|
انا بتزوج وحده ثانيه ... زوجتي ايش لها شغل ؟؟؟
انا والله دايم افكر شوو هي الغيره اللي يحسووها الحريم لما يتزوج زوجها الثانيه ؟؟ يعنى لو كان الزوج يخااف الله .. وراح يعدل بأذن الله ... ليه الحرمه تغاااار ؟؟ خلونا نتحاور بكل صراحه وشفافيه ..... انا عكست السالفه بأحساسي ... وقلت تخيل لو ان المراه تتزوج اربع رجال ... بصراحه انا حسيت بالغيره ولا اكذب عليكم ... لكن ما ازعل اذا هذا حق شرعي لها ... وغيرتي ما كانت قوية تجاه هذا الاحساس اللي اتكلم عنه .. لاني مقتنع انو هذا حق شريعي اولاً .. ثانياً ... زوجتى لو اتزوجت اربع رجال ... هي مطالبه من قبل الشارع انها لزم تعدل ... فهذا الشعور يريحني ... لكن انا اشوف الحريم عندهم مصيبه انو الزوج يفكر بالزواج من اخرى ... وحتى لو كان يخاف الله .. وراح يعدل لكن ما راح ترضى .. لو طاحت السماء على الارض ... بل البعض لو زوجها زنا بأخرى .. ترضى .. لكن يتزوج لا فأيش الشعور الي تشعره المراه تجاه زوجها اذا فكر يتزوج ؟؟؟؟ ياترى هل هي تظن انو زوجها بيوصل لها رساله انها ما عاد تنفع خلاص ... او انو زوجها راح يكرهها ما اظن هذا الشي بيصير ... واللي يسوويه من الرجل لا يحسب على الرجوله .. لان الرجوله كل الرجوله هي ما نصت عليه الشريعه .. اما ان يكون زوج ويظلم ويترك .. فهذا بحده مريض ولكم احترامي |
اخوي انا من وجهة نظري الا بيتزوج يفتح على نفسه نار ماتنطفي
كل وحده بتنافس الثانيه وتحاول تكون احسن في نظر زوجها يعني هو الضحيه هذه تقوله فلانه قالت كذا تخيل((كلام مثلا يقهره)) وهكذا.... واذا اتفقتا ادهى وامر لانهم حيتفقو لدرجه انهم لمن يزعلو من زوجهم حيتفقو الاثنين عليه والصراحه انت عارف ((ان كيدهن عظيم)) الصراحه عندي كثير حوالي من خوالي وعماني متزوجين اثنين وتعبانين حيل مع انه شخصياتهم قويه وحريمهم طيبيين جدا بس لازم الا المشاكل والمنافسات المتعبه عشان كذا الواحد يفكر اكثر من مره قبل اتخاذ القرار لانه لازم يكون باله شويه طويل مع ناقصات العقل((نحن)) بالنسبه للغيره لازم يكون في غيره انت بتتخيل شي ماله وجود بالاصل لكن تخيل انه زوجتك تطلقت منك لاسمح الله واتزوجت ((محلل)) اعرف انه حرام لكن اقولك تخيل كيف راح يكون وضعك؟؟؟؟؟ |
اول كنت اقول ياحظ اللي يتزوج عليها زوجها يوم عندها ويوم عند الثانية وثاني يوم يجيها مشتاق0
طلعت الدعوة موكذا خصوصا اول سنة ينسى الاولى اويفضل عليها الثانية00 وغيركذا الحين المشاغل كثيرة الواحد موملحق على بيت واحد00 عموما المشاكل والغيرة اللي بين الزوجات صدقني السبب من الزوج لانه ماعدل بينهم000 |
اخوي تبي تتزوج ؟؟؟ الله يسهل عليك
المرأه فطرتها الغيره والرجل فطرته على حب النساء روح تزوج وشوف بنفسك رح ترتاح او لاء؟؟ الله يوفقك في رعايه الله |
انا مايقهرني في الرجال غير كلمة ربي محللي 4
طبعن موكلهم بقول بس الي اشوف انا هو من جنبه في الدين بس مايعرف غير هل الكلامه ماقول غير الله يعين |
اقتباس:
اختى كيميو ... صراحه كلامك عجيب .... ترى بقولك شغله .. ترى الرجاااال مستحيل مستحيل يقارن بين زوجته يعنى شلون مثلاً تزوج بنت عمرها 20 وزوجتة الاولى عمرها 45 .... مستحيل يقول انو ام 20 احلى من ال 45 لانه كل وحده ولها طعمها ... وكل وحده ولها اسلووبها .. يعني ما اظن ان المناافسه اللي اتفضلتي فيها .. وان كل وحده تنافست وتزينه .. او وحده تتزين ووتتضبط .. والثانيه مطنشه .. ما اظن تفرق عند الرجال لانها كل وحده ولها عااالمها الخااااااص .... اشكرك على مرورك وردك الرائع احترامي |
اقتباس:
صراحه فللللله .. والوقت مو عذر يقدر يقسم وقته ... وصراحه انا بس ودي اعرف سبب الغيره فقط ؟؟ |
اقتباس:
انتى ليه زعلانه ... انا ودي اعرف سبب الغيره العجيبه ... يعنى بصراحه ما اشووف انه بيكون لها سبب معين يعنى زوجك الله يخليه لك .. ما راح يتركك ... ولا راح يطنش ... يعنى ما راح يتغير عليك بتاتاً |
اقتباس:
اولاً من حق الزوج انه يتزوج اربع ... يعنى انتى ما لك حق تزعلي .. وخصوصاً اذا كان قادر من ناحية المال والقدره النفسيه والجنسيه ... والحرمه الاولى ما راح يتغير عليها شي بكل الاحوال ..... والواحد وان كان جهاال في الدين ... ما يقدر يترك العدل بين الزواجات وللأن ما عرفت السبب الحقيقي .. لغيرة الزواجات ... او حتى شي مقنع بنتظار ردك اختى الغالي |
بصراحة جيت على الجرح يااخوي
الزوجة ما تغار على زوجها الا لانها تحبة والا كان قالت له بالطقاق ولا همها انا لو يطري زوجي بس سالفة وحدة ثانية اغلي غلي صحيح هذا حق من حقوقه بس عندي حب التملك وابيه لي لحالي مثل ما انا له لحالي ولو في راس الرجال شي والله مايرده شي حتى لو كان يموت في زوجته بيطلع له اعذار علشان يبرر فعلته الله يخلي لي زوجي واملا عينه وما يفكر يتزوج علي ابد :) |
| الساعة الآن 10:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©