|
طالبه مشورتكم ياورود
خواتي العزيزات :17: ابي تفاعلكم مع مشكلتي التي قد لاتكون مشكله بمعناها ولكنها بسيطه وفي نفس الوقت تزعجني كثيرا
ولدت مولودي الأول وعمره الان سنه ونصف واتفقت انا وزوجي اني استخدم حبوب منع الحمل لفتره معينه ومن كم يوم طلب مني ان اتركهها واحمل وانا والله تعبت في ولادتي وهذا مو سبب لرفضي ولكن انا اسكن في بيت اهله ولنا شقه مستقله وماودي احمل الحمل الثاني الا بعد مانستقر ونخرج في بيت لنا وحدنا لأن اهله بصراحه عملوا لنا مشاكل كثيره وخصوصا الفتره اللي حملت فيها واهلي بعيدين عني وانا اتجنب المشاكل وانا مااود الحمل الحين ولدي بعده صغير واحس اني مقيده في بيت اهله رغم استقلاليتي بشقتي بس ماارتاح وقت مايجوني ضيوفي لأن المدخل واحد وهم جالسين يعني عارفين الداخل والطالع حتى لما اطلع انا وزوجي اشيل هم اني لازم امر واسلم واتكلف والله انا ماني راعية مشاكل ولا اكرههم بالعكس اهله اهلي بس هم كلامهم قاس احيانا وانا ماني قدهم ايش رايكم مع العلم ان زوجي شبه اقتنع برايي ولكن ماخاب من استشار 00 |
يعني انتي الحين في بيت اهله .. وماتحسين انج مرتاحة .. لان مافي خصوصيه ..
تبين الصراحة انا معاج واشوف رايج صح .. انا مارتحت في بيت اهل زوجي والحين ان شاء الله ابطلع في بيت بروحنا... ويبت بنتي وقاعدة اخذ حبوب منع حمل... قوليله صعب علي احمل الحين مو مستعدة نفسيا ولا جسديا .. قوليله ابي استقل في بيت بروحنا عشان انرتب حياتنا.. تبين الصراحة انا وياج وتفكيرج سليم وتوه ولدج صغير ومافي داعي تستعجلين ... بس باقي تقنعين زوجج .. انا سمعت ان عشان المرأة تسترد صحتها كامله بعد الولادة يبيلها سنتين على الاقل وبعدين يرجع جسمها طبيعي نفس ماكان .. اذا هالكلام صحيح قوليله .. حاولي تقنعينه ... والله يوفقج دمتي بود أم وداد |
تسلمين على ردك ياام وداد بصراحه ارتحت لأن محد رد علي من اول الله يسعدك ويحقق كل امانيك ويفتح لك ابواب الخير ومشكوره على مرورك0000000000
|
ياأختى بالحوار الهادي تتوصلين الى نتائج طيبة
طيب انا لدي سؤال هل هو مبسوط ؟ واذا سافرتم وسكنتي بشقة لوحدكم هل ينبسط اكثر طيب ناقشية واخبرية اانني اريد شقة بجوارهم وكل يوم رايح ازورهم لاني خايفة من اولادي مستقبلا يضايقون اهلك ويسببون لهم احراج |
إستخيري يا قلبي وربنا يكتب الي فيه الخير
|
العفو ياختي ... ولا تحاتين ترا الي تسوينه برأيي انا صح .. عشان صحتج وعشان وضعكم .. ومشكورة ياختي على دعواتج الصادقه ..
|
اخصائي صحه نفسيه تسلم والله يجزاك خير
سلامات ياقلبي الله يفتح لنا ولك ابواب الخير يارب |
| الساعة الآن 08:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©