قرار مصيري في حياتي .. الرجاء من الجميع المشاركة ..
 

السلام عليكم ورحمة الله وبركاته ..

حبايبي اعضاء منتدى عالم الحياة الزوجية السلام عليكم ..
راح ادخل في الموضوع على طول لاجل ما أثقل عليكم

1-خلصت الثانوية العامة تيرم في المانيا وتيرم في السعودية لكثرة التنقل ما اقدرت اجيب معدل عالي ..
2-أجبرت على تخصص مع التهديد والوعيد من الوالد انه لا هوا ابوي ولا انا ولده إذا مادرست اللي على مزاجه ..
3- دخلت التخصص ومن ورا لورا جابلي بعثة من الحكومة بالواسطة لانه ماشاء الله انسان واصل ويقول على لسانه انه هذا اكبر خطأ سواه . انه جابلي بعثة
4- أجبرني على الزواج قبل ما تجيني البعثة من وحدة أجنبية ( رومانية مسيحية ) ولا انه بينهي مستقبلي في التعليم وأرجع السعودية
5- اتزوجت من هنا .. وجاتني البعثة من هنا في تخصص انا ما ابغاه وعندنا يا ما اصعب إجرائات تحويل البعثة من تخصص لاخر اذا ماكان عنك واسطة ..
6- طلقت الزوجة في التيرم الاول بسبب خيانتها مما أثر في نفسيتي .. وصارلي حادث أخر غير اللي قلتلكم عليه .. و 3 عمليات .. فما قدرت احقق شيء في التيرم الاول
7- جاء التيرم الثاني .. وطبعا الطلبة متقدمين عليا .. بتيرم كامل .. والجامعة اللي انا فيها من أحسن جامعات اوروبا .. يعني الشغل فيها طحين .. والحين التيرم الثاني بنهايته والاختبارات على الابواب وانا زي الاطرش في الزفة ماني فاهم ايش الموضوع ..
8- ابوي من يوم ماجاتني البعثة ماقدر يتحكم فيا زي اول لانه ماصرت على حسابه والحكومة اللي تصرف عليا .. هوا ما يقدر يوقف البعثة لو مين كان .. بس يقدر يوقف معاملة التحويل التخصص والحكومة راح تشوف درجاتي وراح تقطع عني البعثة وانا اروح فيها
9- لا تضحكو عليا بس دخلت السي بي ايه وعاااااااااااااااااااااااااااااااااجبتني college of busniess admin. في مدينة جدة .. وعاجبتني من جميع النواحي لاني رحت وزرتها كم من مرة وياما اللي يمدحو فيها وانه الوظيفة مضمونة بعد التخرج ..
10 .. أمي كلمتها .. ياولدي انا ما ابغا مشاكل مع ابوك .. لا تجيني الا زيارة ..
أهلي كلهم خايفين من الوالد .. وماحد راضي يوقف في وجهه ..

كلمني قبل يومين تبا تروح السي بي ايه روح وانا اصر ف عليك وكل شيء وما يهمك .. بس ابوي انسان يشيل في قلبه وراح يبهدلني لو رجعت على حسابه تاني .. واللله وعارف اني راح اتبهدل بهدلة وتحكم وحبسة في البيت مع اني انسان لاني صايع الحمد لله ولا شيء .. يعني هادي وطبعي رايق ..

الخلالاصة ..

لو قعدت في المانيا ادرس شيء ما ابغاه لانه ممكن يعطوني مهلة التخصص انه فرصة سمستر واحد انه اجيبلهم شيء ... وكل شيء بيصير تمام .. بس معنى كدا اني بدرس شيء ما احبه بس .. كرامتي محفوظة ..

لو رحت السعودية صح اني راح ادرس الشي اللي احبه واللي ابغاه .. بس راح انذل .. وراح اتهان والعائلة ماراح تخلي ولا تبقي فيني .. وهذا الكلام على طووول السنين الييين ماتخرج .. ( أهلي وانا عارفهم )

ايش اسوي تكفوووووون جمييييعا ردو علي بشي يطيب خاطري ..

فيصل

السلام عليكم أخي فيصل ..

اسأل الله تعالى ان يعينك على تحديد مصيرك ..

أخي ...

هناك عدة نقاط في القصة كما فهتمها:

الاولى و الأهم هي سيطرة الوالد عليك و على الاسرة كاملة :

في مجال الدراسة ( انت الان في تخصص دخلته رغما عنك)

في مجال الزواج ( كان زواج فاشل حيث تزوجت بأجنبية)

في مجالات اجتماعية (قد تحرم من الخروج لو عدت للبلد)


الظروف الحالية ..

قد لا تمشي الأمور كما نريدها بسبب ظروفك و أنت قلت ان البعثة قد تسحب منك ..

اذن اذا سحبت منك و قد يكون هذا الخيار الأرجح , لن يكون أمامك سوى أن يصرف عليك والدكم الكريم ..

تخوفاتك : هو سيطرة والدك عليك .. و أنت الان كبرت و لا تريد ان سيطر عليك لأنك واثق من اخلاقك بالاضافة الى أنك تجاوزت سن الرشد ..


ماهو الحل ؟

اذا كان والدك يسيطر عليك و انت لا تريد ان يحدث هذا الشيء فليس أمامك إلا مصارحته بحقيقة مشاعرك ... أن تصارحه أنك تحتاج لمساحة من الحرية لأنك أًصبحت رجلا ..

تريد الحرية لأن ثقتك بنفسك يجب ان يتم تعزيزها و إلا ستتخرج من الجامعة و أنت ضعيف الشخصية

تريد الحرية طبعا في حدود و تريد ان يتم اخذ رأيك في أمور مصيرية لأن هذا ما يجب ان يتم حسب الاحاديث الشريفة و لا احفظها حاليا ..


يعني باختصار عليك ان تخطو هذه الخطوة و أن تواجه محاولة السيطرة عليك


لكن

و أؤكد على لكن ..

هذه المواجهة لا تتم إلا بالحسنى و باتباع كتاب الله تعالى و سنة نبينا كمنهج حيث يجب ان يبقى الاحترام بين الابن و والده و عدم رفع الصوت و اختيار الاسلوب اللطيف و خف جناح الذل من الرحمة ..


يعني ... كل شيء يتم باسلوب .. و بهدوء و تفاهم

و هناك حل أخر و هو قبل مصارحة الوالد يمكن ان تصارح احد الاقرباء المقربين من والدك و الذين يكن لهم الاحترام , ان تصارحهم بشعورك و ان تكلفهم باخبار والدك أن عليه ان يحترم رغبتك في تغيير التخصص لأنك كبرت و لم تعد صغيرا ..


و بعد ذلك يمكن ان تبين لوالدك الكريم هذا الأمر بنفسك اذا لم تمشي الأمور كما ينبغي ..



بوركتم

انا ماعندي كلام اقوله الاخوان كفو ووفو
بس بزيد شغله عليهم
(عسى ان تكرهوا شيئا وهوخيرا لكم)
افهم معناها وبترتاح

وقبل كل شي الجأ لرب العالمين واستخير
وربي بيدلك على طريق الخير

استخييييييييييير

وفقك الله لما فيه الرضا و الصلاح في الدنيا و الآخرة

سبحان الله شباب مو لاقييين جامعات تدرسهم وشباب تجيهم النعمه ويرفضوها

احمد ربك على النعمه الي انت فيها .. وحرص الوالد عليك ..

حاصل لك تدرس في افضل جامعه خارجيه وما تبغى ؟؟؟؟؟؟؟؟

قدر النعمه الي انت فيها .. ودع عنك الأعذار الواهيه ..

قدر تعب الوالد عليك .. وادرس واجتهد .. وشرفنا وشرف بلدك في الخارج .. لا تنسى انك تعتبر سفير لبلدك وبلاد المسلمين
.. فيه شباب صالحيييييييين عاقليين يتمنون يكونون مكانك ..

مافيه اي سبب يخليك تفشل ..وكل الي قريته بصراحه اعذار ما دخلت مزاجي ..

انضج وتحمل المسؤليه .. وطيع ابوووك ..

ما قدرت افهم موضوعك جيد والي فهمته ان الوالد الله يحفظ لك رايد تاخد شهادة عليا من المانيا ربما ليه بعد نظر وخبر ودراية بحكم سنه
اخي لو قدرتي تغير مسارك بنفس التخصص الي تحبه وانت هناك بالمانيا حاول تسال وتستفسر هناك فمجال الدراسة في اروبا عالي ومميز ة مع كترت التخصص وبتشجع الطالب على تحصيل العلم وغير معقدة خصوصا الي رايدالنجاح
وبدالك ما تخسر بعتتك وتستفيد لو خسرتي سنة احسن ما تضيع سنوات
وفي نفس الوقت تكسب اهلك هم بشوفوا فيك المستقبل
وفقك الله