منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   ارجوا منكم ابداء المشوره (http://www.66n.com/forums/showthread.php?t=123772)

اساميس 10-04-2007 01:05 AM

ارجوا منكم ابداء المشوره
 
انا متزوجه ولدي 4 بنات اكبر وحده فيهم عمرها 4 سنوات ونص واصغر وحده 8 شهور المهم زوجي اخذته بعد قصة حب وهو ولد خالتي لما تزوجته كنت صغييره نوعا ما اكبر مني ب7 سنوات وكنت احبه بجنون اي شي يقوله او يعمله يصير عندي قانون اي احد ينتقده كنت ازعل واتضايق واوقف في وجه الكل عشانه وهو مايدري ،، بعد فتره من زواجنا تقريبا 3 شهور اكتشفت انه يكلم وحده كان يعرفها قبل الزواج مستمر معاها ويكلمها قدامي بعذر انه مايخبي علي وانا من كثر حبي له سكت وطبعا هي مكالمه وحده انا رديت عليها وطلبته مني بالاسم واعطيته التلفون وعادي عنده جلس يكلمها ويوصف لها حياته وهي تقوله عن اخبارها بعد هالموقف صار موقف ثاني ولجأ لي وهو انه اخذ رقم وحده من صديقاتي بالجامعه وكلمها وهي صار ماعندها مشكله تعمل معاه علاقه ( بعدين صار يقولي انها هي ماخذه رقمه من جوالي وهو عطاها وجه عشان يعرف هي مين وايش تبي توصل له ) حجه الضعيف عموما صارت لها مشكله مع اخوها وعرف رقمه وكلمه وهدده هو قالي اتصلي على جوالها من جوالي وبيرد اخوها وقولي لي له انك صديقتها وانو جوالك مقطوع واضطريت اكلم من جوال زوجي وان زوجي ماله علا قه فيها وفعلا عشان احميه واحفظ ماء وجهه كلمته وطبعا حاول هو يراضيني بس حز في خاطري وعزت علي نفسي وقطعت علاقتي الصديقه بس هو ماقدرت اتركه ..
وكذا مره اكتشف انه يكلم اكثر من مره لحد ما جا يوم وانا حامل بالسابع اكتشفت انه يكلم بنت خالتي اللي دايم تساعدني وتنصحني وتوقف معي وكانوا على علاقه اخوه مع بعض وهي اكبر منه بسنين على حد قولهم اكتشف في جواله رسايل حب لها اصبت بأنهيار عصبي وجاتني ولاده مبكره وطبعا بعد الولاده بكم ساعه توفى البيبي بعد كذا صار يحررص انه يحط رقم سري على جوالاته لديه اكثر من جوال لو اموت ماعرفت افتحها ولو اموت ما وراني اي حاجه بجواله
بعد كذا صار اسلوبه يتغير صار اربع وعشرين ساعه ملزق وجهه بالجوال رسايل بالهبل لو اخر الليل لما اساله يعصب وصرت اسكت تعبت من المشاكل وياليته ضل على كذا الا بدا مع الوقت يغلط علي لو على اتفه الاسباب يلعني ويدعي علي لما نتصالح يقول ماكان قصدي ودائما انا الضعيفه اللي اجي اترضاه لو هو اللي غلطان
( انا اشتريت منزل كبير وانا اللي اسدد اقساطه ، وهو يتكفل بمصاريف المقاضي واغراض البنات الاساسيه بس ) بالاعياد ماشوف منه ريال وانا مايعطيني ريال طبعا انا اخذت سلفه اخذها مني بحجه انو راح يرجعها بعد اسبوع وصار لها الان عنده 8 شهور كل ما اساله يقول الرجال اللي اطلبه الفلوس ما عطاني اياها

آخر شي طفح الكيل وخلاص ماقدرت اتحمل من اسلوبه كل ما زعل قال انتي وانتي واتني قلت له اخر مره ياخي طلقني وافتك مني مادمت تعبان معي انا خلاص قررت ابيك تطلقني طبعا هو زعل كالعاده وطلع من البيت لاني قلت له انت وش شفت منك لا اسلوب ولا اخلاق ولا شي حتى البيت اول ما اشتريناه كنا متفقين تدفع نص القسط وانا نص لما اخذته خليتني اتحمل الاقساط كلها قلت له كلمه قويه بس من جد من قهري ومن لسانه اللي متبري منه قلت له ( انت عايش معي عاله ) بس وربي اني اعتذرت من ساعتها هو زعل وطلع من البيت له 3 ايم مادري عنه وارسل لي مسج من يومين يقول ورقه طلاقك بتوصلك هالاسبوع وهنيئا لك حياه بدون مشاكل


ايش رايكم ارجو النصيحه تكفون مالي الا الله ثم انتو

تحياتي للجميع

نشميةنجد 10-04-2007 02:39 AM

اختي الجاي الى الله00000000الله الله في الدعاء 0000000انت مكروبه


قولي اللهم ياولي نعمتي وملاذي عند كربتي فرجلي همي


اللهم ياجامع الناس ليوم لاريب فيه رد الي زوجي على احسن حال


وردي علي وش صار لك

نشميةنجد 10-04-2007 02:43 AM

الآن في هذا الوقت اتركي الكمبيوتر وقومي صلي وتضرعي الى الله وابكي واطلبي حاجتك


الآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآننننننننن

***نووور*** 10-04-2007 03:00 AM

الله يفرج كربتك وهمك


ويرد لك زوجك ردا جميلا ويسخره لكم ويجمعكم على الخير ولا يفرقكم ابدا اللهم امين .


الله يعينك ..................


مابيدك شيء تسوينه مع هالرجال الا الدعاء لله ...................


عسى ربي يقدر لك الخير وين ما كان


الله يعينك ....والله قلبي عورني على حالك


فرج الله همك


اللهم ياحي ياقيوم برحمتك نستغيث اصلح لها شأنها كله ولا تكلها الى نفسها طرفة عين .

وسام الحب 10-04-2007 03:18 AM

الله يعينك
مدري ايش لقيتي منه علشان تتحسفي عليه
لا مال ولا وفاء ولا اخلاق ولا حب ولا 00000000000000 الخ
لكن صلي صلاة الاستخارة والله يختارلك اللي فيه خير
وعسى ان تكرهو شئ وهو خير لكم

القــانته 10-04-2007 06:28 AM

الله يرحم حالك ويسخر لك الخير اين كان حبيبتي انتي صبرتي كثير عشان بيتك أسألي الله الخيره الطيبه ربي أن شاء الله مارح يضيعك

الله يفرج همك ويزل عنك ويفرج كربتك


فوضي امرك لله

توهقت 10-04-2007 10:35 AM

لا حول ولا قوة إلا بالله


قصة مؤلمة جداً, والله مصيبة



أختي لو ما كان بينكم أطفال كان قلت لك بكل قوة أطلبي الخلع من المحكمة, لأن هذا الرجل لا يستحق أن يكون لديه زوجة تحبه


الشيء الآخر, أنتي ذكرتي بانك تزوجتيه عن قصة حب, هنا لي وقفة لأقول لكل البنات الغير متزوجات أنظروا إلى هذا المثال لقصص الحب قبل الزواج. أختي أنتي تزوجتيه عن قصة حب وقد يكون هذا عقاب من الله.


الحل, كلمي أهله, أبوه, أمه, أخته, خالته. وعلمي أهلك بالموضوع, لازم يتدخلون الكبار لأن زوجك مو بس يخونك, المشكلة إنه يستغفلك بكل سهولة, الموضوع يحتاج تدخل من الآخرين

اساميس 10-04-2007 07:09 PM

اولاً اشكر كل من تعاطف معي الشكر الجزيل

ثانياً انا لما قلت انو تزوجنا عن حب يا جماعه اذا هو خاطبني من ثاني متوسط وطبعاً كنت صغيره ذاك الوقت اكيد اني بحبه ولا لا ؟
طبعاً لما صرت بثالث ثانوي بدينا نكلم بعض بالتلفون يعني كانت علاقه معروفه نهايتها وهي الزواج عموماً انا نسيت اقولكم انو اهلي خلاص عارفين حركاته وتصرفاته والكل رافض الاستمرار بس شسوي والله ماكسر خاطري الا هالبنات
الله يعين هو للمعلوميه الى اليوم وهو ما فكر يتصل او حتى يسأل ولا انا منتظره منه هالشي
( طبعاً الاخ هو اللي زعلان انا مو من حقي ازعل او اتكلم )

اشكركم واتمنى منكم تدعون لي يفرج كربتي

كيمووو 10-04-2007 08:49 PM

اقتباس:

المشاركة الأصلية كتبت بواسطة وسام الحب
الله يعينك
مدري ايش لقيتي منه علشان تتحسفي عليه
لا مال ولا وفاء ولا اخلاق ولا حب ولا 00000000000000 الخ
لكن صلي صلاة الاستخارة والله يختارلك اللي فيه خير
وعسى ان تكرهو شئ وهو خير لكم


كلام سليم انا معاه

جويرية22 10-04-2007 09:25 PM

السلام عليكم ورحمة الله وبركاته
أختي الكلمة اللي أنتي قلتيها صعبة شوية
مهما كان خطأه عودي نفسك علي عدم الخطا
عند عودته باذن الله
حاولي تغيير اطباعه عن طريق زيادة الوازع الديني لديه
وهناك طرق كثيرة تعلم المرأة كيف تدعو زوجها بالحسني
يمكنك ان تقرأي في هذا الأمر
جزاكي الله خيرا


الساعة الآن 09:07 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©