مشكلتي مع زوجي
 

السلام عليكم ورحمة الله وبركاته انا مشكلتي مع زوجي انه كل ماروح للسوق لازم يزعل ويعصب ويقعد يذلني بالاشياء اللي اشتراها وكل شي عنده ماله داعي حتى لو لبس بسيط ابغى البسه له واتجمل قدامه مع اني والله احاول مازعله وفيه اشياء اكون بشتريها بس اذا شفته زعل ابطل ارجو اني الاقي عندكم حل وشكرا

السلام عليكم ...

اختي الحبيبة .. هل سألتي نفسك أأنت مثقلة عليه بالطلبات ..؟؟

او أنه لا يكون بمزاج رايق للسوق وللفلفة ...؟؟

أو وضعه المادي وقتها صعب شوي أو ما صار لك زمان رايحة السوق ؟؟ ... أو أو أو ...

حاولي تسأليه ليه يعصب ويزعل ،، وصارحية واشرحيله سبب رغبتك في التسوق وحاولي تختاري الوقت المناسب تعرفي انه رايق يروح معك السوق أو لا ..

أما أنه يذلك ... صارحيه ان هالتصرف يضايقك ويكسر نفسك ...
وتذكري غاليتي ان أبغض الأماكن إلى الله أسواقها ..

حاولي تقللي روحاتك للسوق اذا حسيتها كثيرة .. وخذي رأيه بلبس أو لون معين ...

إن شاء الله أكون أفدتك ..

أم حمزة

انا ماروح للسوق الانادرا وحتى مشترواتي قليله وضروريه ولكن هذا هو طبعه من يوم ماتزوجته وشاكره لك مرورك

الله يعينك ويسخر لك زوجك في ما يرضي الله

هو يبغى يعودك انه ما تطلبين منه ان يذهب بك للسوق يبغى يعودك على ان ما تطلبين منه طلبات كثيره ..
يذلك ويهينك عشان يكرهك في السوق .. ويكرهك من ان تطلبي منه اي طلب ..

نصيحتي لك .. طولي بالك ..
لا توقفين الطلبات .. لا تخجلي من طلبك له .. استمري واصري .. اطلبي بالمعقول ..
لكن لا توقفين اطلبي طلبات بسيطه في فترات قصيره .. دائما ..
راح يستخدم كل الأساليب عشان يكرهك في السوق ويكرهك من الطلبات .. راح يذلك ويهينك ..وهذا تصرف غير مقبول ..
لانه يبغى يعودك .. وهذي فلسفة الرجل .. يبغى يعود المراءه .. ويستغل كبيريائها وكرامتها .. الرجل الئيم يحاول ان يقلل من كرامتك وكبريائك عشان يسيطر عليك ويكرهك من ان تطلبي منه اي شي..

يبغاك المره الجايه تقوليين لنفسك .. لما تحبين تطلبين منه اي شي تقوليين ( يوووه الحين بيصرخ علي .. الحين بيذلني ,, الحين بيقول لي لاء .. خلاص بلاش ما راح اطلب منه )

وبكذا يكون هو الكسبان

وراح تلاقين نفسك تعودتي وتنازلتي عشان اشساء كثيره .. مرغمه .. مو عشانك متفهمه لوضعه بس عشانك خايفه من ردة فعله .. وهذا الشي ماحد يتحمله .. وما تقدرين تعيشين حياتك وانتي تخافين تطلبين منه ..
ارفضي اذلاله لك ..ولا تتقبليه ابدااااااااااااااااااااا..
في اي حال هو هذا ما يعطيه الحق انه يذلك ..
عنده اي اعتراض على اي شراء يشرح لك ليه .. اقتنعتي ممتاز .. ما اقتنعتي .. حاولي معه ..

ارتدع وتغير .. كويس ..
ما تغير .. معناته زوجك بخيل وماعنده ذووق .. والله يعينك عليه

في اعتقادي أن هذه المشكلة منتشرة في كثير من الأزواج

والسبب والله أعلم الكثير من الضغوط التي يعانيها الأزواج من مصاريف يومية كثيرة كل ذلك في كوم وهم

تملك السكن في كوم
الله يعين كل شيء غالي اللحين

الله يعينك ويسخر لك زوجك في ما يرضي الله

فعلا اخ لاتحرمني هذا ماقاله زوجي بالحرف الواحد قال انا ابغاك تحسي من نفسك حسبي الله ونعم الوكيل

يا رب لا تحرمني

كلامها عين العقل

اوعك تتنازلي ...بس تتنازلي مرة راح يمسكها عليك

اذا هو ما يحب يروح السوق ...قولي له ما شي الحال ..انت عطني الفلوس وانا اتسوق مع اخواتي او صاحباتي

لكن اياك ان تتنازلي عن حقك في المصرف

حاولي تاخذي منه مصروف شهري ...


ربي يهديه

تحياتي