|
صغيرتي تعاني .. ساعدوني..
السلام عليكم ورحمة الله وبركاته ...
كيف حالكم ؟؟ وشو اخباركم ؟؟ هذي اول مرة اكتب فيها بهالقسم ... انا متزوجة من سنه تقريبا الحمدلله .. والله رزقتي ببنت وعمرها الحين ثلاث اسابيع (الله يحفظها) ارضعها رضاعه طبيعية .. وفي البدايه ماكانت عندي مشاكل.. بس لاحظت عليها من كم يوم تتعصر وايد ...واتصيح .. وبعدين ارضعها وتنام... بس زادت فيها هالحالة .. من يومين وخصوصا في الليل عالساعة وحدة .. مادري ليش.. تقعد تتعصر واتصيح و يصير وجهها ازرف .. واتشد على جسمها.. واسمع اصوات في بطنها مسكينه... وتقعد اتصيح بالساعات .. شو الحل؟؟ شو الي ممكن يخفف الغازات .. شو الي اقدر اسويه عشان اخفف عنها ..؟ |
السلام عليكم اختي
حسب معلوماتي المتواضعة ان تضعي ابنتك على كتفك بعد ان تنتهي من الرضاعة و تطبطبي على ظهرها حتى تخرج الغازات وفقك الله و اسعدك |
مشكورة غناتي...
هذا الي انا اسويه .. بس مشكلتها بالخروج .. واطلاق الريح ... تصيح وتقعد اتطلع من تحت... لين ماتهدى وبعدين تنام ... بس وايد اتصيح .. احس ان روحها بتطلع (بسم الله عليها ) |
أختي الكريمة
ماتعاني منه ابنتك هو الغازات أفضل حل للغازات من تجربتي مع أبناء أخي وطفلي زيت الزيتون ضعي مقدار قليل من زيت الزيتون ودفيه على النار ( خليه دافي مو مغلي ) ودلكي به بطنها بشرط أن يكون بسرعة مع قليييييييييل من الشدة وبعد ذلك لفي بطنها بقماط وامسكيها بحيث تدخل يدك بين قدميها وتمسكي بها بطنها وبيدك الأخرى تلفيها حول جزئها العلوي عشان تثبت أكثر وممكن كمان تدعيها تستلقي على بطنها على قدميك فهذا يساعدها على طرد الغازات أو أن تمسكيها وقوفا وتسنديها على كتفك وتمسحي على ظهرها فهذا أيضا يساعدها على طرد الغازات أتمنى كون ساعدتك دمتي بحفظ الرحمن تحياتي بطنها وإن شاء الله سيخف ذلك عنها كثيرا وممكن أختي تسألي الطبيب يوصفلك دواء لهذه الحالة لكن أنا ماأحب الأدوية للأطفال |
مشكورة يالغاليه ...
ان شاء الله اتروح الغازات وبسوي الي قلتيلي عليه ... بس مو يمكن يتها الغازات مني انا ؟؟؟ يعني من الرضاعه ؟؟؟ انا سمعت ان الغازات ممكن تنتقل خلال الرضاعة لو انا فيني غازات... هل هذا الكلام صحيح ... ؟؟ ولو صحيح .. شو الي اقدر اخذه انا عشان اوقف الغازات .. |
أختي انا ماعندي تجربه بس انا اشوف امي كانت تعطي ولد اختي ماء غريب تقول مفيد تقدرين تحصلين عليه من الصيدليه والله يشفيها ويخليها لك يارب وتشوفينها عروس .
|
صحيح اختي يجب ان تنتبهي لما تاكلين
تجنبي البهارات وكل ما يتعب المعده كذلك يوجد بديل لماء غريب لان ماء غريب من تجربتي يتعب هم اكثر infacol ممتاز للاطفالو يريحهم كثير |
أختي انا ماعندي تجربه بس انا اشوف امي كانت تعطي ولد اختي ماء غريب تقول مفيد تقدرين تحصلين عليه من الصيدليه والله يشفيها ويخليها لك يارب وتشوفينها عروس .
مشكورة اختي عالية الاحساس... وهالماء اقدر اعطيه لطفله عمرها 3 اسابيع ... معتمدة على الرضاغه الطبيعية بس؟ صحيح اختي يجب ان تنتبهي لما تاكلين تجنبي البهارات وكل ما يتعب المعده كذلك يوجد بديل لماء غريب لان ماء غريب من تجربتي يتعب هم اكثر infacol ممتاز للاطفالو يريحهم كثير مشكورة يالغلا ... اقدر اعطيه حق الي عمرها 3 اسابيع ؟ |
مرحبا عزيزتي انا ماعندي اطفال لكن اشوف اختي تعطي بنتها يانسون اذا جاها مغص...
وكمان اقلبيها على بطنها وحطيها على فخذك بترتاااح كثيييير صدقيني ... طبقي الحركة هذي وخبريني بالنتيجة ... الله يعافيها ويخليها لك ياااااااااااااااااارب. |
إعملي لها مساج لبطنها عبارة عن حركات دائرية
وإنتبهي لأكلك الله يوفقك |
| الساعة الآن 06:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©