|
اختي المعلمه والموظفه هل تتزوجي هذا الشااب؟؟
بصراحه انا سمعت شي عجيب من بعض العاطلين عن العمل .. وخصوصاً اصحاب الدين والخلق منهم كلام لم اسمعه بحيااتي ... وانا متزوج تاقت نفسي لهذا العمل .. وان اقدم عليه ... ولكن لا اصدق انه موجود كنا نتكلم انا واحد الشباب في مستقبله ... فقال انه يعرف احد المشايخ .. او بالأحرى احد المشهود لهم بالصلاح .... وهذا المشهود له يبحث له عن فتاة موظفه ... وتكون معلمه او موظفه وظيفه محترمه .. ويتزوجها ... وهي تصرف عليه .... فقلت له عن اعمار هؤلاء الفتايات بأنهن اكبر منك ... لان عمره (( 23 سنه )) فقال وجدت فتاة تبلغ من العمر 27 سنه وهي معلمه .... وتركتها لانها اكبر مني .. لكني ابحث عن فتاه عمرها 22 سنه ... او 23 سنه وتكووون موظفه ... فأستغربت ان هذا الشاب سوف يجد فتاة بهذا العمر وتقبل به .. فأقول في نفسي هذا وصل هذا التفكير في الفتياة الى درجة انهم يتزوجون اي ما اتفق ... ولكن من وجهة نظري ... ارى ان الشباب معهم حق فلا راتب ولا مكافأت جامعيه ... ولا وظائف .. اليس من حق الشباب البحث عن هؤلاء النساء ....ز |
لاطبعا ماراح اوافق
حتى لو كان راتبي عالي! تخيل الزوج بيطلع يقول يافلانة تعطيني 500 ريال اليوم؟؟؟؟؟؟؟؟؟؟ وهي تقوله خلاص اليوم اخر مبلغ تاخذه اصبر لين الشهر الجاي يقولها سمي طال عمرك! والله الفشلة بس وناسة تذله ذل:26: الله لايبلانا يارب |
شوو بارد ...
هو اكيد ما راح يسووي كذا .... لكن هي تصرف عليه ... يعنى تخيلي ولد مطنفر ما معه ولا رياال ... واذا شفتيه مغتنى مررره مررره مرره تلاقي في جيبه 20 ريال .. وهذا انا شفته بعيني والمهر والعرس والبيت والهيصه هذي كلها ... بيسويها من فلووس المحسنين ... ططبعاً تعرفي قريبه الرجل الصاالح يعرف كثيرر من الاغنياء .... ويعطونه زكاة اموالهم فيصرفها كلها على قرريبه ... حتى انه تقدم لوحده ... وكان بيدفع لها مهر مو هين ... ولما سألت عن مصدر الفلووس قالي من اهل الخير .. فأستغربت هذا الشي بس ما تم الزواج .... لظروف معينه شو بارد انتى ما شالله موظفه ... وانسانه مازلتي في بداية حيااتك ... هل تقبلي لو جائك رجل ملتزم .. وذو خلق طيب ... ولكنه بدون وظيفه ..؟؟ بصراحه |
صراحة مستغربة
هذا بيكون رجال هذا طب ما يخلف أحسن ويكون هو الست بلا هي ما تتوحم وتولد بتصرف عليه الله المستعان وين كرامته كرجل |
انا استغرب انو فيه بناااااااااااااااااااااااااات راضياات بالوضع هذااااااااااااااااااا
يعنى الفلووس فيه ... وايش المااااااااااااااااااااانع |
لا طبعا ماراح أوافق ليه آخذ عاطل وأنا موظفه .. ليه أنقلبت الفطره وصرنا نصرف عليهم مابقى ألا يكون أمر الطلاق بيدنا قلي وين معنى القوامه فالصوره الي ذكرتها ؟ فرق كبير بين شاب مكافح وظيفته على قده وراتبه بسيط وبين انسان فاااااشل ماله ألا النوم واللعب اقتباس:
أنتِ ألي اطلبي الي يدور مثل كذا نذل مافيه خير |
اقتباس:
اصلا بستغرب وش هالجرآة عاطل ويخطب! اقلها يشتغل كاشيير بالأسواق المهم يشتغل |
طيب يمكن البنات اللي واااااااااافقوا لانو شهاادته عااليه ... يعنى هو ماخذ بكالوريس في تخصص معين .. وجالس بيتهم لانه ما فيه وظااااااايف .. ولكن ينتظر التعين او العسكرية .....
وفووق كذاا يقول باخذ وحده موظفه حتى اتووووظف .... يعنى اذا اتووظف خلاص ما عااد بتصرف |
للأسف أن الناس تفكر انه لا سبيل للعيش بالنسبه للفتاه
بدون زواج أي انهم يعتبرون سبب حياتها هو الزواج مالمانع أذا عاشت الفتاه الموضفه في بيت اهلها معززه مكرمه موظفه تعمل كل ما تشتهيه من راتبها واهلهايعلمون ان الزواج قسمه ونصيب وأن الارزاق بيد الله وأن عيشها بهذه الطريقه أهون من أنها تتزوج بالطريقه المذكوره سابقاا نحن لا نعاقب بعض الشباب علي نصيبه بأنه عاطل عن العمل فربما كانت الظروف أقوي منه ونحن مهما نعلم ونقول فسيظل هناك جوانب لا نعلمها عنه لكن نحن نقول ان هناك شريحه من الشباب اعتمد اعتماد كلي علي بعض البنات الاتي توظفن بأعتبار انهن عوانس وسوف يرضين بنا بحسب قول المثل ((ظل راجل ولا ظل حيطه)) أنا برأيي المتواظع اري انه لا ضير في الزواج برجل حاله الماديه متواضعه جداا وحتي لو كان راتبه لا يتعدي 1000 ريال أو حتي 500 فالموظفه لا تحتاج لراتبه المتواضع لكنها تحتاج أن تراه يناضل في كسب المعيشه وفعل ما يقدر عليه فالوضيفه ليست فقط للمال بل أنها تحقق الذات وتجعل حياتنا ذات معني وتكسبنا احترام من قبل الاخرين .......................... اشكرك |
هذي أسميها وقاحه مع إحترامي
صحيح إن حال الشباب لايسر وفيه بنات كثير موظفات لكن الرجل له كرامه مهما كان انا والله بتزوج موظفه هالصيفيه ان شالله وانا لسه أدرس لكن وربي مادخلت وظيفتها في إختياري لها وكمان هي كلمت أهلي يشرحون لها الوضع مثل ماهو بدون أي تزيييف عشان ما أظلمها بس بالأخير حمدلله وافقت بإقتناع وأهلها كمان رحبوا فيني ترحيب كبير وإن شالله أكون قد هالثقه يارب .. :) يشهد علي الله ماطرت علي وظيفتها كثر ماطرى علي أخلاق أهلها وأخلاقها وطيبتهم وخوفهم من الله .. أما اوظيفه فهي تعبها وحصلته وتستاهل .. والله لايحوجني له .. رغم إن نظرتي للحياة الزوجيه إنها تعاون بين الزوجين محتاج لتضحيات كثيرة .. :) الله يوفق الجميع لما فيه الخير .. :) |
| الساعة الآن 07:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©