|
هام وخاص جداً للاخوات..!!؟؟ايش رايكم..
السلام عليكم ورحمة الله وبركاته
تقولون العنوسه وتتكلمون عنها وانتم السبب فيها لانفسكم الى درجة 95% اقصد البنات .ثم ترمون اللوم على الشباب وعلى الرجل وتنسون انفسكم . انا لا ارمي التهم على الناس بالباطل ولكن هذا من واقع تجربه انا عشتها وهي انني تقدمت قبل شهرين تقريبا الى معلمه في 28 او 29سنه توها متعينه والذي تقدم لخطبتها لي زوجتي وكنت اريدها زوجه ثانية نظراً لرغبتي في الزواج وانا ولله الحمد ميسور مادياً ولست في حاجة راتبها واملك البيت الشرعي وعندي ايمان تام ان القوامه للرجل وليست للمراه .... وانا شاب لم ابلغ 33 من عمري...ولكني كنت اريد ان اعف احدى بنات المسلمين بالحلال وايضا لرغبتي الشخصيه في الزواج ومع ذلك تم الرفض من قبل الاخت بحجة انها زوجه ثانية في الوقت الذي تقدمت فيه زوجتي لها اذعانا منها بقبول الوضع كشريكه لها لكي يعطيها نوع من الارتياح والقبول وان زواجي منها ليس مبنياً على خلافات عائلية ... وهذه هي النتيجه .......... ابغى اسمع ردود صريحه وعقلانية بعيداً عن التعصب والغضب ,,, شكرا لكم جميعاً.... |
شوف اخوي انا سني قريب من هذي الللي خطبتها عشان كذا راح ارد عليك ...........
شوف بنت اقل من 30 لسه تحس انو عندها فرصه ترتبط بشاب لم يسبق له الزواج .... خاصه اخوي انك ماذكرت اى صفه في شخصك الكريم تخلي البنت ممكن انها توافق عليك ... يعني انت رجل عادي يعني ممكن وهي عمرها 32 -33 تحصل على شخص بـــــ موصفاتك.... ليش تستعجل... صحيح انا اشوف بنات اعمارهم صغيره 20-25 ويوافقن على ان يكن الزوجه الثانيه .......بس صراحه يكون الرجال الللي ماخذينه شي او البنت تكون ناقصها حاجه موجوده عند هذا الخاطب ..... يعني انت اخوي الله يجزاك خير ماقلتلنا انك ملتزم دينك قوي اخلاقك حلوه وظيفتك حلوه تقدر تعيش البنت في بيت مستقل تموت في قهرها انها زوجه ثانيه على شي يستاهل صح ولا خطا ؟؟؟؟؟؟؟؟؟؟؟وانت ماقلتلنا اي شي يستاهل فيك انها تموت من قهرها ؟؟؟؟؟؟؟؟ ياخوي ترا المراة عندما تكون زوجه ثانيه تعاني وتعاني وتعاني لا تتوقع انو الموضوع سهل عليها ؟؟؟؟؟ يعدين اخوي تيبي تستر على بنات المسلمين ترا فيه بنات اعمارهم 38-40روح اخطبهم وتعال قولنا وش ردو عليك ؟؟؟؟؟؟؟؟؟؟؟؟ |
والله أنا لو منك وعندك زوجة أميرة هيك راحت تخطب لك بنفسها لأحطها جوات عيوني وأشيل فكرة الزواج نهائيا
أم وليد |
يمكن البنت ماتبغي تبني سعادتها على تعاسة زوجة ..
حتى لو زوجتك اللي رايحة تخطب لك .. لا تقول إنها موافقة وبنفسها راحت تخطب لك .. هي ميتة قهر كيف بتحط عليها وحده ..و ماتبغى الا رضاااك .. ويمكن زوجتك قالت هو كذا ولا كذا راح يتزوج .. تروح هي وتخطب لك وتبين إنها راضية أفضل من إنك تروح تخلي أحد غيرها يخطب لك .. طبعاً هذا كله استنتاجات من عندي .. والضرة مرة وأن يكن .... |
اخي انا ماراح ارد عليك عشان البنات وسبب العنوسه الخ مع انه يمكن الي خطبتها عندها رايها وكل وحده حره هذي رفضت غيرها بتوافق
لكن بقولك شي مهم اتق الله في زوجتك الاولى اتق الله هل تتوقع انها كومه حديد دون مشاعر حتى لو وافقت على زواجك تاخذها تخطب لك ماعرف اش مشاعرها المسكينه كان تكتفي تقول للعروسه الجديده انها زوجتك موافقه وممكن تتصل تسألها مو تاخذها معاك حتى لو وافقت لارضائك اتق الله في مشاعرها مافي اي زوجه على وجها الارض ماتغير حتى زوجات الرسول كانت وهي عائشه رضي الله عنها كانت تغار انتبه اخي الكريم لهذي النقطه ارجوك فعلا ارجوك لاتكون جبروت في تصرفك هذا يكفي انك ستتزوج او بلامكان اهلك يذهبو معك ويقولو انها موافقه واسالوها ان اردتم تحياتي |
اشكر كل من :
د.مشاعل سلامات يا قلبي وجع آخر معاناتي sweet2244 على صراحتهم في الردود وعلى حسن الادب والرقي في التعامل والنقاش ولكن اقول ل: د. مشاعل . شوف بنت اقل من 30 لسه تحس انو عندها فرصه ترتبط بشاب لم يسبق له الزواج .... وانا باكون صريح معاك انو البنت اذا عدة 30 سنه نادراً ما يبحت عنها رجل في سني الان يعني بمختصر العبارة واحد عمره اقل من 33 سنه شوفي انتي كم السن المناسب له وحكمي ضميرك انا ما قلت ابغى وحده عمرها 14 سنه بالعكس هذا هو السن المناسب ليه اللي هوه اقل من 30 سنه والزواج وان اخوك قناعات . خاصه اخوي انك ماذكرت اى صفه في شخصك الكريم تخلي البنت ممكن انها توافق عليك ... كلامك صحيح بس انتي عارفه المنتدى لو قلت مواصفات قالو روح شوف لك وحده في اقسام عروض الزواج وانت قاعد تعرض نفسك وخذ من ذا الكلام ..... انتي معي وفاهمه قصدي طبعاً .. اما بالنسبه للمواصفات فهي انو انا ولله الحمد رجل ملتزم متمسك بديني غير مدخن ولم يسبق لي السفر وانتي فاهمه قصدي يشهد لي بالخير ولله الحمد صادق في تعاملي املك السكن ونا مستقر مادياً عايش حياتي كلها بعيد عن المشاكل ..ناجح في عملي ومتفوق كمااان . ولد قبايل من اصل وفصل اما الامور الشكليه اللي اقصد الطول والوزن والوجه والاشياء هذي فالبنت اللي تحددها بعدين ...اعتقد كلامي صحيح نوعا ما . يعني انت رجل عادي يعني ممكن وهي عمرها 32 -33 تحصل على شخص بـــــ موصفاتك حتى ولو انا رجل عادي زي ما قلتي انا ما اقبل وحده فوق ال30 سنه .. بالنسبه لعمري بدون زعل هه وممكن تقرائين كل الاستبيانات عن الزواج وعن الاعمار المناسبه لكل جنس .. يعني وحد عمرها 33 سنه في وجهة نظري السن المناسب لها للزواج من 37 - 40 سنه ..وجهة نظر . صحيح انا اشوف بنات اعمارهم صغيره 20-25 ويوافقن على ان يكن الزوجه الثانيه .......بس صراحه يكون الرجال الللي ماخذينه شي او البنت تكون ناقصها حاجه موجوده عند هذا الخاطب ..... بالنسبه للرجال يكون شيء اكيد كل رجال يشوف نفسه كل شيء بس هذه وجهة نظر تحترم برضو منك . وبعدين الرسول صلى الله عليه وسلم قال (( اذا جاكم من ترضون دينه وخلقه ......) الحديث .. ما قال الرجال يكون شي ......على كل حال لاتزعل اي بنت فاتها قطار الزواج علشان تنتظر رجال شيءلانه احنا بشر ومستحيل البشر يكون واحد منهم كامل سواء رجل او امراه ..اعتقد تعوافقيني في هذه . يعني انت اخوي الله يجزاك خير ماقلتلنا انك ملتزم دينك قوي اخلاقك حلوه وظيفتك حلوه تقدر تعيش البنت في بيت مستقل تموت في قهرها انها زوجه ثانيه على شي يستاهل صح ولا خطا ؟؟؟؟؟؟؟؟؟؟؟وانت ماقلتلنا اي شي يستاهل فيك انها تموت من قهرها ؟؟؟؟؟؟؟؟ ياخوي ترا المراة عندما تكون زوجه ثانيه تعاني وتعاني وتعاني لا تتوقع انو الموضوع سهل عليها ؟؟؟؟؟ سبق وني قلت لك عن اخلاقي ووظيفتي زينه يعني تقدرين تقولين راتبي الشهري حدود العشرة الاف ريال زين . سبق وان قلت عندي بيت مستقل ... ياخوي ترا المراة عندما تكون زوجه ثانيه تعاني وتعاني وتعاني لا تتوقع انو الموضوع سهل عليها ... انا معاك لكن ايها افضل انها تكون زوجه ثانيه لرجل قريب من عمرها معززه مكرمه فب بيتها ومملكتها وتجيب اطفال وهيه لسه صغيره او العكس او عانس لاسمح الله وبعدين تشوف المتقدمين لها فوق الاربعين .. يعدين اخوي تيبي تستر على بنات المسلمين ترا فيه بنات اعمارهم 38-40روح اخطبهم وتعال قولنا وش ردو عليك ؟؟؟؟؟؟؟؟؟؟؟؟ اعتقد يا د. مشاعل ان العمر مهم وعادة اكثر ما نسمع عن الحريم انها تحب الرجال يكون اكبر منها مو هيه اكبر منه علشان تحس بالامان معه زي مانسمع . بنات اعمارهم 38-40 ممكن من 45 ال 55 تحصل رجال!!!!!؟؟. واشكرك مره اخرى د. مشاعل على الرقي وحسن الادب في التعامل ...مشكوررره ما قصرتي ويعطيك العافيه . الاخت سلامات يا قلبي ... وجهة نظر تحترم واشكرك جداً على مشاعرك النبيله وحسك المرهف . وجع اخر معاناتي طبعاً هذا هو رايها وهي اللي اقترحت الفكره بانها هيه اللي تخطب وبعدين ترى ماهي اول مرره وحده تخطب لزوجها على اية حال كلامك صحيح بس هيه راضيه وانا والله ما اجبرتها على شي وممكن تتم الامور بدون تدخلها لكن تبقى هيه زوجتي ولها الرغبه فب انه يتم الموضوع عن طريقها ... sweet2244 لكن بقولك شي مهم اتق الله في زوجتك الاولى اتق الله هل تتوقع انها كومه حديد دون مشاعر حتى لو وافقت على زواجك تاخذها تخطب لك ماعرف اش مشاعرها المسكينه كان تكتفي تقول للعروسه الجديده انها زوجتك موافقه وممكن تتصل تسألها مو تاخذها معاك حتى لو وافقت لارضائك اتق الله في مشاعرها مافي اي زوجه على وجها الارض ماتغير حتى زوجات الرسول كانت وهي عائشه رضي الله عنها كانت تغار انتبه اخي الكريم لهذي النقطه ارجوك فعلا ارجوك لاتكون جبروت في تصرفك هذا يكفي انك ستتزوج او بلامكان اهلك يذهبو معك ويقولو انها موافقه واسالوها ان اردتم تحياتي كلامك عين العقل وزياده... اولا انا ما اخذتها لبيت العروس ابداً هيه زوجتي اخذت رقم البنت واتصلت عليها ما حتى رحنا لهم اساساً وجاء الرد من البنت بالرفض بدون نروح او نجرح مشاعر زي ماقلت . وبعدين ترى هذه زوجتي وام عياللي بعد ..يعني علشان انا باتزوج بانسى فضل الاولى مثلاً حاشا لله ما هذا طبعي ابداً .. |
والله انا اايدك واشد على كلامك اخي
الله يوفقك دنيا واخره بس مو من مره او مرتين تحكم على البنات ان هم السبب اذا صادفت حاله او حالتين ما يعني ان الكل بالشاكله هذي اكيد راح تلاقي بنات يرضون وهم بهذا السن واصغر بعد انا نفس سنك 33 واحس افكارك قريبه من افكاري عشان كذا "سر ونحن من ورائك" :-) |
كل انسانه ولها اعتبارات للشخص اللذى تود الارتبط به فهو زواج رحله عمر
انا عن نفسى ابغ 39 ولا افكر اطلاقا اكون زوجه ثانيه وافضل عليها عنوستى لانى اعرف نفسى لا اقبل بالشريك وحياة مقسمه هذه طبيعتى واعرف واحد سنها21 قبلت ان تكون زوجه ثانيه |
شكر
اخ اخ اخ منكم انتو يالرياييل:(
ياريت لو بس يحطوا منع لتععدد الزواج بدون سبب كان ارتحنااااااااااااااااااااااااااااا اموووووووووووووووووووت قهر ولا احد يشااركني بشريك حياااتي |
اخ King
انا مطلقة 34 لكن مستحيل اقبل اكون زوجة ثانية لاسباب كثيرة أهمها اني مااقبل بنصف رجل :25: يعني لازم اكون المرأة الوحيدة في حياة زوجي ووقته لي انا وبس :18: هذا رأيي بس أكيد في غيري تقبل تكون مو بس ثانية اللا ماعندها مانع اتكون ثالثة او رابعة ! بس مجتمعنا للاسف يتوقع من الارملة او المطلقة او العانس ان تقبل باي وضع وهذا اكبر خطأ . |
| الساعة الآن 01:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©