![]() |
زوجي طاح من عيني !!!
إذا كان زوجك غير مدّخن .. ومن يوم زواجكم وانتي تعرفي انه مايدخن! خصوصاً ان لكم فترة طويلة جدا متزوجين وتعرفي سلوكه زين وواثقه انه مستحيل يدّخن! في يوم لقيتي في دولابه بوسط ملابسة علبة دخان ! وواجهتيه ودموعك على عيونك لاندهاشك وعدم توقعك ان زوجك هو فعلا يكون .. ولكن قالك فلان كان عندي سهران ونساه ونا حفظته له علشان لاجا ثاني مرة اعطيه اياه ! وطبعاً لأن زوجك ثقة عندك صدقتيه! وبعد فترة طويلة وفي رحلة نهاية اسبوع استجمامية هو قررها لك لانه يحبك ووده يهنيك ويسعدك شميتي فيه ريحة الدخان !! وسالتيه واعترفلك انه فعلا قبل شوي دخن سيجارة ومايسويها امامك لاحترامه لك وعلشان نظرتك له لا تتغير !! كيف راح تنظري له وقتها ؟ وهل نظرتك له بتتغير ؟ وهل مع الزوجة حق في انه بهالفعل أفسد كل الاجواء الرومانسية الي كنتوا تعيشونها ! او بتتصرفي بشكل ثاني وبتعيشي الاجواء بحب ورمانسية وبتعيشيها صدق وبتستشعريها وتتركي كل سؤال حتى رجوعكم ؟ وهل ماراح يجي على بالك تساؤل انه قد يكون هناك اسباب نفسية دفعته لهذا الفعل او انها فساد في السلوك لايحتاج تفسير ثاني! |
معظم الرجال يهرب من مشاكله وهمومه بالتدخين كما يفعل زوجك... ادعي الله ان يهديه في صلاتك وقومي قيام الليل وادعي لزوجك ان يهديه الله وان يبعد عنه التدخين لان مضر اولا بالجسم وكل ما يضر الجسم محرم في الاسلام كالخمر وإذا لا قدر الله وتوفى زوجك وهو بهذه الحاله اي مات وهو مدخن فهذه بمعنى الانتحار والمنتحر لا يدخل الجنه إلا برحمة الله ذكريه بالموت وذكريه بالمضاره على راته .. والله يوفقك ويهديني والمسلمين إن شاء الله عشقي للجنه |
اسباب نفسيه !!!!!! فساد في السلوك!!!!!! يا اختي لا توسوسين 00زوجك وانت ادرى فيه
ونصيحه لا تكبرين السالفه000يمكن يكون غلطان لانه ما علمك من البدايه000لكن يمكن يكون له اسبابه وانه متخوف من ردة فعلك !!!!!وهو يعرف انه غلط وهو مبتلش فيه000وقدري له مراعاته لشعورك00وصدقيني نادر من يسويها ويستشعرها000افتحي معه الموضوع وحاوريه واسأليه الاسئله اللي محيرتك00000 جعله الله قرة عين لك00 |
إدعي له بالهداية
فالقضية ليست قضية أخلاقية, وهذا أهم شيء يعني الرجل بسهولة يقع فيما هو مخل بالأدب, ولكن التدخين هو من الأشياء التي يقوم بها العاقل والمؤدب وهي مشكلة قد يكون تأثيرها على الصحة ولكنها ليس فيها إهانة أو خيانة أو غدر أو قلة أدب أو شذوذ أو مرض نفسي وأنا لا أقول بأن التدخين شيء عادي أو صحيح, ولكنه منتشر حتى بين الناس الذين يتمتعون بسمعة طيبة وأخلاق راقية, وهذه هي مشكلة التدخين, لأن هناك أناس يعترون قدوة لغيرهم ولكنهم للأسف يدخنون كل ما لديك هو الدعاء والنصيحة وحاولي أن تساعديه على ترك التدخين |
انا مرت علي مثل قصتك وصارت لي انا شخصيا بس انا كانت في شهر العسل صارحته بعد فتره وعرفة انه يدخن من زمان علم ان والدي سئل عنه قبل الزواج المهم الحين لنل 7 سنوات متزوجين وما قد شفته يدخن قامي وحاولت كذا مره اتكلم معه يتركه فتره ويرجعله ..اما انتي يمكن اسبب اصدقائه عليك بنصحه و اتكلم معه من فتره و اخرى واذا قرب شهر رمضان قولي له فرصتك انك تتركه و اولا واخيرا عليك الدعاء له ..وشكرا
|
يمكن بعضكم مافهمني زين هو رجل محافظ وفي نظري اشوفه ملتزم دينيا المشكلة انه مايدخن اصلا من قبل لا بالسر ولا غيره الحالة هذي بدت معه من فترة بسيطة يوم شفت الدخان في دولابه وقال انها لصديق زاره ليلتها وكنت شاكه ولكنه يخفيها عني واظنه هو مايسويها دائما اظنه نادرا ولكن كنت اكذب نفسي وقول مو معقوله يدخن الا جا اليوم الي شميت فيه الريحة ولا هو حتى انكرها واعترف لحظتها لانه دخن بالحمام وجا جلس معي ومنتظر ومتوقع اني بشمها وبواجهه وهذي اول مرة يسويها .. وبصراحة انا انهرت في نفسي وكنت اشوفه قدوة لغيرة ولكن بهالفعل هز صورته في نظري واحس اني ظلمته بهالنظرة وسالته ليش قال مدري وش رماني عليها ولكن انا اهرب بها من مشاكل اواجهها في حياتي وانا اعرف انه غلط ولكن كل ماوقفت رجعت وكلها بسبب تراكمات نفسية وعصبية من هموم الحياة ومشاكلها وصرت اهرب منها بهالفعل الخاطئ .. لكن انا مو قادرة اتصورة وهل معي حق في نظرتي هذي له وان كانت في نفسي ولو تركها من اليوم احس صعب ارجع انظر له مثل اول وبيصير عندي محل شك في اي فعل ولو غير الدخان مستقبلا!! احس انه هدم كيان كنت اشوفه قدوة وماقدرت ابررله فعلته !! هل من مثله معذور ! لو كان انسان عادي كت امشيها لكنه على دين |
ديري بالك هذا مؤشر خطر عن وجود مشكله فيج او بره البيت يحاول ينساها بالتدخين |
الحين قلت خانها وطاح من عينك
اااااه اه يختي فعلا الدخان شي مو كويس بس انه لصحته فقط وللا مافيه اي شي يدعيك لتغيير نظرتك عنه انصحيه وبيني انك خايفه عليه وادعيله بانه يتركها والله يسعدكم |
إدعي له بالهداية
|
انا زوجي بعد مدخن الله يهديه
|
الساعة الآن 02:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©