برود زوجي؟؟!!!!!
 

بصراحه مو عارفه كيف ابتدي موضوعي او كيف اعبر عنه

الموضوع تعدى حدود طاقتي وانا تعبت وانا بالعه السافه


المشكله ومافيها برود زوجي انا متزوجه صار لي قرابه 3 سنوات

وزوجي بارد في عواطفه
ياناس مااسمع منه كلمه حلوه ولا تصرف حلو عايشين كنه اخوين في الغرفه

هو يجامعني بس مايلمسني الا ذاك الوقت عمره مالمسني واحنا جالسين

او نتابع التلفزيون او يقول لي كلمه حلوه من تزوجنا يمكن 3 مرات بس الي تابعنا فيها فلم مع بعض

مايحاورني اويستشبرني كثير مايسويليمفاجأت او رومانسيات حتى لو طلعنا تعشينا في مطعم

اول مانروح يطلب الاكلوكل شوي يطالع في الساعه لين يجي الاكل ياكل بسرعه ولا يتكلم كثير واذا

خلص اكله يستعجلني حتى لو ماخلصت ويرجعني البيت عادي حتى مااحس بطعم شي

مع اني احاول ااكله اكلمه اناقشه ادلعه وهو ولا هنا عمره مافاجأني بهديه او ذكر عيد ميلادي وعيد

زواجنا مع انهم في يوم واحد

في اشياء تافهه بس تهمني مايوم حط راسه على رجولي وهو يتابع التلفزيون اوحضني لجا من العمل او

باسني اذا شاف بوسه في التلفزيون اويثني على مكياجي ولبسي بس هو للنقد مستعد

مايمدح طبخي وحتى في الجماع تحصيل حاصل بس

وانا من جهلي ماعودته من البدايه على انه يهتم فيني بل عكس عودته على اشياء سيئه قصدي اريحه طلع

الموضوع ضدي لعطاني فلوس قلت ماحتاج عندي الحين اطرهم للمواقف السيئه ويعطيني القليل

اذا بروح محل خلاص اروح مع اهلي الحين حتى لو بروح بيت اهلي يقولي خلي ابوك يجيلك

السوقق نادر روحتي معاه


واشياء اشياء اشياء

طولت عليكم ولاعطيتكم شي ممفيد بس يمكن من القهر الي فيني

سؤالي لو الرجال يكره زوجته ممكن يعيش معاها؟

وايش اسوي مع زوجي للعلم اني صارحته ولا اهتم باالموضوع؟

ارجو ايفادتي ولكم كل الشكر

نسيت اقول لكم ان كل هذا علشان ماينزل من رجولته لان عنده ذا الشي اني اخفف من رجولته

وهو كثير السهر مع ربعه وانا مرررره ماارتاح لهم بس طبعا مااقدر اقول له

اختي ليتني اسلى

مشكوررره حبيبتي عل المرور والنصح

بس المشكله اني جربت اسوي ها الطريقه اكثر من مره

بس مافي فايده واحيانا تطلع مني كلمات الحب باالغلط

مابي اناديه حبيبي بس لاني تعودت على كذا واصلا هو يتمنى كذا عشان ماأساله متى تجي متى تروح

والله يصبرني ويهديه ويسخر قلبه لي

الله يصبرك
بس انا اعتقد ان كل الرجاله كدا
والله واعلم
بس انا لسه ماتزوجتش وماعنديش خبرات

والله ياعمري انا عندي جوز يشبه جوزك بس حاولت اغيره بعد ماصارحته مره بدموع ومره بدلع ومره بزعل الين اتغير في اغلب تصرفاته

حاولي انك تقليلين من اهتمامك فيه

عاملين بالمثل اشوي ،، يعني مثلا لا تطلبي منه فلوس ،، قولي له عجبني شي وما قدرت اشتريه ما عندي فلوس ،، حسسيه انه مقصر في حقك ،، ثقلي عليه ،، تغلي عليه ،، تعززي عليه بالمعنى العامي ،،


سوي روحك مريضه في يوم من الايام وما تقدري تطبخي الغدا ،، ولما يطلب يطلع يتغدا بره ،، قولي له روحك بروحك ،، انا مريضه ،، حسسيه انه يفتقدك في طلعات الغداء او العشاء .. وانه محتاج لك ،،

طبعا اشوي مثل ما قلت سابقا ،، بالتدريج ،، حتى يحس ويشعر ان هذه التصرفات كما تضايقك تضايقه ،،

والله اعلم

تحياتي

حاولى ان تبدأى انتى بالجو الرومانسى
و الكلام و اجذبى نتى منه الكلام و اطلبى
احيانا منه ان يقول لك ما تريدي لا تنتظرى
فاغلب الرجال لا تفرق معهم العوطف فحاولى
ان تغيريه مر بالكلام الهدىء و مرة بزعل

لا تزعلون يا نساء


بس ليتني سويت مثل هالرجال في زوجتي من يوم تزوجتها


ليتني ثقلت عليها وصرت ما أعطيها الحنان إلا وقت الجماع

ليتني صرت أفكر في نفسي وأخذ اللي أبيه منها بدون ما أعطيها اللي تبيه




والله كان ألحين وضعي أحسن بكثير


كان ألحين لو صرت أعطيها الحب كان تنهبل




أختي همسة وفا


ليه ما تبادرين أنتي وتعطين زوجك الحب

لأنك تحتاجينه أكثر من زوجك صح؟؟؟

طيب ليه ما تحاولين تطلبين زوجك بالفراش وتشوفين النتيجة وتعلمينا وش صار معك


الله يوفقك ويحنن زوجك عليكي

الله يعينك عليه ويصلحلك حاله 0