|
خروج بلا إذن الزوج ..........
السلام عليكم ورحمة الله وبركاته
في سؤال محيرني ومسبب لي مشاكل حابة إنكم تنوروني الله يرضى عليكم أنا كل يوم باخد أولادي للروض وبجيبهم منها وبعدين بضل مع الصغير بالبيت أحيانا بنروح نجيب أغراض للبيت ما بكون مفكرة فيها من أمس وحيث أنه السنتر ع طريقي بروح فهل يعتبر هذا خروج بلا إذن إذنا أحيانا بيكون الصغير تعبان بآخده للدكتور فهل هذا يعد خروج بلا إذن الزوج يا ريث إذا في حدا يحطـلنا نحن الاخوات موضوع عن هالشئ ليفيدنا بكون شاكرة له أم وليد |
السلام عليكم ورحمة الله وبركاته
أختي الكريمه تم نقله هنا مكانه الانسب ليلاقي التفاعل المطلوب ودمتي بحفظ الله |
عليكم السلام والرحمه
طبعا هذا خروج بلا اذن مهما كانت الظروف وزوجك بيعرف انك بتاخدي اولادك لروضه مابيعرف انك بتمري مكان غير وحتى اخد ولدك لدكتور فستأذني افضل |
والله حسب الزوج وتفكيره
ازا كان عاطيكي حريتك بنطاق معين بحيث انو مشاوير سريعة متل هيك طارئة انو حاكيلك انو شغلات سريعة زي هيك يومية روحيها بدون استئزان لكن ان كان زوجك متزمت فعادي ببساطة عالموبايل او تلفون سريع تحكيلو انك رايحة المكان الفلاني وخلص وبعدين ممكن انتي عشان تشوفي زوجك بزعل او لا انت اخر كل يوم مفروض تحكي لزوجك كل اشي بيصير معك فحتحكي من سياق الكلام والله اليوم رحت عالسوبر ماركت شريت غراض للبيت..... ازا لاحظتي ردة فعل سلبية وقتها لازم كل مشوار تاخدي ازن اما ان ضلو ساكت وماعلق اسالئيه احكيلو حبيبي انت عادي اعمل هيك ولابتتدايق يعني لوين مسموحلي وكيف اروح مكان طارئ بدون ازن؟ انا مثلا لما احتاج شي من الدكان الي تحت بنزل من غير مااحكي لزوجي بس لما يرجع بقلو اليوم رحت ولانو مكان قريب وتحت العمارة مابقلي شي ومكان عادي ويعني انو عادي عندو لانو دكانو تحت البيت بس ازا حروح الكوافيرة اكيد بقلو وازا بدي اروح عالسوبرماركت الكبير البعيد بقلو طبعا كل الاماكن بقلو اما الي عالماشي فهوة بيسمحلي بس بكون عندو علم اول باول وين رحت واصلا مش من زود المشاوير الي بروحها كلها الدكانة الي تحت العمارة :)اتمنى اكون افدتك |
السلام عليكم ورحمة الله
حبيبتي سلامات هذه بعض الفتاوى اللي إستطعت إحضارها لك اقتباس:
http://www.66n.com/forums/showthread...C7%E1%D2%E6%CC والله يسعدك ويوفقك يارب .......................... |
اقتباس:
بستأذن منه بس أحيانا الواحد ينسى كثر مشاغل الاولاد وضيق الوقت الله يجزيك خير أم وليد |
اقتباس:
أنابغربة وما معي حدا بعد رب العالمين يعني هو عارف إنه مشاويري بعملهن لحالي بس أحيانا بتلفن إله وما بيكون موجود بمكتبه والشغلة ضرورية للاولاد بروح وبعدين بقوله بس بيعصب قلت إذا زوجك متزمت كلمة متزمت شوي ع زوجي هو متشدد وكله عنده حرام وغير جائز طفشت من هالكلمتين أنا كان في بالي إنه هذا ما يعد خروج بلا إذن والله حبيبتي الحال من بعضه ع قولتك واصلا مش من زود المشاوير الي بروحها تسلمي ويسلم لي قلبك يا عروسه الله يهنيك ويسعدك أم وليد |
سيدتي
قد لا يكون إسمه خروج بدون إستئذان ولكن إسمه الذهاب لمكان من دون إذن الزوج ومن الأفضل يا أختي أن تستأذني من زوجك قبل أن تذهبي لأي مكان ولكن, إذا كان زوجك يسمح لك بذلك (يعني أعطاكي إذن مسبق تروحين أي مكان بدون إستئذان) تقدرين تروحين بدون إستئذان أختي المسألة تختلف من رجل لرجل ولكن بعض الأزواج قد يكون قصده أن يعرف لو لا سمح الله صار لك شيء على الأقل يكون عارف إنتي وين كنتي. بكرة يكبرون عيالك وتصير عندك رغبة تعرفين وين يروحون ووين يطلعون |
أنا أشوف اذا الوحدة طلعت مكان لازم تبلغ زوجها
ولكن أحيانا يصير شغلة طارئة أروحها ولما يرجع زوجي أبلغه عادي يعني يصير عنده خبر ولما تودين أولادك الروض أكيد عنده خبر لأن هذي شغلة يومية قاعد تصير وهو راضي عنها الخروج من بيت الزوج منغير أذن لما يكون في زعل بينهم وتروح لبيت أهلها وليس المشاوير اليومية اللي أكيد راح تقولين لزوجك عليها |
اقتباس:
تسلمي مشرفتنا الله يجزك الجنة ع المرور العطر الروابط كثير رائعة يسعدك ربي ويهنيك ولا يحرمك الاجر أم وليد |
| الساعة الآن 05:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©