لا يريدون خطيبتي أن تجلس بقربي
 

بســـم الله الرحمن الرحيم

الله يسعد أوقاتكم جميعـآ



ابي آقــولكم قصـة صـايره لي انا ؛ وآبي رآئيكم :25:

انا متملك لي ما يقارب السنتين والحمدآلله ؛ وكان شرط آهل البنت بعد الملكه ما أتزوج الا بعد سنتين ؛
هالسنتين هذي بيكون فيها روحات وجيات لهم ..زبده الكلام آكتشفت من آهل البنت ان كل ما أجيهم تجلس خطيبتي جنبي واسولف معها بس دقائق قليله ؛ وغير كذآ العيون علينا وع كل حركه تصير بينا ؛ آطريت اني آخفف روحاتي لهم وخلي سواليفي مع خطيبتي بالجوال ؛ وكانت مكالماتي تكون ع آخر الليل بحكم الاشغال اللي تدور حوالينا ولا يفضاء الشخص الا بقوت النوم ؛ اشوف من ابوها كل من تالي يـأخذ الجوال الساعه 11 ليلا بحكم خلاص هالوقت هذآ ماحد راح يدق عليها وهو عارف ابوها ان هالوقت اني راح ادق عليها ؛ وعن نفسي سكت وآكشتفت من خطيبتي ان أهلها يقولون لها إذا جاء خطيبك لاتروحين تجلسين جنبه خليك بعيده عنه ؛ انا بصرآحه وبكل صدق نويت ما اورح لهم الا وقت تحديد الزواج علمـآ ان زوآجي آخرته سنه ثالثه بحكم الضروف اللي تصير لي ؛ وآنا والله حيرآن مدري ليه كل هذآ يصير من آهل البنت ؛ وع ما اظن انها هي تعتبر زوجتي ؛ وماسوينا شي غلط لو اسولف مع خطيبتي ؛

حبيت اقول لكم القصه لاني بصرآآحه مدري وش هالحل برآئيكم

شاكر لكم جميع وآنتظر منكم الردوود بكل همه وتقدير:25:

الاشراف:
تم تعديل العنوان ليناسب النص

تصرف أهل زوجتك صحيح ولا غبار عليه وهم حريصون جدااا على أبنتهم حتى ولو كانت متملكة وما يدريك يمكن أنت تنسحب وتروح سمعة ابنتهم في خبر كان هنيئا لك بهذه الاسرة الشريفة الحريصة على سمعة ابنتهم وسمعتهم وفقك الله لكل خير

خلك ثقيل واقطع الروحات لهــمـ .. ولاوقفت الدنيا عندهمـ وأنا أخوكـ
و خلك على قول المثل:
ازدد بعدا .. تزدد حبا

ينتقل لعالم المقبلين على الزواج



بوركتم

الصراحه أخي تصرف أهل زوجتك صحيح

في الخليج يجب أن تكون فترة الملكه بهذه الصورة ،، كأنها خطوبة كما في البلدان العربية الاخرى ،، ولكن مشكلتك انها سنتان ،، كثير الصراحه ،،

الله يصبرك اخي

لكن صدقني تصرفهم طبيعي ،، بالعكس ،، المفروض انك تفرح لما يحافظون على بنتهم ،، كثير من المشاكل تحدث في فترة الملكه وللاسف الرجل يغير رايه وتذهب سمعة الفتاة ،،

حاول انك تقلل السنتين ،، وتحسن ظروفك بسرعه ،، او انك تتصل لها بدري ،، قبل الساعه 11 ،، ولما تروح لهم ،، سولف مع اهلها كأنك مع اهلك ،، واخذ الموضوع عادي

السلام عليكم ورحمة الله وبركاته
*
*
انا أخالف الاعضاء الذين سبقوني بأن هذا التصرف صحيح من الاهل.
*
*
الحرص طيب ولكن:
كيف الزوج راح يرتاح معها في الكلام والتصرفات؟
كيف هي تاخذ راحتها؟
كيف يعيشون طول هالمده مثل الغرباء؟
هذه زوجته شرعا لازم يحاولون انهم يقربونهم لبعض وانا لا اقول هذا الا من واقع تجربتي مع زوجتي.
*
*
استعن بالله وحاول تتزوج بدري.

تصرف طبيعي والمده طويله جدا وصعب كمان تاجل الزواج توكل لى الله وتزوج احسن او على الاقل خل الزواج بعد عيد الفطر

اشلون يعني املك عليها وبس تكلمها أو تجلس معاها جنب اهلها يعني ماتطلع معاها تتمشى او تروح وياها مطعم تتعشون مع بعض لحالكم؟

ياأخي مثل مايقولون العرس كله ملكه استانس انت وياها طلعوا وتمشوا وروحوا وتعالوا بس بحدود معقوله لان سنتين فتره صج طويله

بس لاتضيع هالفتره من حياتكم وانتوا مافرحتو فيها لان الخطبه حلوه مررره ولا راح تتكرر مره ثانيه

وشكرا

لا عادي الاهل جهال مايعرفون

وانت تعرف اهالي زمان كيف اصبر وتزوج في اسرع وقت احسن لك

انا اخوية كدا اخوانها كلهم يقعودون عندهم وهي في شق واخويه في شق

ودحين متزوج

الله يعينك ويسعدكم

وشكرا