|
شتمني ياناس
اااااه يااااللله
صدق اصعب شي في الكون انك تكون برييييييئ وفجاه تنكشف لك الدنيا على حقيقتها كانه غريب كانه واحد في الشارع ماعرفه ولاعمري شفته هذا اللي حبيته من كل قلبي واتفاخر فيه بين الناس هذا هو اللي يحسدوني البنات عليه وليتهم شافوه وهو يقولها لي .................................................انصدمت قعد يهزئ ويشتم بعدها وانا ماسمع كنت اطالعه وانا خرساء بس كان يهاوش وانا يمر بذاكرتي شريط حياتي معه الى هذا اليوم وشلون كانت كلماته حلوه قعدت افكر شلون وصلت لهذا المستوى الرديئ من الكلام تحملتك يازوجي العزيز حملت كل تصرفاتك وطبايعك الغريبه علي وقلت اللي يحب يتحمل اسمعك وانت تستهتر فيني عند اهلك واقول يمكن يحب يبين رجولته وتحملت اهمالك لي وقلت شغله ولازم يداريه وعنده اخوان ولازم يشوف مصالحهم وفضلتهم على نفسي مع اني اقدر اسوي زي كثير من الحريم واقول مالي شغل فيهم وكان ممكن اقول ابغى بيت لوحدي مملكتي وهو قادر وميسور الحال واخرتها اكتشف خيانته واعديها لاني ام وماقدر افكر بسعادتي بس وش ذنب ابني وتتوالى الصدمات الى هذا الوقت اللي سمعته يشتمني تقبلتها بكل برود وكان يهدد بان يضربني كنت زي اللي عطاها احد كف على غفله انا ماتكلمت ولا كلمه استنيت لما راح ينام وفعدت اتحسر على طفولتي اللي راحت ياليتني قلت لا ياليتني قلت لاااااااااااااااااااااااااااااااا حرام عليهم هم اللي رموني طفله عمرها 16 سنه تعبت من المسؤليه تعبت من الهم كرهت دنيتي حرااااام هذا كله بيت واطفال وزوج وتحملت وخيانه وتحملت وقلت مافي احد يغلط افلام حقيره وشفتها وتحسرت على شبابي وانوثتي اللي ضايعه وتحملت وبلعت وبلعت وبلعت بس توصل انه يشتم امي وابوي والله تمنيت الموت ولا اسمعها ومن مين من ميييين من مين من الغالي من الحبيب من شريك حياتي وابو ولدي انا من يومين قريت موضوع لواحد يقول الحقوني شتمت زوجتي ووش قاللها ياحيوانه ااااه واستغربت وقلت معقول فيه رجال كذا ومامر يوم الا وصار لي نفس الموقف وياااااليه قال حيوانه والا حقيره وللا اي شي اهون من انه يسب والديني يلعن امي اللي عطته 16 سنه من عمرها بكل ثقه واب ظن انه ستر على بنته قبل لايموت ربي يحفظه لي استغفر الله العظيم اليوم ناويه اسويله الاكل واحطه له ولا اكلمه انتم وش رايكم شورو علي تراني متضااااااااااااااااايقه |
اتمنى من المشرفين انهم مايعدلون في الشتيمه لانها ستوضح المشكله
اترجاكم رجاء حار بانكم ماتحذفونها |
الله يصبرك ويأجرك
مأجورة بإذن الله إن شئت عفوت عنه وهذا الأفضل والله يحب المحسنين وإن شئت إبقيتيها إلى أن يقتص الله لك يوم القيامة ولكن أنصحك بعدم التهور فقد صبرت على الكثير وعلى أشياء أكبر من هذه فأكملي صبرك والله يرى ويسمع كلامكما وحسابه عند الله |
كان الله بعونك ......
الله يهديه ويصلحه ان شاء الله اكيد زوجك غلطان لكن لا تعامليه انتي بالغلط يعني لا تسبيه ولا تردي عليه بنفس الرد .. (اكيد يمر بظروف انتي ما تدري عنها ) لا بد ان تتحملي وصدقيني هو الان نادم وراح يعتذرلك ان شاء الله |
السلام عليكم ...
صراحة وقفت وقفة البلهاااااااء قدام المسبة الشنيعة ..... انا فهمت من كلامك ان هذه هي طريقة تعامله معاك(وان شاء الله ما اكون فهمت غلط) .. اختي الكريمة موقفك صعب ومش اي احد يقدر يصير و(يبلع) بسهولة .. هل صدر منك تصرف او موقف اغضبه وقال اللي قاله؟؟! او هو طبعه كذا بس مو اول مرة تكون مسبة قوية ومركزة؟ انا ماني عارفة كيف طبيعة موقف الشتيمة ... لكن من كلامك(الحبيب الغالي وابو ولدك)..يبين انه والله اعلم في شي أغضبه ... جربي تحطي الاكل قبل لا يجي وتروحي غرفتك وتتعاملي بعكس طبيعتك معاه... وشوفي ايش يصير .. (ترى احس بديت أخربط كلام من طول جلستي على النت اليوم من بعد ما صليت العصر وانا جالسة) وطمنيني عنك لي عودة .. أم حمزة |
طولي بالك اختي ...........يمكن في حالة غضب ...
والرجل اذا غضب يفقد وعيه..........فلذلك اختي كان يجب عليك الابتعاد عنه 100 قدم موفقه .................ان شاء الله |
شتمه قبيحه
ما كان يصح ان يقولها من اصله وكمان لزوجته واسفاه على الرجال والرجوله اختاه انصح بالصبر ومن كلامك هذه اول مره قد لا تعرفين ما هو عليه من ضغوط كونى ذو صدر رحب واعتقد انه سوف يأتى اليك تترجاك ان تقبلى اعتذاره ومن ناحيه اخرى حاولى ان تعرفى ما غير احواله ان شاء الله خير |
الله يعينك
اختي إذا كان من النوع المتفهم صارحيه فهميه انه غلط وياليت تكتبيله رساله بكل إلي في خاطرك مع الدعاء له وتحطينها له في جيبه ( بشرط انك ماتكوني سويتي شيء مزعله ) ولا مو معقول يسبك بدون سبب !!! احمدي ربك انه ما ضربك كان تصير مصيبة اكبر ... لكن تداركي الموضوع ترى في امل طمنينا عنك وتمنياتي لك بالتوفيق |
الله يعينك يا أختي ..
الحقيقة لا أعلم ما أقول .. لكن يبدوا أن زوجك عصبي جداً حاله حال الكثير من الأزواج .. الله يرزقك على قد نيتك .. ويعوضك خير .. |
أعانك الله أختي ،،
لن يحس بمشكلتك إلا من مر بظروف مشابهه ،، فأنا عندما هددني طليقي بالضرب وطردني من بيته وكأنما أحدا صفعني ليخرجني من الوهم الذي سميته السعاده في وقت من الاوقات ،، أختي لن أقول لك اتركي البيت فأنتي عاقله ويبين من كلامك بأنك لست من هؤلاء النساء اللاتي يتخلين عن أزواجهن بسهوله ،، فكري في ابنك فأنتي لديك ابن يربطك بزوجك ،، فكري بهدوء ،، ولا تفتحي من زوجك الموضوع وتعاتبيه ،، دعيه يحس بفراقك ،، خذي يومين اجازه أو اسبوع اجازه لدى اهلك ،، بحجة انك تريدي أن ترتاحي قليلا من المتاعب المنزلية ،، أو لمرض (بعيد الشر عنك) ،، ولكن تحججي بأي شيء ،، دعيه يحس بفراقك في المنزل ،، اصبري اختي واحتسبي الاجر من الله وصلي ركعتين وادعي رب العالمين يهدي لك زوجك ،، |
| الساعة الآن 09:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©