|
هل تقبلين السكن مع اهل الزوج؟؟
هل تقبلين السكن مع اهل الزوج خاصه اذا كان له شقه خاصه مكونه من
غرفه نوم كبيره صاله دورة مياه مطبخ غرفه غسيل ملابس خط هاتف مستقل طبعا تشطيبها من افخم الديكورات ام تفضلين في بيت مستقل تماما احب اسمع وجهات النظر الاشراف: تم تعديل العنوان ليناسب النص |
صراحة ياخوي إبعد عن الشر وغني له
مهما كانوا أهل الزوج من طيبه لابد من بيت مستقل حتى لو إنها شقه صغيرة وشكرا لك |
أنا من وجهة نظري كل بنت تحب ان تسكن في بيت مستقل لوحدها
و لاكن اذا كانت هناك ظروف تمنعني من السكن لوحدي ككبر اب و ام زوجي و ليس لديهم احد يعتني بهم الا زوجي طبعا ساسكن معاهم لمساعدتهم اواذا كانت ظروف الزوج لاتسمح بان يأتي بشقة مستقلة برضو ساوافق السكن مع اهل زوجي اما ان كان لا يوجد سبب فطبعا احب ان اسكن فى بيت مستقل حتى لو كان بيت اهل زوجي كبير |
انا ساكنه مع اهل زوجي ولي شقه مستقله بس بنفس العماره والله اتمنى اليوم قبل بكره استقل لوجدي هم ولله الحمد طيبين وتصير بيننا احتكاكات بسيطه ومضايقات حتى مع الأهل والأخوات يصير هالشئ بس انا افضل بيت مستقل على قولة المثل ابعد حبه تزيد المحبه وخصوصا اني مااخذ راحتي مع ضيوفي لأن المدخل واحد بس الله يصبرنا ويعيين الجميع
|
لااااااااا
أبدا ما أوافق أعيش مع أهل الزوج و سبق و فسخت الخطبة لهذا السبب لأن كل امراه تحب أن تحس بالإستقلالية و الحرية و لو كانت في غرفة واحدة فوق الشطوح بس بعيدة عن الأهل |
طبعآ من الافضل منزل مستقل لان اى واحده بتحب تحس ان ليها منزل مستقل وهى المسئوله عنه
|
تبي الصراحة ... البنت اتحب تسكن بروحها... خذها مني...
انا سكنت فترة في بيت اهل زوجي... وصارت مشاكل كثيرة ... وكبييييييرة مالها داعي.. لو اني في بيت بروحي كان ماصار هذا كله .. كان ممكن اتحاشى هالمشاكل |
أسأل أكبر معانية في المنتدى في هذا الموضوع ..
أنا .. لالالالالالالالالا .. لا أؤيد .. وندمت أشد الندم لأني لما أعرف مصلحتي ولم أشترط وأهلي سكنا خاصا .. |
السلام عليكم
اخي الفاضل \ نايف حفظك المولى ورعاك واقر عينك بنيل مرادك بصراحه اخوي لنكون اكثر واقعيه السكن اللي وصفته ( غرفة نوم وصاله ومطبخ ودور مياة) هل تعتقد انها مناسبه لأستقبال الاهل الزوجه واستقبال صديقاتها ؟؟ اعتقد ومتأكد لأ فبكذا اذا رغبت الزوجه ان تستقبل اخواتها وين تحطهم؟ ياانها ترفض استقبالهم يا انها تستقبلهم في مجالس اهل الزوج وهنا تبدأ المشاكل مثلا: 1_ تحتاج البنت تجهيزات لأستقبال ضيوفها يعني ( قهوى وشاهي وحلويات وعشى) تضطر استخدام ( خادمة الاهل) يبدأ الاهل بالمضايقه ان كان اخوات الزوج او ام الزوج لاتشغلين خادمتنا احنا بحاجتها.. 2_ ممكن ان الاهل ام الزوج او اخوات الزوج يدخلوا للمجلس معاها ومع اخواتها وصحباتها وهنا مشكله ثانيه لآن اي وحده تحب تاخذ راحتها بالكلام بالفضفضه اذا انا نفسي اوقات لما اكون جالسه مع صحبتي مااحب اختي ولا امي يجلسوا معايا طول الجلسه يعني ممكن يسلموا ويجلسوا شوي ويطلعوا اما يجلسوا طول الوقت طبعا مااحب ولاأرضى ابغا اتكلم مع صحبتي بشي مضايقني هي نفسها تبغا تحكي لي شيء خاص نبغا نفضفض وبعدين لاننسى دعاء الرسول صلى الله عليه وسلم ( اللهم وسع لنا في دورنا) وبعدين البيت الواسع يعطي راحة نفسيه والبيت المستقل بالزوجه افضل بكثير واخير دعواتي لك بالتوفيق والسداد وراحة البال والفرج القريب وان يألف الله العزيز القدير بين قلبك وقلب زوجتك ويرزقكم بحق هذه الساعه الفضيله برحمة التي وسعت كل شيء الذريه الصالحه وان ينفخ الروح في رحم زوجتك ويرزقكم من فضله ونعيمه وحصنتكم بلا اله الا الله |
عادي اسكن معهم ليش لا
بس اكون بشقة لوحدي مايشوفوني وانا طالعة وانا داخله بس اذا الظروف تجبرني على غير كذا امري لله |
| الساعة الآن 08:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©