|
20سنه ... وصغيرة على الزواج أشك
السلام عليكم
هذي أول مشاركة لي في المنتدى هذا وأنا سجلت فيه علشان أسألكم رأيكم في مشكلة أواجهها أمي... أدري إنها تحبني مرررة وتخاف عليا وتبغا مصلحتي ... لكن في شيء يزعلني منها وهي انها دايما تعاملني كطفلة في كل شي تقريبا ...وأنا عادي مااعترضت ممشية حالي ومبسوطة:15: لكن مرة قاعدة تكلمني تقولي انا ابغاكي تجيبي الماجستر والدكتوراة..قلتلها لأ أنا يدوبك اخلص البكالويس بعد سنتين وخلااص...طلت لي بنظرة مافهمت معناها.. يمكن استنكار او تأنيب والله ماادري . وقالت لي:أيش ناوية تسوين يعني بعد البكالوريس(في نفسي قلت)زي كل البنات اتزوج... لكني سكت بعد هذي الحادثة انتبهت أكثر لتلميحات أمي وكأنها ماتبغاني أتزوج مثلا تقول انا بعد سنتين اتقاعد ونقعد سوا انا وانتي في البيت (ليه ياأمي تفاولي عليا) مرة تتكلم مع جدتي تقولها ريناد انخطبت (مو أنا وحدة تانية نفس اسمي) قالت جدتي وايش رديتوا؟... قالتلها لااااااااااااااااا مو بنتي دي وحدة تانية بنتي لسة صغيرة (مع العلم انو هديك البنت اصغر مني ب3 سنين)... مرة امي تبغا تخطب لأخويا بنت عمرها 17 سنة قلتلها صغيرة...قالت لي لأ وأعطتني محاضرة كيف انه الحرمة تكبر بسرعة وتتعب من الحمل ..وأحسن تتزوج بدري وتخلف في أول شبابها حتى اخويا قبل مااروح زواج ولا شي يقول شكلك حتنخطبي اليوم... أمي على طول تهاوشوا لأ بنتي لسه صغيرة وغيرها مواقف كثيرررررر طيب أنا أبغا أفهم شي مادام وجهة نظر أمي مو معارضة لزواج الصغيرات ليش أنا لأ...مع العلم مو ناقصني شي حلوة ومؤدبة وجامعية وأهلي يمدحون فيا وفي أخلاقي.. أنا اللي أعرفه ان كل الامهات يتمنوا يفرحوا ببناتهم ..ايش معنى أمي ؟؟ :14: والله انه فكرت أني مااراح اتزوج اترسخت في بالي...أحيانا أبكي لمجرد أني أتخيل نفسي عايشة وحيدة وكل اخواني يتزوجوا وبروحوا .. وهنا المشكلة ... حتى صحباتي لاحظوا أني دايما اتكلم عن خوفي من العنوسة... واني مرعوبة من فكرة أعيش لحالي ولا فبيت واحد من اخواني ومرتوا تبهدلني وووو هل ان مش طبيعية ... ولا أمي خايفة عليا زيادة على اللزوم...واذا في شي لازم اسويه قولولي ملاحظة : انا عمري 20 سنة وأنا البنت الوحيدة وسط أخواني |
مساء الخير ريناداا .. نعم في شي لازم تسويه ،،، لازم تكلمي أمك ،،، تناقشيها في الموضوع ،،، إسئليها عن وجهة نظرها إفتحي الموضوع بفكرة ما ،، وعبري لها عن شعورك . أمي وأبي كانو مثل أمك كل خطبة يقولو بنتنا صغيرة وولدكم صغير ،، ومو بس هم كنت أسمع رد فعل جدي وجدتي لما تبلغهم أمي عن فلان أو فلان يقولو " لا أحد يفتح موضوع مثل هذا معها لا تشغلو البنت عن دراستها " ولما كبرت زاد الأمر كل من يخطب نفتح له الباب وأصبح أبي يضيق الباب وأمي بدأت تخاف وأصبحت تدفع أبي أكثر أن يسئل عن الخاطب قبل الرفض والنتيجة أبي اليوم أغلق الباب ولما يمر خاطب على حياتي أمي تقول لي ولأبي الموضوع كخبر وإذا كنت شجاعة لحظتها أو أعجبت بصفاته إقترحت على أبي أن يسئل عن الخاطب. وأنا في سنك لم أكن قلقة على تأخر زواجي ,, كنت أثق أن كل رفض من أهلي هو القرار الأصح لذا أرى نفسي سعيدة ،، إن لم يكن قرار أمك يسعدك الآن فلا أتوقع أن يسعدك غدا لو تأخر زواجك لا قدر الله لذا مرة أخرى أنصحك التعبير عن رأيك . ملاحظة: أنا عمري 29 سنة وأنا البنت الوحيدة وسط أخواني . |
لازم تحكي لامك انك موصغيرة وانو هدا العمر المناسب للزواج واحكي لها عن مخاوفك
اما عن نفسي انخطبت وعقدت وعمري 18 تزوجت بعد سنتين وعمري الحين 20 لازم تقنعيها انك مو صغيرة .......... |
السلام عليكم ورحمة الله وبركاته
أهلا بكِ غاليتي ريناد بيننا ألتمسي العذر لوالدتكِ فأنتي بأنتها الوحيدة وتخاف من فقدكِ أو أنها لا ترغب في أن تفكري بهذه الأمور غاليتي كما قالت غالتي تانيا صارحي والدتكِ وأبدي لها رأيكِ أو كلميها بطريقة غير مباشرة كأن تقولي لها كيف سيكون موقفكِ في يوم عرسي وسأسمي أبنتي على اسمكِ وراح نزوركم كل يوم لأني ما استغن عنك يعني من هذا الكلام وشوفي موقفها وحاولي تناقشيها ثم لاتنسي الدعااااء وثقي بأنه عندما يأتي النصيب سيكون مهما كان موقف والدتكِ وفقكِ ربي لمرضاته ورزقكِ الزوج الصالح بالقريب العاجل |
صراحة أشكر لكم تفاعلكم في موضوعي .... اخواتي(العروسة الصغيرة...تانيا)
أنا أبويا متوفي من وأنا عمري 5 سنين..الله يرحمه... علشان كدا رأي أمي هو الأول والأخير .. وكمان المشكلة في الموضوع أنو تحول لأزمة ليا أنا ... انتوا عارفين اني تقريبا كل خمسة دقايق اروح اشوف المرايا ادور على شي غلط فيا ولا حاجة ... أنا أعرف أمي وموضوع المصارحة صعب .. راح تقولي على طول انتي صغيرة ومش عارفة ايه >> لأني جربت أقنعها في مواضيع تانية وردت عليا بانتي صغيرة(أمي تشوفني صغيرة في كل شي تقريبا مو بس الزواج) أنا ابغا اعرف كيف أقدر ألمح لها طيب ... >>> مع العلم انه انا ماابغا اتزوج دحين لأني أدرس بس تفكير ماما يخوفني ... أشكر لكم تفاعلكم معايا... وسلامتكم |
أهلين اختي العذبة...
أشكر لك مساعدتك ليا... المصارحة مفروغ منها لكن التلميح يمكن.. راح أحاول أطبق اللي قلتيه..وأشوف النتيجة... |
أنا مريت بنفس ظروفك
أيام ماكنت ادرس كنت صغيره على الزواج وألحين عمري 24 سنه ومازلت صغيره بنظر أبوي الله يعينا أختي انا اصبحت افكر ان الدنيا فانيه و مابقى من العمر كثر ألي راااااح |
أختي الفاضلة
انتِ لست صغيره , وهذا العمر هو مناسب للزواج يؤسفني ان اقول لكِ إن الاسلوب التربوي الذي تمشي عليه امكِ غير صحيح 1 : وهذا الاسلوب في التربيه وإستصغار شأنك يسبب فقدان الثقه بالنفس ويجعلك في حيره شديده 2 : ترين في الواقع من هن في سنكِ يتزوجن وأمكِ توهمكِ أنكِ صغيره , وهذا يؤدي الى الاختلال في الفكر 3 : إان إنفرادها بقرار يخصك هو نوع التسلط والنرجسية التي تعاني منها أمكِ أفتحي الموضوع الى خالك أو عمك أو من له تأثير عليها حتى تكف عن هذا الاسلوب الذي يودي بك لكارثه |
ياقلبي المسأله ومافيها ان امك متعلقه فيك مررره وماتبي تحس انه ممكن
بيوم من الايام يجي واحد ياخذك منها لكن ثقي ان النصيب لو جا خلاص بترضى وتقتنع ليش تبكين من الحين وتحاتين؟؟ استمتعي بكل لحظه من عمرك وعيشي حياتك وان جا العريس امك بتنحط قدام الامر الواقع توك صغيره انبسطي ووسعي صدرك |
السلام عليكم
اختي الكريمة اسمحي لي ، بر الوالدين طاعتهما في امورهما الشخصية واحترامهما اما في امورك الشخصية انت تاخذين رايهم لكن ما يقررو حياتك عنك يعني باختصار"مدخلهمش" ارجوك اختي قبل فوات الاوان تداركي الموضوع وافتحي املوضوع مع امك وقوليلها انت تعارضي فكرة زواجي كلها ام للعمر ؟ قوليلها انها هيك بتفوت عليكي القطار واذا اجالك واحد متدين ما ترفضية اختي انا عمري 21 سنه ومخطوبة ولا ارى نفسي صغيرة! الصغيرة التي بعمر 17 ليس انت |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©