت بس قلت بجرب طالما هوي قران مافي شعودة ولا شرك بالله جربت باليوم الاخير طلعت عالسطح قلت بشوف بركي فيه اشي فتحت خزانة كانت مسكرة وقديمة بس فتحتا لقيت كانو لعبة من قش على شكل انسان كلها مشوهة بسكين ما صدقت عيوني سكرت الباب وهربت رحت تلفنت لست الراقيه وخبرتا على الي شفتو خبرتا لازم تيجي لبيتي قالتي مافيني اجي لضروفي ....قالتي تعي انتي وجيبي هالشي معاكي بس لاتتوقفي من القران اقري اية الكرسي ..ساويت الي قالت وانا مرعوبة ...يعني كل الي بخزانة قديم وعليه غبرة بس اللعبة هديك مافيها شي لا غبرة ولا اثر شي غير انو مشوهة....لمهم رحت لعندها وشافتو قالتي هيدا هو وفتحتو طالعة منو ريحة وجواتو خيط وقطن ملون خبرتني انو الخيط بيعملوه مشان ولاواحد يقدر يزوج كانو بيربطوه و القطن لملون سحر والعياذ بالله وكلو معمول لكل العيلي ومشان تكرهو بعض وهوي واحدة ست عاملاه من زمان...والله مافيكو تتصورو كانو كابوس مش قدراني صدق لو شخص حكالي ما صدقت بس شفت بعيوني ...بعدها طلبت مني انو ترقيني تاني مرة مشان تتاكد ...والحمد لله كان كلو سليم ...قدرة ربنا فوق كل شي ...هداك الشي اخدتو حرقو كنت انا وجدتي طلبت انو متل ما عم احرقو ياريت تتحرق هالست فالدنيا قبل ما توصل عند ربنا مشان تتحرق اكتر هنيك للعذاب يالي عذبتني فيه لمدة 12 سنة

الي طلباه منكن انو تدعولي ربنا يكمل الشفاء ويبعد عنا كل اتباع الشيطان ويرزقني ويرزق المسلمات زوج يرضاه

اسفة على الكلام الغير واضح واكثر على الاطالة

تحياتي ام هدى