|
ابنتي عندها اسمين ...شو اسوي؟؟
السلام عليكم؟؟؟ يكن تكون مشكلتي سخيفة بس الصدق أنا ما أعرف شو الحال..أنا مطلقة و عندي بنت وحده
المشكلة ان بنتي عندها اسمين..اسم انا و اهلي أناديها به و اسم يناديها به أبوها و أهله... بنتي عمرها 4 سنين و هي من يوم ما ولدت و هي متعودة الناس ينادونها بالاسم اللي انا سميتها به..و لكن من بدت تروح زيارات الى بيت أبوها بدو هناك يعلمونها ان اسمها هو اللي اللي هم ينادونها به..و الحين مثلا يوم أحد يسألها شو اسمج تخبرهم بالاسم اللي أهل طليقي ينادونها به..أنا صراحة مضايقة حيل لأني أحس أنا اللي حملت و ربيت و تعبت و فالاخير طليقي و أهله يبغونها تنسى اسمها الاولي.الحين أحس بنتي ضايعة بيني و بين طليقي ..المسكينه تبغي تراضيني و تراضيه ..أنا ما أريدها تكون في حيرة أبغيها تكون مرتاحه بالاسم اللي تبغيه.أرجوكم ساعدوني شو أسوي؟؟؟ هل أطنش الموضوع و أخليها تختار الاسم اللي تبغيه أو أصر على الاسم اللي أنا أريده؟ |
السلام عليكم اخيتي
هل البنت اسمها مركب ؟ المفروض يسموها باسمها التي هي مسجلة به في الجنسية !! و غير هذا لا يجوز .. الله يحفظها لك .. و يهدي أهل أبوها ! |
أنا أولادي كلهم إلهم إسمين
إبني وليد بناديه وليد وأبوه بيناديه باسم التاني وما في مشكلة علميها الاسمين أم وليد |
اذا ممكن احد من الظرفين يتنازل ياريت انت ولا ابوها واحد يغير رائيه لاني احس فيها تشتيت انا مااحب الحركه هذي لكن اذا لا عاادي حبيبيها في الاسمين قولي ياسلام من قدك عندك اسمين ياريتني زيك وشوفي اسأليها اش تحب اكتر وحاولي تجي على نفسك عشان بنو تتك حبيبتك
تحياااتي |
فهميها الوضع ببساطه و لا تكبرون المشكله بزياده
أحس انك تفكرين بشكل غلط في كلمتك ( انا حملت وربيت وتعبت وفي الاخير هم يسموها) أنا الي اعرفه اذا اختلف الرجل و المرأة على أمر فالأمر في النهايه للرجل اذا مافيه ضرر وكونها تسمى بالأسم الي ابوها يسميها به مافيه ضرر خلوا العناد عنكم |
انا عندي اسمين و ما عمري حسيت بتشتت او مشكله الاسم الاول هو اسمي في شهادة الميلاد و ما يناديني فيه غير الوالد و الجهات الرسميه :d يعني في مستشفى و في المدرسه و في الجامعه.. و الاسم الثاني اختارته عمتي و الى اليوم كل اللي يعرفوني ينادوني فيه حتى امي و صاحباتي القريبات مني.. و تعودت على الاسم الثاني اكثر من الاول و احيانا انسى لما اخذ لي موعد في مستشفى و لما تسألني الموظفه عن الاسم اقول ساره لا اقصد ريم :d و الوضع بالنسبه لي عادي و مو مشكله لأن اللي حوليني ما اعتبروه مشكله.. يعني لا تصعبينها على بنتك.. صدقيني الموضوع اسهل من كذا |
الافضل ان تثبتي الاسم
اللي ينادوها فيها ابوها واهله لكي لايصبح عند البنت ازدواجيه الان اشتري كيكه واكتبي الاسم الجديد عليها واعملي حفله لها واجمعي صديقاتها وقولي غيرنا اسمها نصيحه من اخت المهم البنت بغض النظر عن الخلافات بينكما |
شكرا على ردودكم المشكلة هي مو مشكلة عناد أكثر ما انها مسألة التعود..الله يعين
|
الاسم الموجود في شهادة الميلاد وبطاقة العائلة هوالذي يبقى وبدن تشتت للبنت ارحموها
|
حبيبتي ارحمي نفسك
مو مشكلة بكرة تكبر بنتك و تفهم و يصير عادي ما تعصبي الأمر ما يستاهل طولي بالك ما دامه مسألة عناد من أهل طليقك لا تبالي انتي اندهي على بنتك بإسمها و هم يقولو اللي هما عايزينه و لا يهمك |
| الساعة الآن 08:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©