|
الزوجات **الأزواج>>>>تعالوا هنا عطوني أفكاركم....
الزوج اللي أسلوبه (خشن) :( طبعا أقصد انه لا يمدح ولا عمره قال كلمه حلوة
وانتي يالزوجه مهتمه بنفسك وبجمالك وبجسمك ولبسك وعطوراتك ومكياجك و و و والخ يعني تقريبا كامله والكامل وجهه سبحانه تعالى ... وانتي لسى متزوجين من سنيتن فقط .. وحاولتي مرارا وتكرارا انك تغيرين من أسلوبه وخشونته معك ولا فيه أي فايده تذكر ... مع العلم يقول .هو يقول(ماعندي أسلوب ):29: وانتي تشوفين انه يمدح بأسلوب رائع طبعا يمدح (أمه)و(خواته)وأهله.. وأنا بدال المدح أحصل التحطيم ليش هذا اللبس كذا وش هاللون وانتي ليش حاطه مكياج مو لازم ليش تحطين عطر... وش الحل معه؟؟؟:rolleyes: .................................................. .................................................. ..................... أنا فكرت وجتني فكره قلت راح أشتري ملابس سيئه وبشعه وأنسى شي اسمه عطورات ومكياج وبأهمل نفسي وأترك شعري حوسه !!! يمكن يحس بالفرق ويتحرك شوي ... والا وش رايكم يا زوجات عطوني أفكاركم وانتم يا أزواج اللي مثل حاله هالزوج ليش ماتعاملون زوجاتكم بنعومه ودلع ومدح وغزل وش السبب اللي يمنعكم من هالشيء؟؟؟ الزوجات اللي مثل حاله هالزوجه وش سويتوا بحياتكم كيف قدرتوا تتأقلمون على كذا ؟؟؟ |
الله يهديك يا ريم
بالله بتقدرين؟ نفسيا يعني؟ حتقدرين؟ هي فكره والله مو بطاله ولكن انتي خليكي مثل ما انتي وهو مع الوقت بيصير مثلك يحب الزين اذا صرتي مثل ما هو يقول شينه ومعفوسه كيف بالله رح تطورينه مثل ما انتي تبغين؟ لا حبيبتي ....اذا مره ثانيه صاح فيك وقال مو حلو وماله داعي ....قولي اذا مو عشانك عشاني ... مو قتدره اركز الحين ولكن لي عوده يا سكره |
شوفي اختي الكريمه ........افضل حل مع زوجك ....انك تطنشيه ..وخليك عاديه ..
وبلنسبه للمكياج .......انا دايما اقول لزوجتي لاتحطي مكياج ...لانها جميله بدون مكياج ...والمكياج يعفسها علي قولك .........يمكن زوجك يشوفك احلي بدون مكياج ........فلا تفهميه غلط .........والجمال الطبيعي مافي احلي منه...........وبراي ماتحط المكياج الا وحده تبي تغطي عيوب او حاسه بنقص بجمالها دعاية للعوده الي الطبيعة ........................الله ييسر امرك ويهدي زوجك . |
أختي أولا حتى تحل المشكلة معك اقنعي نفسك أن هذا طبع في زوجك ولابد لك من الصبر حتى تستطيعي تغيره ولاتقارني كلامه مع أمه واخواته معك فكثير من الرجل يرون أن مدحهم لزوجاتهم قد يجرح رجولته ومازلتم في بداية حياتكم أنصحك بأن تجلسي معه جلسة هادئة ومصارحة اتفقا على ان تنزلا إلى السوق سوية حتى يريك مايحب من اللبس والألوان اشتري ملابسك معه وعلى ذوقه وحتى المكياج خليه يصارحك باللي يحبه ممكن يكون مكياجك صارخ أو ثقيل وهو يحب الناعم وممكن يكون العكس يعني أختي خليه بجلسة هادية يقول لك كل اللي في نفسه من ناحية اللبس والذوق أما بالنسبة للمدح والكلام الجميل خليكي مبادرة بالكلمة الحلوة والمدح وبعد فترة طالبيه انتي بالكلمة الحلوة بشكل غير مباشر يعني بذكائك خليه يقول كلام حلو سحبيه بالكلام وخليه يطلع الكلام الحلو اللي في داخله وكبداية دعي لكلمته هذا أن تظهر آثارها عليك فرح شديد مثلا قولي له تعرف أمس ماقدرت أنام من كلمتك صدقيني شوي شوي رح يتشجع وبتغير أسلوبه أما إذا عملت كل الطرق ومافي نتيجة ماعليكي سوى الدعاء أولا وثانيا إياك وأن تهملي نفسك أو تتوقفي عن مدحه وأن تقولي له كلام جميل فلتبقي مثل ماانتي مهما كانت النتيجة ولتصبري ولتكثري من الدعاء لأن الحياة الزوجية لاتقوم على العناد بل بالتفاهم والتضيحة والتضحية تكون من الطرف الاكثر مرونة بين الشريكين وهنا أراك أنتي الطرف المرن أتمنى أكون أفدتك دمتي بحفظ الرحمن تحياتي |
مشكورة اختي مشكلتي اصدق
تبين الصراحه اليوم سويت نفسي مبهذله ولابسه ملابس سيئه جدا بس ما اقتنعت غيرت لبسي على طول خبير الاخشاب هو مو قصه مايحبني بمكياج هو أصلا يقول لا تحطين مكياج بعدين يخلص وتقولين لي اشتر لي غيره!! بعدين انا ما أحط ميكاج ثقيل خفيف جدا أمه البديع انا قلت يمكن العناد بينفع مع حالته المستحيل أحصل معاه حل !! وياما وياما أخذته معاي للسوق وقلت له أبي منك انت تختار لي لبس يقول ((انا ما أفهم في شغل الحريم)) للعلم انه وانا بنفس السوق يطالع بالملابس ويعطي آراءه يقول هاللون يناسب بنت لونها حنطي هاللموديل يناسب بنت مليانه هالبنطلون يناسب وحده نحيفه وطويله هالعبايه تنفع لوحده عمرها 28 سنه شوفي عبايه هذيك البنت موديلها جنان ( للعلم عبايتي أحلى منها وعبايتها سيئه وبشعه)بس هو كذا دايم يحب أشياء الناس ويمدح اغراضهم ولبسهم وانا ولاشي وهو كذاب لو انه مايعرف يختار والا مايعرف الزين كان ما جلس يتفلسف ويطلع آراءه عن السوق والملابس وتعجبه عبايه فلانه ولبس علانه .... |
(شوفي عبايه هذيك البنت موديلها جنان ( للعلم عبايتي أحلى منها وعبايتها سيئه وبشعه)بس هو
كذا دايم يحب أشياء الناس ويمدح اغراضهم ولبسهم) ياغالية أحببت فقط أن أنبه،العباية وضعت للتستر والحشمة وليس للزينة،فحري بنا أن نستشعر هذه الغاية منها وإلا فما الفائدة من العباية إذاكان فيها موديل أو مزكرشة. أسأل الله لك التوفيق في حياتك الزوجية |
تبين الجد ...
يقال ( فاقد الشئ لا يعطيه ) !!! زوجك على حسب كلامك يجيد الكلام المعسول مع "غيرك" لكن معك يختلف الأمر !!! زوجك على حسب كلامك عنده ذوق باختيار الملابس لكن "لكِ" يتظاهر بعدم المعرفة !! هذا يعني بأنه يمتلك اللطافة بالكلام، والذوق في الإختيار ( في ما يخص الملابس ) برايي هو إنسان لا ينقصه الأسلوب بالكلام أو غير ذلك مما ذكرتي !! هو ينقصه شئ منك !! هو ينقصه إنسانه تستطيع أن تلفت له إنتباهه !! هو ينقصه إنسانه متجدده !! إنسانه لا تملّ من محاولة ( إرضاء ) زوجها طول العمر !! أنتي "وحدك" أعلم منّا بنفسك وزوجك !! قد يكون ينقصه "الحب" أنا أقوووول ( قد ) !! نصيحة ... دعيه يراك بقلبه لا بعينه |
| الساعة الآن 09:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©