|
الدراسه بالخارج و الزواج
السلام عليكم
ابي اقلكم مشكلتي من غير مقدمات, بما انها اول مشاركة لي هنا اتمنى من الجميع الافادة انا ادرس خارج السعودية, بالتحديد بالولايات المتحدة, وزي ماتعرفون الحرام هناك اسهل منه مافيه ابي احفظ نفسي وبنفس الوقت, ماابي هالشي يؤثر على دراستي ياليت اللي عنده خبرة او يعرف احد بنفس الوضع يقولي. وش رايكم, |
بما ان خروجك لهذي البلاد والتي تكثر فيها الرذيلة والعياذ بالله فالواجب عليك ان تخرج اليها وانت محصن نفسك من الزلات( بالزواج الشرعي ) .
وان كنت لا تستطيع الزواج لظروف ما فعليك بالصوم وان لم تستطع فعد الى بلدك واحمي شرفك ودينك فهما اغلى ما تملك اسعدك الله وحفظك من كل شر وزله . |
ارجع للسعوديه واتزوج وخذها معاك للولايات المتحده
وان شاء الله بتستاااااااااانس وبتدرس في وقت واحد :) الله يوفقك |
اقتباس:
نفس الراي |
السلام عليكم ورحمة الله وبركاته
الله يساعدك يا خوي .. ويرزقك بالزوجة الصالحه ... أؤيد كلام الاخوة وبقوة ارجع للسعوديةوتزوج وخذ زوجتك وارجع كمل دراستك . انا الحين صار لي متزوجة سنتين .. وانا وزوجي في كندا .. صار لنا سنتين .. ولله الحمد .. والحمدلله الزواج مش مأثر على دراسته لانه طبيعي انه زوحنك بتقدر انك جاي للدراسه .. مش للوناسه .. اكيد ان شاءا لله وقت الاجازات تقدرون تستانسون بس طبعا حياتكم ما بتكون مثل لما تكونون ف السعودية وسط اهلكم .. تبي الصج الا احلى ... وصدقني اخوي مافي احلى من الغربة للمتزوجين حديثاً .. يبنون حياتهم مع بعض .. وكل واحد يؤثر على ال2 بدون تدخل الاهل والاصدقاء .. يعني تفهمون بعض عدل بس تدخل حد .. اضافة الى انه في الغربة يزيد حبكم لبعض .. لانه مالكم الا بعض .. يعني اذا صار بينكم خلاف ف الغربة صدقيني مايزيد عن ساعات .. لكن اذا ف السعودية ووسط الاهل والربع الواحد يلهى ويطول الخلاف .. ان شاء الله اكون قدرت اوصل لك المعلومة .. وماشاء الله امريكا مليانه سعوديين تبارك الله فممكن تشغل وقتها مع الاخوات اللي موجودات مع ازواجهم اذا ماراح تدرس ... واذا راح تدرس احسن واحسن .. والله ييسر لك الخير وين ماكان ولا تنسى الاستخاره .. |
هل تعلم بأن الشباب المتزوجين تحصيلهم الدراسي أعلى بكثير من العزاب وهذه معلومة مؤكدة
وأعرف الكثير من الشباب والكبار ممن أخذو معهم زوجاتهم على شرط أن تحسن الإختيار وتكون مستعدا للزواج وللمعلومية إذا كنت مبتعثا من وزارة التعليم العالي فسوف يصرفون راتب شهري لزوجتك وإذا جاءك طفل فأيضا يصرفون له مبلغ نصيحة ياأخي تزوج فالفتن والمغريات كثيرة تزوج قبل أن تقع في في الرذيلة أسأل الله أن يحميك ويدفع عنك الفتن والمغريات |
السلام عليكم
اخي الفاضل\ حفظك المولى ورعاك ابعدك عن الحرام في الحقيقه اول ماشفت الموضوع اعتقد انك ولد اختي حتى تأكدت من الاسم :) اليوم ولد اختي فتح معانا الموضوع وقال خلاص زوجوني انا ماني قادر اتحمل الحرام عيني عينك والملل قاتلني الشباب اللي حولي كلهم سُكر وبنات وانا ماصرت اطلع معاهم وانقطعت عنهم وطلب مننا الزواج وقال انا شهر بالكثير اوصل لكم ابغا اقلها تتم الخطوبه احس اني مرتبط وبعدها بكم شهر اتزوج. اخي الفاضل \انصحك بالعفاف ،،، اطلب من اهلك البحث عن الزوجه الصالحه وكثير كثير تزوجوا وذهبوا للدراسه في الخارج والبعض قبل سفره يشرط على اهله الزواج قبل الدراسه توكل على الله وابحث جيدا عن الزوجه المناسبه الصالحه وصلي واستخير كل يوم وتوكل على الله واسأل الله ان يرزقك الزوجه الصالحه الباره اللي تسعدك وتصونك عن الحرام وربي يعسدك ويفرج همك وينولك مرادك الله يكفيك شر شياطين الجن والانس انت وكل مسلم |
الله يوفقك
بس اتمنى انك تتزوج وتاخذ زوجتك معك اهم شى تصووون نفسك ترا الدنيا ماتسوى نضيع اخرتنا عشانها الله يوفقك ويستر عليك |
مشكورين جميعا على ردودكم اللي صراحة افادتني كثيرا
وشكرا خاص الى حاملة الهم والاخ مازن محمد وجزاكم الله خيرا |
| الساعة الآن 12:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©