|
ما اتحمل واكره صديق خطيبي، ماالحل؟
انا مشكلتي مشكلة تعبت منها كثير وجننتني هي تجي لي بين فترة وفترة احيان تروح
واحيان تضل معي يوم كامل ادري مافهمتو شي بس خلوني اقول كل اللي بخاطري مشكلتي صديق زوجي اكرههههههههههههههههههههههههههه كره ما اطيقه :29: اكره اشوف زوجي يكلمه :27: او يجلس معاه والله تعبت من اللي فيني صديق زوجي متخرج من نفس قسم زوجي لاكنه عنده بزنس لوحده يعني عنده اشغال ثانيه غير دراسته اكره اسمع زوجي يمدحه او يقول سوى كذا مو حسد انا ما احسد واتمنى الخير للكل بس مدري وش فيني عليه اتمنى زوجي يكون احسن منه في كل شي واتمنى اكون احسن من زوجته مع اني لاشفتها ولا اعرفها بس اعرف معلومات عنها فهمتوا علي صدقوني مو حسد ياما شفت ناس ناجحين وتمنيت ليهم الخير وحتى هذا بس ما ادري يمكن غايره من نجاحه الله يوفقه طبعا مرت الايام وانا هالحاله تجيني بين فتره وفتره لما تجيني اكون عصبيه واكره زوجي او ما اعطيه وجه:29: واحيان اتعوذ من الشيطان ويعني اصير اوكي بس مو دايم:( او احاول انسي نفسي الموضوع على فكرة بس هذا اللي اكرهه والبقيه لو يكلمونه ب3 ساعات ما اقول شي عادي:25: وهذا الصديق اكره امه ما اطيقها هي كانت مشرفة بمدرستنا وكانت تهزئني احيان او تقوم تلفت نظر المديرة لي من بد البنات لما اتاخر عن المدرسه فكرهتها لما تخرجت وطلعت النسب صديقه ساله عن نسبتي فما قاله رد عليه صديقه اقدر اجيبها من امي وجابها وكرهته زياده الحين زوجي يشتغل بزنس لوحده قام وقال لصديقه وش رايك تشاركني فوافق وشاركه وانا هنا انبطيت وانقهرت ووصلت حدي بس سكت يناس ساعدوني هل انا طبيعيه ولا احتاج دكتور مابي اقول لزوجي اني اكره صديقه او ابيك احسن منه لانه ما ابي اقارنه باحد بس في مرة قلتله اني اكره صديقه للعلم الاثنين خاطبين لسى ماتزوجنا وزوجي مو دايم مع صديقه ولا دايم يكلمه عمري 19 وموقادرة انسى الماضي الاشراف: تم تعديل العنوان ليناسب النص |
حاولي إنك تشيليه من راسك
انت تكرهين أمه لهدا كرهتيه انسي الماضي و أيام الدراسه يااااااما اتهزقنا شيليه من دماغك نهائي |
سمورة مشكورة ياقلبي على المرور ..........
احاول اسوي اللي قلتي عليه بس ماني قادره ودي يبتعد عنه نهائي |
السلام عليكم و رحمة الله و بركاته اخيتي الغالية مما لا شك فيه ان رواسب الماضي لا تزال تتشبث بك و تؤثر على حياتك و لا ألومك فالاحساس بالظلم و القهر قاس لدرجة كبيرة لكنني لاحظت ان كرهك المستمر ليومنا هذا يؤثر على علاقتك بزوجك ايضا و يؤثر على نفسيتك فساعات كبيرة من يومك تهدر بالتفكير والكره لذا حاولي التزام الاستغفار و الايمان بما قضى الله تعالى و القناعة القناعة هي اساس المشكلة ... حاولي ان تقنعي نفسك بأن الله تعالى هو الذي اعطى و هو الذي يقدر ان يأخذ في لمح البصر فلا تنظري لمن هو أعلى منك .. انظري للأقل لتشعري نعمة الله تعالى ثم اختي ... أتركت النعم التي حولك و انشغلت بالتفكير بمن حولك ... فكري بنفسك و كيفية تطوير حياتك .... فهل يرضيك ان يكون تفكيرك بهذا الشكل و من تكرهين لا تأتي انت على بالهم للحظة من الزمن و أقول لك اقرائي الاية التي توقيعي .. فسترتاحين كثيرا بها بارك الله فيك و أسعدك |
|
مشكورة الوفيه لوالديها على النصيحة الاكثر من رائعة
ان شاء الله ربي يعني وانسى الماضي كلامك يخليني اعيد النظر في حياتي مثل ماقلتي يومي يضل كله كدر بسبته والشيطان مايخلي احد احيان يوصل بي الحال اني ابكي واكره نفسي وحياتي واللي حولي كلهم بسبب البلوى ذي |
ريم المدينة مشكورة على المرور انا اللي يهمني خطيبي وبس وتضل علاقتي فيه حلوة
ياربي يبعد عني الشيطان والتفكير فيه احيان اسال نفسي شاللي خلاني اكرهه معقولة كرهي لامه تحول له مع اني لما اشوف امه عادي بس عندي شعور بداخلي اني ما احبها يمكن كرهتها لانها لما تجي تنصحنا تمدح لينا اولادها الله يعين |
احس الموضوع متعبي كثييييييييييييييييييييييييييير
وجايبلي الهم اليوم هو ويا صديقه لكدى تشوفوا حالي كذا ما بي ازعل على خطيبي الليله لما يجي ودي اصيح وما اسكت بجد انا تعبانه منه ساعدوني عشان اتقبله |
حاولي تنسينى يا اختي الغالية
ترا النسيان نعمه من رب العالمين والله يعينك |
اذا اخلاقه سليمه وملتزم دينياً
استغفري له كثير وبصدق وسيزول باذن الله الي في قلبك عليه الكره شعور يتعب صاحبه وبعدين ليش تتضايقين اذا صار صديقه احسن منه وتذكري حديث المصطفى صلى الله عليه وسلم بما في معناه : (لا يؤمن احدكم حتى يحب لاخيه مايحبه لنفسه) |
| الساعة الآن 01:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©