وش اسوي معها رفعت ضغطي ؟؟
 

السلام عليكم ورحمة الله وبركاته ..
انا عضو جديد معكم وان شاء الله اكون خفيف عليكم ..

بصراحة اللي خلاني اكتب مشكلتي هنا اني قريت بعض الردود الممتازة .. ولا يهونون الباقي اكيد ..

مشكلتي انا من شهر ونص تقريبا كانت ملكتي ..
بالبداية طبعا صعب اني اكلمها .. لكن بعد فترة كلمتها وسوالف بسيطه المهم مرت ايام وليالي كذا انا مشغول جدا ما اقدر ادق عليها بكل وقت يعني شوي اسلم عليها تبون شي كذا ..

لكن موعدنا المعتاد يكون بالليل ..
المهم مع السوالف قالت لي في يوم :
ماتلاحظ انك ماتدق علي الا اذا جيت تنام ( مخليني على الفضلة ) .
وانت دايما مشغول ..
قلت ايه صح مشغول بس انا اشتغل عشان منهو ؟
انا بصراحة انصدمت حسيت فيها جرأة غير طبيعية انها تقول الكلمة ذي ..:eek:
طبعا تغير صوتي لاني من النوع اللي يبين علي بسرعة .. قالت لي شفيك ؟
قلت تعبان وابي انام ..
وانا بصراحه كنت معصب جدا ..
دقت علي بعدها بدقيقة من قفلنا ولا رديت عليها ..
رسلت لي رسالة انا والله مو قصدي ماكنت اقصد كذا ..
وطنشت انا .. صحيت الصبح ورحت للدوام ودقت ولا رديت واتصالات ولا ارد ..
يوم جيت العصر قلت خلني اريح وادق عليها المغرب .. شوي الا وهي راسلة لي رسالة ( براحتك )
اف لهالدرجة ...
قلت خلها لين الليل ..وارد عليها ..
دقت هي ورديت انا ..
قالت والله انك قاهرني .. طيب سلام حاجة مافيه ..
بعد استغربت زياده ليه ماخذ حلال ابوك انا ؟
المهم .. مرت السوالف والايام ..
لين البارح دقت علي ورديت عليها ودق علي واحد كنت انتظره بيجيب لي حاجه قلت لحظه وانتقلت للمكالمة الثانية ..وجيت ارجع لمكالمتها وفصل الخط من عندي ..
قلت طيب الرجال الحين عند الباب انزل اخذ الغرض حقي واكلمها ..
ماخلصت مع اخونا الا الساعة 3 الفجر ..
قلت اكيد انها نامت بكرة اكلمها ..
دقيت عليها اليوم الصباح ماردت علي ..
قلت اكيد بالكلية ..
دقت هي الساعة 2
الو .. هلا .. وش الحركة اللي سويتها البارح ( بنفس هالاسلوب تماما )
قلت اي حركة ؟
قالت تقفل في وجهي ..
وقلت لها القصة ..
قالت والله انك قاهرني ..

افففففف هذي المرة الثانية تقولها لي ..
مسكت اعصابي ومابيت لها ..
شوي وقلت لها انا قاهرك .
قالت ايه ..

قالت ليه ..
قلت مره ثانية اختاري الوقت وفكري في الكلمة اللي تبين تقوليها قبل ..
تدرين لو انتي قايله لي كذا وانا معصب قفلت الخط في وجهك ( والله لانها صجتني انت قاهرني قاهرني )
وتغير اسلوبها قلت في قلبي كيفها ..

وعصبت قلت خلني اسحب نفسي قبل يصير شي ثاني ..
قلت لها اوكي تامرين شي ؟
قالت شفيك قلت عندي شغلة اخلصها والليلة اكلمك ..
وانتهت المكالمة ..

بالله انا وش سويت عشان اقهرها ؟
وحسيت انها جريئة مررررررره ..
وانا ما احب الجرأة ..
ايوه قبل لا انسى قالت ايه انا قلت لك كذا عشان ارتاح
تقول كلمت عشان ابرد خاطري بس ..

يالله وش الحل ؟

انتظر ردودكم ..

تقبلوا تحياتي ..

يا اخي البنت بتدلع عليك شوي
وانت مش فاضيلها
عادي تحملها
هاي خطيبتك
يعني طنش
ما تدق على كل كلمة تقولها
ازا بدك تضلك هيك ما رح تكمل معاها
طنش اخي طنش

يا أخي صبرك شوي

أشوف ما في مشكلة

بدها تدلعها شوي وتبين لها إهتمامك بها
فقط

أشوفك عصبي كثير لا هدي أعصابك

إذا بتقول لك أنا المفضلة بس كان ودها تسمع كلام حلو

زوجتك مثلي كثير أقول شي لزوجي ومابقصده وبسرعة يعصب

الله يسعدكم ويهنيكم

أم وليد

الله يهديكم يا اخي
الحل انك تحكي معاها تقلها كيف طبعك وشو الشي يلي بيضايقك وشو يلي بيزعجك
وهي ممكن ليست جريئة كما تقول لكنها صريحة وشكلها يلي بقلبها على راس لسانها فلا تزعل منها
فاجمل شي في الخطبة هي انو كل واحد يعرف طبع الثاني قبل مايعيش معاه
والبنت دائما طبعها حساس كتير واي تصرف ممكن تقوم فيه ايام الخطبة وانتي مثلا مو قاصد هي تاخد له معنى اخر
وهي امور عادية وبتحصل كتير والله يوفقكم ويجمع بينكم بخير

أخي هي كلمتك من منظورها للموضوع ،، لم تكن تعلم بوجود صديقك عند الباب ولم تكن تعلم أن الخط فصل عندك ،،

أنت نظرت لها إنها ما قدرت وضعك ولم تختار الوقت المناسب ،،

سوء تفاهم عادي ،، لانكم تتكلمون في الهاتف ،، لو كل واحد أمام الآخر لما حصل سوء التفاهم ،،

أخي هي في البدايه كانت تحاول أن تصارحك بانشغالك عنها ،، بدلا من تريحها بكلامك عصبت عليها ،، كان من الافضل انك (تهونها) ،، يعني مثلا تقول لها ،، مع الايام سنعيش مع بعض وستكونين جنبي وستعرفين انشغالاتي ولكن كل هذا عشانك كي أبني حياة لنا وهكذا من الكلام الجميل والخفيف والذي يريح المرأة ،،


افهموووووونا يا رجاااااااااااااال

كلمة حنان وكلمة حب هي الحل والمفتاح

شكرا على ردودكم السريعة لكن :
ام عبدالله دلع وقلنا ماشي .. ولاحظت انا هالشي بعد
شكرا على مرورك الكريم
لكن مو كذا طيب ..

تقبلي تحياتي

سلامات ياقلبي :
والله مو عصبي ولا شي ..
بس انا صحيح جاف في بعض احيان لكن مو يعني عصبي ..

حتى انا ودي بالكلام الحلو وابي اتدلع بس ..

تقبلي تحياتي ..

حورية :
شكرا على مرورك
حتى ولو كانت صريحة ..
فيه بعض الكلام المفروض يكون مدروس ..

تقبلي تحياتي ..

الحب المستحيل :
والله قلت انا ماشتغل الا عشان راحتنا بعدين وكله عشانك

لكن هي متسرعة جدا .. وانا قلت لها كذا لا تتسرعين

تقبلي تحياتي

ياأخي

مع إحترامي الشديد لك

ولكن واضح من كلامك إنك غير مهتم بها

ياأخي عطها راحتها

خلها تعبر عن مشاعرها

هل تريد منها أن تقدسك

نحن بشر في النهاية

إنتهى زمن المعصومين من الأخطاء