|
زوجي سيسافر
السلام عليكم ورحمة الله وبركاته
كيفكو؟ والله مشتقالكو واسفة لاني غايبة كتير ومابشارك بس عارفين اني تزوجت والحياة الجديدة مش متعودة عليها ولسة مش مستقرة ويعني لسة بتأقلم عالجو عموما انا الحمدلله سعيدة مع حبيب العمر ورفيق الدرب شادي ما شاء الله لاقوة إلا بالله تبارك الله كتير كويس هوة ومافيه شي ناقصني وبعوضني عن كل اشي هلأ الموضوع ومافيه::: انو حبي بيشتغل مهندس كمبيوتر في شركة وبحكم عمله سوف ينزل لموقع عمل ليركب لهم كمبيوترات وشبكات واعمال هندسية كمبيوترية يعني راح يسافر يعني لمنطقة بعيدة كتير باليمن بيسافر الها بالطيارة بكرة إن شاء الله يعني حيروح بكرة ويرجع يوم الجمعة إن شاء الله طبعا انا مدايقة شوي وخايفة بقى لحالي خاصة انو مالي حد هون ابدا ولسة ماتعرفت عحد حتى الجيران الله يسامحهم ماحد سال فيني الا اصحاب العمارة بس مافيه علاقة معهم المهم يومين وبيعدو الله يستر مااموت خوف بالزات بالليل المهم انا هيك فكرت انو يعني سفر يومين هل مستاهل الموضوع اعملو يعني مفاجاة بس يرجع يعني يفوت البيت يلاقيني عاملة الو حجات حلوة يعني زينة مثلا بالصالون او جو رومانسي مميز او شموع وحجات زي هيك وورد يعني ويعني استقبال خاص ولا يومين مش مستاهلة هالموضوع كلو؟؟؟؟ يعني اكيد حستقبلو بكل الحب والشوق لانو والله لما يغيب عني ساعة بموت شوق الو لما يكون بالشغل بشتاااق كتير بس قصدي اعمل اشي مميز ولا اخليها لمرة اخرى لو سافر سفرة محرزة اكتر؟ شورايكو؟؟؟ شاركوني الراي وصبروني واحكولي كيف مااخاف بالليل وانا لحالي؟ الله يخليكو الي دايما انا والله ماسالت حد الا انتو لانكو اخوتي واهلي التانيين |
طولي بالك..عزيزتي ...
عادي لاتخافي ..وان شاء الله مارح يصير شي...حاولي تمضي وقتك بترتيب البيت وعمل حلويات واكلات لحين عودة زوجك...وبالليل شغلي ضو خافت قريب من الغرفة اللي رح تنامي فيها...ولاتنسي تلفي مخدة "رح تحسي بالامان:22: "اسأل مجرب:d " وفكرة انو تعمليلو حركة حلوة وجو رومانسي..ياستي الشغلة اي مستاهلة...خصوصي انو انتو بعدكن عرسان:22: وبعدو ماشاف هالحركات من قبل...:22: |
مسألة إنك تعمليله مفاجأة مستاهلة ولا لأ
طبعا مستاهلة خصوصا إنكم مازلتم عرسان وماعندكم أطفال يعني استغلي الفرصة بكرى بس أجو الأطفال مارح تلحقي على شي بالنسبة مشان الخوف بالليل جيتي على الوتر الحساس أنا كمان بغربة وزوجي قبل فترة دخل على المستشفى خمس أيام صح عندي ولد صغير بس بالليل لما ينام وعشان ماخاف أول ليلتين دخلت تكلمت مع أهلي على النت وضليت مع خواتي لحتى بدأت أخرف بالكلام من النعس عندها تركتهم ونمت وباقي الأيام كنت شغل قرآن وأحط السماعات على إدني بتعرفي من الخوف والوحدة بتطلع أصوات غريبة عجيبة بالبيت وكلها اوهاااااااااااااااااااااااااااااااااام من الخوف مشان هيك أحسن شي قرآن على إذنك ومابتعودي بتسمعي شي وممكن تشغلي وقتك بالنهار بترتيب البيت وعملي حلويات وأكلات عشان لما يرجع بالسلامة وبالليل اشغلي وقتك بالنت وبسماع القرآن أو الأناشيد أو حتى تصفح المنتدى وطبعا لاتنسي أذكار الصباح والمساء عنجد بتحسي بالأمان بعدها بشكل مو طبيعي والله يرجعلك زوجك بالسلامة يارب دمتي وزوجك بحفظ الرحمن تحياتي |
مرحبا اجياد وامة البديع
والله كلامكو زي العسل واحلى شكرا كتييييييير الكو انا حعمل بنصائحكو وهلأ كلمت اهلي وحكيت الهم ووصيتهم نضل نحكي كتير وناوية انام كتير بالنهار وكمان هيني ماجليت الجلي الي بالمطبخ ولا رتبت الغسيل المنشور خصوصي عشان بكرة التهي شوي إن شاء الله والقران اكيد حضل مشغلة سورة البقرة طول الوقت ما حخليها توقف المشكلة انا خوافة من الليل بس ناوية مش افتح ضو واحد لااااا حفتح كل الضو الي بالبيت هيك ناوية يعني إن شاء الله وربنا يعديهم عخير يارب ويارب ماتنعاد كمان مرة مابطيق فراقو والله بالمناسبة امة البديع البيبي العسول هادا ابنك؟ ماحلاه ما شاء الله لاقوة إلا بالله شكلو عسل كتير ولزيز ولا مش ابنك؟ :) شكرا كتير عالردين الاحلى من بعض يسلمو كتير |
أنا نسيت مسألة الأضواء
طبعا من غير كلام ولا نقاش كل الأضواء شغالة حتى ضو المطبخ والحمام الله يكرمكم والتلفزيون كمان شغال ومو بس هيك لما بسمع صوت الجيران على الدرج بوقف جنب باب الدار وبعمل نفسي عم كلم زوجي وبناديه عشان ماحدا يعرف إني لحالي على قولت زوجي خرج أألف رواية بوليسية :30: :30: :30: وبالنسبة للبيبي إي حبيبتي هذا ابني واسمه عمر بس لما كان عمره أيام بس الأن ماشاء الله صار رجال صار عمره سنة وتسع شهور وعقبالك يارب :15: :15: :15: بس ماتستعجلي لحقانة على وجع الراس والعزال دمتي بحفظ الرحمن تحياتي |
عليك بالمحافظة على الأذكار في الصباح والمساء فلن تشعري بالخوف بمشيئة الله
|
عزيزتي انتي تقولي انك تخافي بالليل فلازم تصحي بدري علشان تنامي بدري ...
|
اختي الغالية أمة البديع
ماشاءالله عليه ابنك عسوووووووول لما شفت هالصورة من زمان كان نفسي احضن هالبيبي وكنت بصير احكي يروحي ماحلاه ماشاءالله الله يخليه الك يارب وتشوفيه عريس بالنسبة الي وموضوع الاطفال ماتخافي احنا مابدنا نخلف هلأ مشان نعيش حياتنا شوي والكل بقلنا ماتخلفو بدري لانو حتزهقو حالكو مهل يعني بعدين انا نفسيا صراحة مش مستعدة بدي اتاقلم الاول مع الزواج والبلد الجديدة واحس اني قد المسؤولية لانو الشغلة مش لعبة تسلمي عالرد كتير كتير زوجي تسهل اليوم الصبح وانا صحيت هلأ الساعة 2 ونص الظهر احسن لانو ملانة كتير من هلأ ومابحب الهدوء انا من ايام مكنت ببيت اهلي بس الله يعين اول مااجيت لعندو قبل شهر لما كان يطلع مكان ولو صغير اموت عياط مابحب الهدوء شكرا الك كتير صبا نجد شكرا كتير الك الادعية من زمان مواظبة عليها والحمدلله اليوم دعيتهم بس صليت الفجر ومش حاسة بخوف بس زهقانة شكرا الك كتيييييييييييير قطرة مطر تسلمي عالمرور والرد لكن انا مابتعود انام بدري انا هلأ لسة صاحبة عال2ونص عشان امضي اليوم شكرا الك كتير انتظر الباقين |
والله يا ملك شادي.. انا ممكن احكيلك تعودت... انا مثلك مغتربة ومتزوجة من سنتين ونصف و ماعندي اطفال.. ولا عندي حد ابدااا ابدااا زوجي خلال هاي الفترة حوالي 7 مرات مابين مؤتمرات و شغل و احيانا زيارات لاصحابه في الاوقات الضرورية... اول مرة غاب يوم و ليلة واطول مرة 5ايام. لما كان يغيب داخل البلد بس بمدينة تانية كنت احس بامان اكثر من لما يسافر بره... احس انو لو صار شئ بيوصلي على طول... شو بدك بطول السيرة... كنت اعمل زي الاخوات قبلي و طبعا اضع طاولة و كرسي امام الباب الرئيسي حتى انا مش بقدر امر من المنطقة الا قفزا:25: .. كنت انام بالصالون و التلفزيون مفتوح و ما انام الا اذا متت نعس... طبعا اقفل بالمفتاح كل الابواب المؤدية للصالون و سكينتي جنبي... طبعا رهبة اليوم الاول اصعب من الي الايام الي بعدها... بالنسبة للاستقبال اكيد اعملي استقبال حلو . ودمتم بحفظ الرحمان |
والله يا ملك شادي.. انا ممكن احكيلك تعودت... انا مثلك مغتربة ومتزوجة من سنتين ونصف و ماعندي اطفال.. ولا عندي حد ابدااا ابدااا زوجي خلال هاي الفترة حوالي 7 مرات مابين مؤتمرات و شغل و احيانا زيارات لاصحابه في الاوقات الضرورية... اول مرة غاب يوم و ليلة واطول مرة 5ايام. لما كان يغيب داخل البلد بس بمدينة تانية كنت احس بامان اكثر من لما يسافر بره... احس انو لو صار شئ بيوصلي على طول... شو بدك بطول السيرة... كنت اعمل زي الاخوات قبلي و طبعا اضع طاولة و كرسي امام الباب الرئيسي حتى انا مش بقدر امر من المنطقة الا قفزا:25: .. كنت انام بالصالون و التلفزيون مفتوح و ما انام الا اذا متت نعس... طبعا اقفل بالمفتاح كل الابواب المؤدية للصالون و سكينتي جنبي... طبعا رهبة اليوم الاول اصعب من الي الايام الي بعدها... بالنسبة للاستقبال اكيد اعملي استقبال حلو . ودمتم بحفظ الرحمان |
| الساعة الآن 11:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©