|
صالون العوانس( لا يطوفكم): تخفيف لمشكلة العنوسة
السلااااااااااااااااااااااام صالون العوانس فكرة طرأت علي انا وزميلاتي العوانس اللي بالدوام طبعا مو القصد منها الزواج ولاهي حل للحرمان والانجاب هي حل لمشكلتين تعاني منها اغلب العوانس بعد فراق الاهل لان اي وحدة عانس طافها القطار( عقدتكم من كثر ما اقول عانس:d المهم مصير العانس ان تسكن في النهاية مع زوجة الاخ وزوجة الاخ الله العالم هل تكون بمثابة الاخت لها ام ستكون سبب لتعاستها واثارة المشاكل عموما مهما كانت زوجة الاخ طيبة الا ان الغلبية العظمى من المتزوجات يكرهون ان تعيش اخت الزوج معاها في نفس البيت وعاد شوفوا شنو راح تكون حياتكم تحسين انك مو مرغوبة وتضطرين تحبسين نفسك طول اليوم في غرفتك للابتعاد عن المشاكل او لاعطاء الحرية لزوجة الاخ في منزلها اضاااافة الى صعوبة استقبال صديقاتك في المنزل اضاة ايضا الى العزلة الاجتماعية ( منو فاااضي يوصلك للعزايم والاعراس وزيارة الصديقات) طبعا هالشي يزيد من مشكلة العنووووسة وبصراحة مع مرور الوقت تفقد العانس رغبتها في الحياة الحل؟؟؟؟؟؟؟؟؟؟؟ الحل هو انك بمجرد انك تدخلين سن الاربعين ( الله يستر ما بقى شي واوصل الاربعين) المهم جمعي مبلغ مناسب لفتح صااالون نسائي( مشغل) اما ملك لك وحدك او مشاركة مع زميلات عوااانس بس لا يكون همك الربح المادي لان الصالون وما يحققه اجتماعيا لك اهم بكثير من الربح المادي كيف؟؟؟؟؟؟؟؟؟؟؟ اولا : يحل مشكلة السكن راح يصير لك شقة ملك لك وحدك تأمرين فيها وتتحكمين او مشاركة مع الزميلات اللي يعانون نفس المشكلة في هذا الصالون تقضين وقتك مع زميلات لك او مع الزبائن بدلا من ان تقضيه في غرفتك في بيت اخوك وانالو اقدر ما ارجع الا في المساء بعد اغلاق الصالون وبالنسبة للتوصيل سأكلف احدى العاملات بمهمة توصيلي ثانيا:يحل مشكلة العزلة الاجتماعية تستقبلين صديقاتك في اي وقت وكذلك اخواتك وحتى من ترغبين من اقاربك توسع علاقاتك الاجتماعية وتكونين صداقات والعلاقات الاجتماعية لها دور في تخفيف الحزن والوحدة وانتي بكيفك او بالتفاهم مع اخوك ( الله يحنن قلبه علي ويوافق يارب) تحددين وقت ذهابك للصالون هل يوميا او ثلاث ايام في الاسبوع وكم ساااعة تكفيك واللي راح تسوينه في البيت اعمليه في الصالون اقصد بالصالون تتعبدين الله وتقرأين القرآن في غرفتك الخاصة( هذا اهم شي حطي لك غرفة خاااصة) وكذلك تشاهدين التفزيون مع الزبائن او حتى تستخدمين النت( وزعي وقتك) تسولفين وتحتكين بالناس وتوسعين خاااطرك تهتمين بشكلك ( اكيد بعد انتي صاحبة الصالون) تلبسن ما ترغبين ولو تحطين الصالون بمكان سوق يكون احسن واحسن على الاقل تقدرين تتسوقين وتقضين حوائجك انتم اشرايكم تنفع وشلون نقدر نستفيد من هالشي في تخيفيف مشاعر العنوسة والله اني تعبت من هالغرفة في بيت اخوي احس خلاص راح انجن وهذي اخر افكاري ( الصالون) |
يا حياتي الله يسعدك والله فكرة مرة رائعة
اله يعيننا البنات ويسعدنا يارب |
يا حياتي الله يسعدك والله فكرة مرة رائعة
اله يعيننا البنات ويسعدنا يارب فكرة تدل على عقل كبير ماشا ءالله تبارك الله الله يوفقك |
يابعد عمري الله يفرجها عليك وعلينا
بصراحه الفكره مرررررررررررره حلوه وخطيره وعجبتني كثير الله لايحيجنا لخلقه ربي يسعدك ياقلبي ويفرج همك وينولك مرادك ويرزقك الزوج الصالح اللي يخاف الله فيك عاجلا غير آجل |
أختي ليدي سوفت....لا زاااااااااااااااااااااااااااااال لدي أمل اني بتزوج يوم من الأياااااام..بس على العموووم الفكرة جميله..تحيااااااااااااااتي
|
الصراحهـ فكررره وايد حلوه..بالعكس جذي تنشغلين ويمــر وقتج وانتي ضحكتي وسولفتي وفرفشتي نفسج شوي بلا ضيقة خلق ولا شي..
الله يوفقج.. |
حلو كفره لشغل وقتك والخروج من غرفتك
لكن التطبيق صعب بس مادري مافيه غير فكرة الصالون تكون أسهل ؟ ومسألة انك تعيشين بشقه لحالك مع احد صديقاتك ما أأيدها أبد الله يحفظك ويستر عليك يالغاليه |
ليدي ما ينفع صالون الارامل ؟ :) حيث انني افكر بهالمشروع |
ادعولنا ان ربي يزوجنا قريب
اعرف حرمه في ال 50 من اقاربنا سبحان الله تزوجت بشبابها وماجلست مع الرجال امكن سنه وطلقها ةمسكينه ماحد ضافها تروح من بيت لبيت تنام عندهم ومرضت وشالت الرحم وسبحان الله زواجها قريب من رجال كبير توفت زوجته وغني مشاء الله بيسكنها في بيت تأمر وتنهي فيه على كيفها |
اقتباس:
لولا الامل لمتنا من الهم والغم صدقيني الامل سيظل لدينا حتى لو بلغنا الخمسين لكن الوحدة لازم ترضخ للواقع وتتعايش معاه بالطريقة اللي تساعدها على الحياة سعيدة بانتظار تحقق الامل اقتباس:
عقل كبير( صدقيني من كثر ما افكر بوضعي والعنوسة احس عقلي تعب) اقتباس:
اي والله الله لايحيجنا لاح غيره والصالون على الاقل يساعد على الاعتماد على النفس وقضاء الوقت اقتباس:
صدقيني لما الوحدة تطبقها راح تحس بالفرق في حياتها على الاقل نفسيا واجتماعيا اقتباس:
الفكرة صالون او مشغل نسائي استفيد تجاريا ويكون بمثابة السكن الثاني لي ولتجمع صديقاتي يكفي انه مقبول من الناحية الاجتماعية وممكن تطورين الفكرة وتنشرين بين الناس ان المشروع مو لك وحدك لك مع اخواتك راح يتقبلون الفكرة اكثر من انك تقولين لي وحدي اما صعوبة التطبيق؟؟؟ تتوقف على تشدد الاهل بعض الاهل ما يرضى ان البنت تقضي وقتها خارج المنزل حتى لو كان بصالون ومو شرط تطبقينها بالكامل او تروحين يوميا يكفي لو تروحين ثلاث مرات في الاسبوع او حتى ساعة يوميا تؤدي الغرض ويكون احسن لو ييكون الصالون قرب البيت اقتباس:
عوانس ارامل مطلقات كلنا نعتبر امرأة بلا رجل اقتباس:
ام مزنة يارب الله يزوجك قريب والله انك كااسرة خاطري احس موضوع العنوسة تاعبك مثلي بالضبط وان شاء الله نتزوج قبل سن الخمسين يارب احس الزواج ماله طعم بهالعمر؟؟ |
| الساعة الآن 06:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©