|
ادعولي تنجح الخطة ياااااااارب
السلام عليكم ورحمة الله و بركاته ،،،
الساعة 3الفجر شو مصحيني ومقومني من جمب زوجي؟؟؟ اقلكو قبل النوم حدث خناقة سوء تفاهم دلع مابعرف بالزبط المهم تطور لان صار زوجي مولع نااااااااااااااااار بمعنى الكلمة لدرجة حاولت احضنه واهديه واسترضيه ابدا ابدا ابدا كان مولع نار نار نار وانا بغبائي بدل مااتركو يهدى كنت بدي بالعافية يرضى مابحب حياتي ينام وهوة زعلان مني لانو بستاهلش ازعلو المهم بعد ما شعرت انو مافيه فائدة تركتو ينام وساعة ونص وانا ابكي لاني زعلتو زعل قوي جداااا والصراحة انا غلطانة من ساسي لراسي ولو تعرفو شو عملت لتيجو لزوجي تطلبو منو انو مايسامحني وانو لو اي زوج مكانو كان خنقني وموتني بين ايديه المهم فكرت كيف اصالحو مابحب يزعل مني والله بموت كتبت بقلم الروج اول شي عمراية الحمام الله يعزكو (ارجوك سامحني ماكان قصدي ابدا انا بحبك بموت عليك plz 4give me) وع مراية التسريحة كلام متل هيك وكتبت ورق كتير كلو كلام حب ورضا ورجاء واسترضاء ولزقتو بالاماكن التالية ::::::::: باب التلاجةمن برة(لانو الصبح حيفتحها ) وباب التلاجة من جوة وباب الشقة وباب الحمام من جوة وعند الدوش وحطيت في كل فردة من حذاؤو الله يعزكو ورقة وفي الشنطة الي بياخدها للشغل وفي المطبخ على الخزانة الي بيفتحها الصبح ويااااااااااااارب يرضى يارب ياارب ادعولي الله يخليكو صراحة خجلانة من حالي اصحا الصبح واخليه يشوف وجهي بفكر اضل في السرير عشان خايفة خايفة يضل زعلان زوجي ما شاء الله عليه طيب كتير وحنون وصبور علية كتير وعملة متل هاي لو شاب تاني كان كف او ضربة محترمة انا نفسي خفت وبعدت خوفا منو لانو عملتي فظيعة بس ما شاء الله اكتفى بالصراخ ما شاء الله لا قوة إلا بالله تبارك الله المهم ما تزيدوها علية باللوم فقط ادعولي ولي معكم عودة غدا في اقرب وقت إن شاء الله اقصد اليوم لانو الان الفجر يعني افكر اني ماانام وانتظر الصلاة ادعولي ارجوكو وياريت اي حد يفوت الموضوع مايطلع من غير رد يعني قولو لي فكركو يرضى بهالطريقة؟؟؟ |
حبيبتي ملك شادي اعتقد حسب الغلط الي غلطيها
يعني كيف كبيره المهم ان شاء الله يرضى بهالحركه الي عملتيها لانها حلوه مره ماشاء الله عليكي وطمنينا اذا رضي او لاء؟ في رعايه الله |
هية صراحة
قوية بس حركة طلعت غصب عني يعني من انفعالي وغضبي وتعصيبي الله يقطع الشيطان امين يارب يبعدو عني المرة الجاي |
هلا والله فيك ملك شادي
ليييييييييييييش كذا زعلتيني منك أختي والله مابزيد همك مفروض تحاولين تتحكمي بأعصابك شوي المهم بإذن الله يرضى عليك وينسى اللي فات وطمنينا عليك ولاتنسين تتاكدين انه مايطلع إلا وهو راضي عليك تحياتي لك ويسر الله أمرك دعواتك ياغاليه |
ايييييه يااميرة اعصابي؟
الله يخزي الشيطان قولي امين انا من لما سافر صرت فظيعة وعصبية وخلقي ضيق جدا والان للاسف بقيت هيك مع انو صرنا سوا لكن تأثير سفرتو علية لسة ضايل هالاشي مدايقني كتير والله ادعيلي الله يهدي نفسيتي وشكرا الك كتير ويارب نسمع منك احلى خبر |
هلا حبيبتي اكيد بيرضى عليك
واللي سويتيه كتير حلو ودام بتحبو بعض اكيد ماتقدروا تزعلوا من بعض صح والا انا غلطانه |
أختي ملك شادي ، الله يصلحكم لبعض . أنا أرى والرأي لكم بأن تخففي الأوراق ، لأني أنا لو كنت مكانه راح أبدأ أفكر أسامح بعد ورقتين وعند الخامسة مثلاً اسامحه ، أما بعد سابع ورقة يمكن أبدأ ازعل ، وخاصة إذا ذهبت العمل ووجدت في شنطتي ورقة من زوجتي من غير علمي ، لأنه يمكن أطلب من أحد الموظفين احضار ورقة من شنطتي ، فيقوم الموظف برؤية هذه الورقة . أختي تذكري ثم تذكري كم تعبتي لكي تحصلي عليه ، لاتفرطي فيه بسهولة ، وكل شئ يزيد عن حده ينقلب لضده . |
بعد كل هادا أن شاء الله حيسامحك والله زوجي لما يزعل علي كمان بيطول شوي مع أني بعد 5 دقايق بس بصالحو بس بيقول مو على كيفك إذا أنتي بترضي بسرعة أنتي حرة بس أنا هيك والحمدلله على كل حال
|
لا تخافي حبيبتي إن شاء الله راح يرضى عليكي ويسااامحك
|
الله يوفقك ويجعله يسامحك
|
| الساعة الآن 12:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©