محتارة بين خطيبي وامي !!
 

السلام عليكم

انا زواجي يوم الخميس الجاي يعني بعد 8 ايام ..

من 25 يوم من موعد الزواج يعني تقريبا من 3 اسابيع قال لي خطيبي ان بنتزوج وكان باقي على الموعد 25 يوم وانا ما وافقت بس هو اصر علي وبالنهاية وافقت وخلال اسبوعين الحمد وبتوفيق من الله خلصت كل شي من حجوزات ..

قبل اسبوع من السالفة ( اقصد سالفة لما خبرني خطيبي بموعد الزواج) .. سافر ابوه مع ولده اللي هو اخو خطيبي للعلاج لان اخو خطيبي مريض بالقلب .. وكان خطيبي متوقع انهم يرجعون قبل موعد الزواج ..

المشكلة ان خطيبي طلب مني التأجيل بعد هالتعب كله والحجوزات والناس كلها عرفت وجهزت شغلي وما باقي على الزواج غير 8 اايام .. هو في احتمال انه يرجع يوم السبت بس مو اكيد .. بس اذا ما رجع .. كيف أأجل كل شي !!!!!!!!!!! هذا زواج وكل شي رتبته على هاليوم غير الحنة اللي راح يصير قبل ..

ولما رفضت قلت ليلة وتعدي .. واحنا خلصنا من كل شي وجهزنا .. رد علي بكلام رجعت البيت وقمت ابكي بسببه .. قال لي انتي ما تراعين ظروفنا وانا مو مهم عندك وكيف اتزوج واخوي وابوي مو معانا واهله مو موافقين بعد ......


وامي مو موافقه أأجل تقول خلاص الناس كلها عرفت واحنا جهزنا كل شي وفرحانة بالعرس ..

مدري وش اسوي امي مو راضيه أأجل ... وخطيبي يبيني أأجل !!!!!!!!!

احس هالزواج صاير غم مو فرح ..

انصحووني وش اسوي ارجوووكم

20 زيارد والردود صفررر

أختي فرضا عمل الي تبيه
كيف نفسيته وهو بالفرح وأبوه منه معه وأخوه مريض
حتى عيب كان أمك الي تقترح التأجيل وتكبري بعينه
الله يوفقك

اجلي
صح انه صعب لكن علشان زوجك
تخيلي لو العكس
لانه هو مابحس بالفرحه وابوه واخوه مو جنبه
خاصتا انهم مسافرين للعلاج
انتظروهم علشان تصير الفرحه فرحتين
والله مايسوي الا الي فيه الخير
والله يرزقك ويرزقني الدريه الصالحه ويرزق كل محروم يارب

معنى كلامك تبين يتم الزواج من دون ما يحضر ابوه ولا اخوه
يا بنت إتقي الله في زوجك
ولا تكرهو ا شيئ فهو خير لكم

الحمدلله بكرا ابوه واخوه بيرجعون من السفر بأمر من الطبيب اللي امر بترخيصه اليوم ..

شكرا لله شكرا لله شكرا لله

والزواج راح يتم في موعده

دعواتكم لي