|
مالحل مع خطيبي؟؟؟
:(
بسم الله الرحمن الرحيم صباح الخير للجميع انا عندي مشكله مع خطيبي وارجو من اهل الخبره يساعدوني بطريقه ياافهم انا اوهو يفهمني انا الان مملكه لي سنتين وماصار لنا نكلم بعض الامن خمس اشهور طبعا هو الي بدأ يراسلني بعد الملكه بفتره وماكنت ارد عشان العادات والتقاليد ولاني بالبدايه ماكان في شعور من ناحيتي تجاهه المهم اول مابدينا نكلم بعض يدق يوميا علي انا كان بودي لما كلمته مره بالأسبوع لانه احيان مادري شسولف تخلص السوالف يدق اول مايطلع من الدوام الين يوصل البيت وع المغرب وبعد العشا وانا احيان عندي اشغال بالبيت بحكم انه انا واختي الي نقوم بأشغال البيت وطلبت منه انو نخفف ونكلم كل اسبوع او كل 3ايام زعل مني وقال انا مقدر اصبر اذا انتي تقدرين براحتك خفت يزعل وخليته براحته صار كل صغيره وكبيره يبي يعرفها مثلا ابي الحمام وانتو بكرامه اقوله دق بعد خمس دقايق يقول ليش ؟؟ استحي اقوله ويزعل يقول عادي انا حبيبك ولازم اعرف كل شي واذا سالني تعشيتي اقول الحمدلله يقول شو الي تعشيتيه ويحذرني اذا سألتك قولي كذا <<<انا تعشيت مكرونه>>> لاتنتظرين اسألك شنو تعشيتي اه تعبت المهم نجي بأختلاف وجهات النظر دايم انا خطأ واهو الصح ومايتنازل عن كلامه أبدا مثلا قبل فتره اتوفى خالي طبعا اهو خاله بعد الزبده دق 3 مرات مارديت كنت عارفه بالخبر ومتضايقه ولاحبيت اضايقه ومره سمعت شيخ يحدث يقول من حسن معاملت المرـأه زوجها ماتقوله الأخبار السيئه بوقت مو منااسب واهو كان عنده دوام وبينام بالليل وماحبيت انه يعرف مني المهم رديت وكنت متضايق وسالني قلت مافي شي قال مو راضيه تقولين وسكر ف وجهي؟؟؟ ولما عرف من بكره قالي اتفاهم معك بعد العزا وبعدها انت لازم تقولين لي كل شي قلت له انا مقدر اقولك واختلفنا هنا هو يشد وانا اشد وسكر بوجهي مره ثانيه وانا متحمله ؟؟ وبعد لما اسولف معاه بسالفه يضحك والسالفه ماتضحك مثلا اقوله وحشتني يقعد يضحك؟؟؟؟انجنيييييييييييت وكان مره براسي مشروع بسيط بسويه وقاعده اقوله واقترح اول ماقلته قعد يضحك قلت اذا بتقعد تضحك ماراح اكمل لانه انا اتكلم بجد قال لا كملي وكملت وبرضوا يضحك قمت سكرت في وجهه ؟؟؟؟انقهرت ليش كذاااااا؟؟؟؟ لاتلوموني والمشكله انه هو عارف اني انسانه حساسه حيييل بس يقول لا لا زم تتغيرين كيف اغير شعوري وحساسيتي الي فيني ؟؟؟؟ موب عارفه الصراحه وعلى فكره انا اكبر منه بسنه مدري هل اهو بيفرض شخصيته يعني انا القوي والكبير بأفعاله ؟؟؟ تحياتي لكمممم ابي شوركم ونصيحتكم ادري طولت بس تحملوووني |
السلام
وراء كل رجل عظيم امرأه المثل هذا لا يمكن تعميمه على كل الرجال ولكني اعتبره مدخل جيد للمرأه في حياتها الزوجيه بالعامية ( حطي هالمثل بين عيونك ) واللبيب بالاشاره يفهم هو غلط علي , هو زعلني , انا حساسه لازم يقدر ... الخ هذي كلها مداخل للشيطان االله يوفقنا وياك وكل مسلم باي |
يسلمو خروف السله بس وضحي أكثر انا ماكتبت هنا الا ابي استفيد ويعطيك العافيه
|
اخيتي الكريمه
خطيبك ومافيها شي ترىى واذا هو شد انتي ارخي وترا بنصحك نصيحه ببع الرجال كذا ما يحبوون حد يشد وياهم قولي حاظر وبس ولا عليك وكلشي بيمشي ولا تشلين هم وصدقيني هالرجال يحبك ولا قلتي له بعد سبوع بنتكلم مره راح يتضايق كونه خطيبك شي طبيعي يبي يعرف اخبارك وش تعشيتي هالامور ترى تهم الرجال ويحب يعرف وش سوت خطيبته وش ما سوت اخيتي خلي كلشي يمشي ولا تقلقي هاذا بأذن الله زوجك وترا الي يسويه عادي يحب يسولف وياك انتي اخترعي سالفه وضحكي معاه ولا تضايقين روحك صحيح الكلام يمكن في وقته يخلص لكن انتي اخذي رايه بأي شي يسويه وهاذا زوجك وفارق العمر سنه ولا عشر ما يهم يبقىى زوجج والي يرضيه ويرضيج سويه بقناعه ولج اجر ... ربي يبارك لكم يارب سلاام |
يسلمو على اسلوبك الراقي مايهزك
وشكرا |
عفوا اختي فأنا اخوكم في الله هنى وشكر لك
بزيدك وبقولك شي ينفعك اخيتي الرجال اغلبهم ترى يحب لما زوجته بتروح تشتري شي تخبره فلان انا بطلع يعني الخطيبه وخاصه وقت الخطبه او فلاان شرايك شريت كذا استشيريه اخيتي والكلام الطيب اخيتي يأثر في الرجال صدقيني لكي لا تصير الكلام مشدوود وممل بين الخاطبين الكلام الطيب والمشاوره بأسلووب حلوو ومن غير شد اخيتي تعرفين لماذا لئن الرجل يحب زوجته ان تستشيره في كل شي صدقيني ويحب ان يسمع منها وخاصه وقت الملكه اي الخطوبه هاذه الفتره تجعله في امان لو قلتي له لو بمسج فلان انا بخرج ويا خواتي فلان انا بروح اشتري شغله شرايك وكذاا... اخيرا بارك الله لكما يارب وانار دربكما بطاعه الرحمن حصنتك بلا اله الا الله |
انا استشيره في بعض الأحيان وانا عارفه اني مو كامله الكامل وجهه سبحانه
لاكن انا احسن انه عنيد شوي ومايهتم باللي اقوله ؟؟؟؟ ربك كريم |
اخيتي طبع الرجل صدقيني اخيتي صدقيني بالكلمه الحلوه صدقيني تكسبين الي تبغينه
الرجال نحن هاكذا فطره ترا في الشاب صدقيني .... لكن لا تقولين ما يهتم صدقيني انه يهتم بس الرجال طبعهم شوي ممكن هاذي الفطره وصدقيني لا تعاندينه اختي ابدي وجهت نظرج وانتي تظحكين بوجه بشووس ربي يوفقك يارب |
عادي يتعود ياخذ عليك ومعجبه الوضع مع الأيام أملي عليه بأسلوبك الشي الي تبغينه مع شوية حنان وكل شي راح يجي مع الأيام
|
والله اختي انتي انسانة غريبة
في وحدة عاقلة يسألها خطيبها عن كل صغيرة وكبيرة وتزعل؟ اختي استغلي هذه المرحلة لانو باكر ما رح يعود يسألك عن شي :d وتتمني انو يسألك عن تفاصيلك طبيعة المرأة تحب ان يكون اهتمام الرجل فيها غير محدود يعني شو تعشيتي قوليله كذا... وانت حبيبي شو تعشيت هادا الحكي بيجيب حكي يعني انتي بتعرفي تطبخي ولا لأ؟ مين اللي رح يجلي الجلي لما نتزوج :d :d الخ الخ خليكي مرأة مرنة وصدقيني رح يتعلق فيك اكتر وتعرفي على شخصيتو ولو قلك الشمس بتشرق من المغرب قليلو ... بعرف من زمان :23: يعني الرجال بدهم مسايرة مش على كل كلمة تعلقي لانو ازا بدك تضلي هيك.... توقعي المشاكل من اول يوم زواج |
| الساعة الآن 09:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©