|
اخوات العروس كيف يتعاملون مع نفسية العروس؟؟
السلام عليكم ورحمة الله وبركاته
بأدخل بالموضوع اللي رافع ضغطي من فتره طبعا الكل يعرف بنفسية العروس سواء قبل يوم الخطوبه الملكه قبل الزواج احكي لكم موقف معايشته اختي الكبيره كل ماجانا عريس يشوفها من قبلها باسبوع وهي تعيد وتزيد اسألوه كذا جلسوه هنا جهزوا طلبات التقديم وووو ويوم مقابلة العريس يالطيف الطف البيت كله :23:يحترق وبس يهدي فيها ويلبي طلباتها وكل هذا وتجي تقول ((انتوا دائما تتعاملوا بأموري بكل بروود وانتوا ماتهتموا فيني)) السؤال اللي يطرح نفسه ماهو المطلوب مننا اخوات العروس واهلها حتى نخفف من ضغطها وعصبيتها؟؟ وودي اعرف ماهو الشعور اللي تشعر به في هذا اليوم ؟؟ انا صحيح مريت بهذا اليوم بس كان احساسي عادي جدا وهاديه بس مستغربته من اختي ليه هذي التصرفات واخيرا اسأل الله العظيم رب العرش العظيم ان يرزق جميع بنات المسلمين الازواج الصالحين ويرزق الشباب الزوجات الصالحات ويوفق المتزوجين ويألف بين قلوبهم وقلوب ازواجهم وحصنتكم بلا اله الا الله |
وعليكم السلام ورحمة الله وبركاته
مرحبا أم سعود .. نفس السؤال اتمنى له إجابه .. عندي أختي متملكه .. قبل ملكتها سوت في اهلي الهوايل من التوتر والعصبية وكل مشغل تتصل به و من مركز تجاري لمركز .. لأنه في يوم ملكتها أول مره يشوفها عريسها .. ماكان حريص على النظره الشرعية .. والآن في استعدادها للزواج الكل معها ومع ذلك تقول أنا لوحدي .. أنتم ماتقدرون أنتم ماتدرون عني .. انتم ..انتم ... والله من الوالد الله يحفظه إلى اصغر واحد في العيلة شايل همها وكل يوم طالعة بشئ جديد .. ودي بكذا .. وناقصني كذا .. والجميع ايده على قلبه يوم الزواج وش بتسوي فينا ؟؟؟؟؟؟؟؟؟ مع العلم أني في زواجي كنت غيرها 180درجة .. مادري أنا الصح أو هي .. لكن اقولك على تصرفنا معاها .. نقولها ابشري ..إن شاء الله .. سمي ياعروس آمري ... ولايهمك بنعمل ماقلتِ... المهم انتِ ريحي نفسك واهتمي بنفسك ..واحناكذا منها :23: لأنه مهما كان العروس في حالة خوف وفي حالة توتر رغما عنها .. الله يوفق كل العرايس .. ويرزق العازبات ..:14: |
ايه والله
الله لايلوم اللي يلومها في الملكة راح تقابل رجل صار زوجها وهي ماتعرف عنه أي شي يكفي انها بتصير مع رجل لأول مرة بحياتها وتجلس معه هذي لحالها كذا:24: :24: وشايلة هم اللبس والتجهيز وتفكر باهم نقطة اللي هي التوفيق الله يوفق كل العرايس وييسر لهم امورهم ويرزق البنات الأزواج الصالحين يارب |
أختي روح الغالي
انتي قلتي اختي الكبيره كل ماجانا عريس يشوفها وهذا يعني انه جاها عريس قبل كذا وماصار نصيب عشان كذا طبيعي جدا انها تكون متوتره لانها لاتعرف مصير هذا الخاطب وتجهل مايخبئه لها المستقبل فالله يكون في عونها ويوفقها وانتي كمان وانتوا مو مطلوب منكم الا ان تقفوا معها وتساندوها ولو بالكلمه الطيبه ورفع المعنويات والله يتمم على خير وبعدين عندي ملاحظه عليك انتي وملاك الغربه ترى حولتونا باللون الازرق ولا يعنني يعنني مشرفااااااااااااات:25: :p |
اقتباس:
هلا بمرورك ياالغاليه يعني الحال من بعضه الله الهادي بس هي لسه ماصار شي لسه شوفه شريعه يعني لاتجهيزات ولا شي اللهم نجهز البيت المجلس اللي بيجلس فيه والطلبات اللي بنقدمها له القوه والشاي وهذا كله علمته لها ليه تعصب اذكر ايام خطوبتي ايام زمان هذا وانا اصغر من كذا كان الجو جدا طبيعي يوم الشوفه ويوم الخطوبه بس ان شاء الله خير بأحاول اكون هاديه اكثر معاها والله يعين ويصبرنا على نفسيات العرايس شرفني مرورك وافادتك لي يالغاليه حصنتك بلا اله الا الله ربي يسعدك ويفرج همك وينولك مرادك واسأل الله ان يرزقك الذريه الصالحه الباره في القريب العاجل |
اعود مرة أخرى أم سعود لأنه موضوع في الصميم بالنسبة لي والى أن
تنتقل شقيقتي لبيتها إن شاء الله ... نصيحتي ذكري أختك بترديد ( حسبي الله لاإله إلا هو عليه توكلت وهو رب العرش العظيم ) سبع مرات في الصباح والمساء فسيكفيها الله بإذنه ما اهمها .. وأنتِ أختي عطر المدينة .. بعد إذن أم سعود اضحكتني اضحك الله سنك .. وسامحينا إن اتعبنا عينيك .. وصدقيني اللون الازرق قبل الاشراف .. والاشراف تكليف وليس تشريف وهو امانة نسأل الله أن يعيننا عليها .. وفقك الله الجميع .. |
والله معها حق ,, صدقيني اني امر بحالة مايعلم بها الا الله ما انام الليل ابدا
طول الوقت تفكييييييييييييير والنهار انام شوي ,, واذا قمت احس بتعب واحس الوقت يمضي بقوة بس انا اهلي الله يخليهم لي يارب تاركين كل شيء علي صح ماقصروا معي بس انا الي افكر فيهم من الكوافيرة الي رح ياخذونها وفساتينهم وموديلاتهم وكيف بنزف وكيف بجهز شقتي وكيف بجهز اموري وجهازي متى برتبه وكيف بجلس مع زوجي واش رح يصير ومتى رح نروح القاعة ومتى رح انزف والمعازيم اش رح نقدم لهم وكيف نستقبلهم والاضاءة كيف تصير والعاملات كيف يمشون ويسمعون الكلام ولا بيسوون حركات استهبال ,,,, وشريط الزفة لسى ماسويته ,, وبنحف ولا مابنحف ,, كل حاجة انا افكر فيها لحالي احس اني تعبت نفسياً ,,, احس اني لحالي حتى لما اطلبهم يتصلوا بدالي احس اني تعبت يقولو انت اتصلي ,, انا زواجي باقي عليه تقريبا شهر ونص احس اني مزنوقة حتى الكوافيرة لسى ماحجزتها بصراحة ما الوم العرايس اخواتي ثنتين متزوجات وكنت شايلة كل شيء عنهم واساعدهم لدرجة اني حسيت اني انا العروسة ,, والحين اخواتي مو عندي بنفس المدينة حتى اخواتي المتزوجات افكر بموديلاتهم ؟؟؟؟؟؟؟؟؟؟؟؟؟؟؟؟ كنت اتمنى اكون مرتاحة والكل يشيل عني لكن الحمدلله على كل حال الله يوفق كل عروسة ويرزق كل بنوتة بالزوج الصالح ,, مشكورة اختي روح الغالي ,, على هالموضوع احس اني فضفضت وقلت الي بخاطري اسفة اذا ازعجتكم ,, جزاكم الله خيرا ,,, |
نسيت اقولكم اني بالخطوبة جهزت لبسي وشكلي والبيت والاستقبال
والتقديم ,, وبالملكة نفس الشيء سويت الحفلة كلها فكرت بموديلي وحجزت الكوافيرة وجهزت كل شيء واخواتي كانو يفكروا معي بس انا الي اسأل وانا لي اجمع معلومات وكل شيء وجهزت الكيكة وحجزتها ورتبت الطاولة ,, انا من النوع الي احب اسوي كل شيء بنفسي ما اعتمد على احد ,, لأن مهما كان محد رح يصير مثل ما ابغى ,, الله يوفقكم جميعاً ,,, |
اقتباس:
هلا ياشوبارد عقبال مانفرح فيك ونحضر ليلة الحنه :) ونحضر زفتك انا ماالومها بس لاتنسي ان الموضوع جدا بسيط(( شوفه شرعيه فقط)) يعني باقي على الملكه والزواج الله يعينا على هذا اليوم ماالومها احساس غريب وجديد عليها بس خلاص تهدي نفسها مادام وزعت الاعمال خلاص شوفي احنا جدا منظمين بالبيت يعني تم توزيع المهام طبعا المسكينه اللي راحت فيها انا:23: انظف لها المجلس واجهز القهوى وحلا القهوى والشاهي والفطاير مع الشاهي وخلاص ماعليها الا ترجع من دوامها وتنام وتصحى تلبس وتنزل له ليه مكبره المشكله وعصبيه والله حتى الخدامه ماسلمت منها المسكينه لو تشوفين الخادمه كيف بوزها شبرين وزعلانه بسبب التهزيئ اللي جاها الله يعين شرفني مرورك يالغاليه ربي يسعدك ويفرج همك وينولك مرادك ويرزقك ربي الزوج الصالح اللي يخاف الله فيك حصنتك بلا اله الا الله |
اقتباس:
ياحلوة انا ماأبغى أخوفك بس الوقت يمشي والكوافيرات الشاطرات ينحجزون من بدري وحدة اعرفها زواجها بعد شهرين وجاجزة المكياج والتسريحة من قبل زواجها ب4 شهور اليوم استلمت المهر من بكرة بدأت الحجز مبروك ياعروسة الله يوفقك وييسر لك امورك:14: -------------- روح الغالي ياقمر كلامي كنت اقصد فيه الملكة بينما الشوفة كلها رعب في رعب وانا عن نفسي لما تجي الشوفة ماسوي ولاشي اسجن نفسي بغرفتي وهواجيس وخوف بس! والحمدالله ماتضيق الا ربي يفرجها ان شاءالله |
| الساعة الآن 01:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©