منتدى عالم الأسرة والمجتمع - مشكلة أبني ..لايركز ..لايفهم ..دائم البكاء,,مللول ,,عنيد ساعدوني

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

مشكلة أبني ..لايركز ..لايفهم ..دائم البكاء,,مللول ,,عنيد ساعدوني

السلام عليكم ورحمة الله وبركاته
أنا عضوه جديده عندكم وأن شاء الله الآقي حل لمشكلة أبني

أبني الكبير يبلغ من العمر 6 سنوات وشهور
وحاليا بالروضه

مشكلته :( :mad: :29:
أنه لما اجي أذاكر له بعض الحروف أو بعض الآيات يمل بسرعه ويقول
متى نخلص .. طفشت ...خليه يولي ..من هالعبارات
وانا خاطري يكون شاطر ويفهم بسرعه
بس أحس أنه مايهتم لي ولا يبالي
وماأحب أضغط عليه بنفس الوقت
ولا يركز للشي بسرعه
يعني لو سألته عن شي شنو فايدته
قليل مايجاوب
ودايم يضرب أخته الي أصغر منه وعمرها
4 سنوات ودايم أقول له لاتضرب أختك
من دون سبب ولما أقول له راح أعطيها لجيرانا
تعالوا شوفوا شنو يسووي على طوول يصيح ويقول
خلاص ماراح أضربها ومن هالقبيل وبعد فتره يرجع
هل ضرب اخته له علاقة بلعبة السوني ((بلاي ستيشن ))
مع انه الآلعاب عادي بس مره شاف لعبة عنف او مرتين
بس خبيتها عنه

أبي نصيحتكم أخواني اخواتي بخصوص
طفلي كيف أجعله ينتبه أو يركز كثير معي
ويفهم بسرعه
وكيف أجعله مايضرب أخته بأسلوب مقنع

ثانيا
لما حد يضربه او يأخذ منه شي على طول يجيني يبكي
وماياخذ حقه بيده وانا هالشي يقهرني
لاني دائم أردد عليه عباره ترى إذا بكيت راح
يقولون لك الاطفال الصياح
وانت تبي يقولون لك كذا
يقول لا
بس هم يرجع بعد فتره نفس الشي
أخواني اخواتي
أبي نصيحتكم وتجاربكم تجاه اطفالكم

طولتها عليكم
وأي احد يقدر يرد علي بمعلومه أو تجربه ونجح فيها
يذكرها لي
بالي تقدرون تردون عليه

وتحيتي لكم جميعا

أختـــــــــــكم
مملكة انسانه

أخوانــــــــي
و أخواتـــــــــي
ماهو شرط تجاوبون على كل الآستفسارات الي ذكرتها لكم
أي شي ذكروه لي
أو أي حاجه تساعدني شوي ع التغلب على بعض
المشاكل الي تواجهني مع طفلي

انتظــــــــــر ردودكم

كأنك تتكلمين عن ولدي..
مستحيل يركز معي!!
كنت اقول شكله مو فالح بالدراسة..
لكن لاحظت أنه حفظ بعد دخوله الروضة السور القصار الأدعية والأذكار!!
اتوقع يمكن يتقبل من غيري مثل المدرسة..

الله يهدي و يخلي لج مثل ولد خالتي اميننها

اقتباس:

المشاركة الأصلية كتبت بواسطة كل الغلا

اختي
أنا ولدي هالحين بالروضه
وكل يوم يردودون بعض الآحاديث وبعض السور القصيره
بس ولدي مايركز مع المعلمه
حتى هي تقول نفس الشي
مايركز وياهم ولا يردد
مدري ولدي يفهم عليهم
ولا لا ؟؟

والله اني مقهورررررررره
أي حــــــــل :(

اقتباس:

المشاركة الأصلية كتبت بواسطة ام الحسين و عمر

الله يهدي و يخلي لج مثل ولد خالتي اميننها

مشكوره ع المرور
وان شاء الله نلاقي تفاعل من باقي الآعضاء


	اختي الفاضلة / مملكة انسانه تسجيل حضور . . . وان شاء الله اناقش معاك هالمعاناة بعد قليل. اخوك ابو لمى

حياك الله أخوي
وأنا با|لآنتظـــــــار

اختي الفاضلة / مملكة انسانه

هنالك حديث شريف ورد عن رسول الله صلى الله عليه وآله وسلم قال : ( لاعبه سبعا ، وادبه سبعا ، وصاحبه سبعا ، ثم اتركه على الغارب ) او كما قال .

وليكن هذا الحديث مرشدا لكي لاعادة النظر في تقييم ابنك الذي لا يزال في مرحلة اللهو و اللعب و عدم المبالة بحكم عمره اقل من 7 سنوات ، ولذا يمكنك ان تكوني حازمة معه حينما يكون في سن السابعة حتى الرابعة عشر ، ثم مرحلة الصحبة وتتخللها تربية المراهق إلى أن يكون راشدا وفيه يتعلم كيفية التعامل وحسن السيرة والسلوك والأخذ بالرأي و المشورة .

ولذا اختي الكريمة كل الارشادات التي تملينه بها لن تكون جادة بالنسبة له إلى حد ما فعقله يصغر ما تقولينه وهذا هو الدليل :

اقتباس:

ودايم يضرب أخته الي أصغر منه وعمرها
4 سنوات ودايم أقول له لاتضرب أختك
من دون سبب ولما أقول له راح أعطيها لجيرانا
تعالوا شوفوا شنو يسووي على طوول يصيح ويقول
خلاص ماراح أضربها ومن هالقبيل وبعد فتره يرجع
هل ضرب اخته له علاقة بلعبة السوني ((بلاي ستيشن ))
مع انه الآلعاب عادي بس مره شاف لعبة عنف او مرتين
بس خبيتها عنه

ولذا اختي الكريمة كي تحدي من معاناتك توقعي من طفلك الصغير بانه لن يأخذ بما تقولين ، ولكن من الملاحظ ان طفلك يعقل ماتقولين بحجم عقله :

اقتباس:

ويقول
خلاص ماراح أضربها ومن هالقبيل وبعد فتره يرجع
هل ضرب اخته

يسمع لكي الكلمة ثم يأخذه هواه ويخلف من جديد ، وهذا طبيعي جدا ، بل الشيء الذي يدعو لشك و القلق هو عدم الأخذ ما تقولين بتاتا وعدم كف الآذى ، وهو على غير ذلك كما اعرف من خلال ما ذكرتي ، اصبري عليه قليلا فهو يرى دائما الحق على اخته ولذا يضربها ، والمطلوب هو ان تأخذينه دون ان تصرخي في وجهه فتأخذه العزة بالأثم و تزيد الغيرة فيه بأنكي تفضلين طفلتك الصغيرة عليه .

اقتباس:

لما حد يضربه او يأخذ منه شي على طول يجيني يبكي
وماياخذ حقه بيده وانا هالشي يقهرني
لاني دائم أردد عليه عباره ترى إذا بكيت راح
يقولون لك الاطفال الصياح
وانت تبي يقولون لك كذا
يقول لا
بس هم يرجع بعد فتره نفس الشي
أخواني اخواتي
أبي نصيحتكم وتجاربكم تجاه اطفالكم

استمري على هذا المنوال فكما قلت ان ابنكي يعقل ماتقولينه وسيرسخ في ذهنه و اصبري حتى يصل الى السابعة .

تحيتي

اخوك ابو لمى

مشكور اخوي أبو لمى
على هذا التوضيح
الي فتح علي شغلات كانت غايبه
عن عيني
وجزاك الله خير
وجعله في ميزان حسناتك

بس لم أجد حل لمشكلة أبني
وبالآخص انه لازال بالروضه

((أنه لما اجي أذاكر له بعض الحروف أو بعض الآيات يمل بسرعه ويقول
متى نخلص .. طفشت ...خليه يولي ..من هالعبارات
وانا خاطري يكون شاطر ويفهم بسرعه
بس أحس أنه مايهتم لي ولا يبالي
وماأحب أضغط عليه بنفس الوقت
ولا يركز للشي بسرعه
يعني لو سألته عن شي شنو فايدته
قليل مايجاوب ))

ان شاء الله الآقي جواب من باقي الاعضاء

ولاتنسوني من دعواتكم بأني الآقي حل لا أبني

وموفقــــــــــين