|
استفسار
سلام عليكم
احييكم على هالمنتدى الرائع انا لي زميل عزيز علي وكان يحاتي هو توه مخطوب صارت مشكله بينه وبين خطيبته واتصالحوا بعد فتره لكن هو احين خايف ان تصير مشكله ثانيه ويتطور الامر للاسوأ لاقدر الله وهو وايد يحترمها ومرتاح معاها شنو الحل عشان اخليه ينسى ساعدوني وشكرا |
قوله كل شئ نصيب لو نصيبه معاها هيوفقهم ربنا
|
شكرا فتاة الاسلام
ولكن ابي كلام يشجع مايحبط ادري كل شي بيد الله بس ابي شي يشجعه ويستمرون ! وشكرا |
اهم شي يااخوي انه في هذي الفتره انه مايدقق على كل صغيره وكبيره
واذا صارت مشكله يحاول يحلها بنفس الوقت مو يأجلها والله يوفقهم يارب |
سلام
شكرا اخوي هو مايدقق بس خايف انه يصير شي بكره وهي من العصبيه تتذكر اي سوء فهم قديم شلون انصحه وشكرا |
قول له من المعروف إن المشاكل بتكون في بداية التواصل بين المخطوبين
لانه إنسان غريب عليها وهي كذلك وايضا الوضع تغير عن قبل الحين فيه إنسانه جديده في حياته تشاركه فرحه وهمومه إحتمال إنه مايحب أحد يسأله وينك وإيش فيك فكل هذي الاشياء ممكن تسبب له مشكلة وبيقول إنها كاتمة حريتي وهذي تصير لكثير من الشباب ولابد من تحملهم في البداية ويحاولوا يأقلموا أنفسهم بقبول هذا الشئ بالتدريج وأنصحه بحل المشاكل بالمنطق ويحاول إنه مايكبر المشكلة وذكره إن البنت تفكر دائم بعواطفه بعكس الرجل الله يوفقه يارب آسفه الكلام مو مرتب لضيق الوقت |
اخي العزيز :
فترة الخطوبة ( بعد عقد القران ) يبدأ الزوجان بمحاولة التأقلم والاتفاق وهناك كثير من الاختلافات ستظهر فلا بد على الطرفين ان يكونا صريحين مع بعضهما في كل صغيرة وكبيرة وان شعر طرف منهما بأنه متضايق من الشخص الاخر ان يخبره , سأكون صادقة معك هذة الفتره تكون فيها شئ من الخوف من الطرفين لكن خوف الفتاة يكون اكثر فهي تتعامل بطبيعتها وبمشاعرها وبالتالي سيكون هناك كثير كثير من الاختلافات والخلافات وليس هذة المشكلة المشكلة ان لا يحاول الطرفين اصلاح هذا بطريقة يضمنان عدم العودة الى ذلك مرة اخرة ... اطلب من صديقك ان يتفهم جيدا وضع زوجته وانها مقبله على حياة وهو كذلك واختلافهم ليس دليلا على فشل حياتهما مبكرا ولكن الصبر فالصبر جميل ومع مرور بعض من الوقت سيعتادان على وجودهما مع بعض وسيحاولان البقاء مع بعضهما اكثر . وفقهما الله وسخر ما بينهما وجمعهما في خير . |
اهم شى التفاهم بينه و بين خطيبته
|
سلام عليكم
لكم مني كل الشكر كلام يشجع والله هو بحلها بعقلانيه مو مشكله بس هو خايف ان لو صار شي لاقدر الله تتطور للاسوا وهي تعصب وتقول خلاص وهو وايد يبيها وشكرا |
| الساعة الآن 08:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©