|
لم أعد أفرح لفرح الآخرين !!
بسم الله الرحمن الرحيم السلام عليكم ورحمة الله وبركاته يامعين <<= تاخذ نفس طبعا أنا مثل البقية في هذا القسم :29: متأخرة في الزواج تجاوزت الثلاثين :15: وأخشى بلوغ الأربعين دون زواج ..... يارب لطفك يا أرحم الراحمين أنا صابرة وراضية ولا أحب الشكوى لأحد بهذا الخصوص ... :24: ولكن مايزعجني من نفسي حاليا وأخشى أن يلاحظه الآخرون أني لم أعد أفرح لأحد أبدا لا لقريب فضلا عن بعيد لا لزواج ولا لإنجاب ولا لغيره بل على العكس عندما أسمع بخبر خطوبة أو ملكة أو حمل أو إنجاب تجيني ضيقة شديدة أدور أي عيب في الموضوع بس عشان أرتاح من الضيقة يعني لو بنت خذت واحد أدور أي عيب في الرجال عشان أقول الحمد لله صحيح ملكت وبتعرس لكن خطيبها فيه كذا وكذا وقتها بس أرتاح ولو وحدة جابت طفل وصارت أم أغار منها وأتعب نفسيا لحد ما أشوف فيه عيب سواء قبح أو ما إلى ذلك ... يعني باختصار صرت حسود !!!!!!!!!!!!!!!!!!!!! وأنا إلي عمري ماطالعت النعمة عند غيري ولا همني وش عندهم وأيش مو عندهم والله مقهورة على نفسي ليه صرت كذا وقدام الناس لو سمعت بخبر من هالأخبار إلي تضيق صدري أقوم أتظاهر بالفرح :22: وأقعد أقول ماشاء الله صحيح الله يبارك لهم ويوفقهم :17: وأقسم بالله أحيانا يكون إلي بداخل قلبي العكس بس أمسك نفسي بالقوة وما أبين حتى مع نفسي أمنعها من دعاوي الشر وأجلس أتعوذ من ابليس :29: وأذكر الله وإنه كل واحد ماياخذ إلا نصيبه ومو معنى إن فلانة صار لها خبر مفرح إنها خذت من نصيبي وإلا قللت منه تخيلوا إني إذا جابوا لي كرت زواج لا إراديا أحذفه بالأرض بدون ما أقراه من القهر والتعب النفسي ولوسمعت عن ملكة أبدا حتى ما أسأل مين ملك ومين خذ مين دام إن الموضوع مو لي ماتهمني فيه أي تفاصيل يعني كأني أقول جعل ماحد أعرس !!!!!!! خايفة سنين عمري تجري وتجري وانحرم من نعمة العيال ............................. ياترى يجيكم هالشعور ؟ يارب لطفك يارب لطفك يارب لطفك ورجاءا لحد يتفلسف ويقعد يقول لي احمدي ربك تراني حامدته وشاكرته راضية بقضاءه وقدره ولحد يقول لي فرضا تزوجتي وصار زواجك جحيم من أخلاق زوجك ياخي وش كثر العالم إلي متزوجة وسعيدة ومرتاحة جات علي أنا :29: ولحد يقول لي فرضا تزوجتي وجبتي ولد معاق وإلا طلعتي عاقر ماتجيبين أعوذ بالله :29: يعني مافيه شي وسط يا أسود يا أبيض :29: ترى عارفة إن ربي ما أخر زواجي إلا وهو راد عني شر كبير والخيرة دايما فيما اختاره الله :22: لكن أنا مشكلتي بس في كوني أخاف أتحول لحسود حقيقية في المجتمع |
ياحبيبة
والله أشعر بما تشعرين به بل والمصيبة تشعرين لكل الناس أجوائهم وتغيرت أحوالهم سواك محلك سر . . ولن أقول تخيلي وإحمدي لم يعد لديك الكثير من الصبر . . لكن فكري بشي واحد حين نفكر بطريقتك أول من يحترق بها أنتِ وصدقيني أنتِ لاتستحقين . . . أشغلي نفسك بأي شيء ولاتبقى مكانك وشاركي الغير وستجدين المواساة حين تحققين شيءاً ربما لك أو للآخرين وتذكري ستجدين حلمك لكن لاتقفي مكانك لتقبل البطاقات الملقاة على الأرض . . . إحترامي ،، |
الله يوفقك ويرزقك الزوج والذرية الصالحة
ويرزقك السعادة في الدنياء والاخرة امييين |
تعب
والله كلامك صحيح وفي محله لكن الشعور هذا يجي غصب عني أنا موظفة وعندي أشياء كثيرة أشغل فيها نفسي وأشياء أكثر أقدمها لللآخرين وحتى أهلي أحاول قد ما أقدر أدخل الفرحة على قلوبهم والأطفال والصديقات يعني بإذن الله مو مقصرة ولي هوايات شاغلة نفسي فيها بس صدقيني كل هذا مايغني ولا يبعد عن التفكير بالزوج والبيت والعيال لأني أشوفه حولي كل زميلاتي متزوجات أغلبهم أمهات وكل حديثهم عن الشي هذا فطبيعي أتأثر وما أنسى مقدر أقولهم لا تجيبون سيرة أزواجكم وعيالكم وبيوتكم وبنفس الوقت مقدر أسكر آذاني عن الكلام إلي مابي أسمعه !! وين اروح المجتمع كله كذا خطوبة ملكة زواج إنجاب بالإضافة إلى الأفراح الأخرى نجاح تخرج حج إلخ ولا تنسين الفترة هذه موسم زواجات وفترة قهر لنا أشكرك من الصميم على كلامك المريح جدا وأوعدك أحاول وأحاول وأحاول والله يعجل بالفرج للجميع مهاوي آمين الله يسمع منك ويرزقني بزوج وعيال مثل ما أتمنى ويعجل لي بهم ويرزق الجميع يااااارب .. أشكر لك دعوتك الحلوة |
اوصيك بالاستغفار
|
الله يرزقك الزوج الصالح يارب
ويرزقك الزريه الصالحه الي تملي عليك حياتك |
عبود
كلامك صحيح الاستغفار والصلاة على النبي تريحني كثييييير حنان دبي آمين يارب والله أحس بفراغ كبير في حياتي الله ييسر لي وللجميع زواج ناجح وعاجل وذرية طيبة |
اقتباس:
الإجابة باختصار,, لأننا نسينا طعم الفرح.. أسأل الله أن يفرج همك ويجعل لك بعد الضيق مخرجا.. |
كل الغلا
مانسينا طعم الفرح والله إني أحس فيه بداخل نفسي وإلا ماكان سميت نفسي فرحة منتظرة لكن نبي الفرح هذا لنااااااااااا بعدين يمدينا نقدر نفرح للآخرين لأن وضعنا محزن فكيف شخص حزين وعنده مصيبة ويسمع خبر مفرح لغيره ويفرح له تحصل في مواقف نادرة ..... والله يفرجها على الجميع يارب تفرجها يارب تفرجها يارب تفرجها عسى الفرج قريب |
الله يرزقك الزوج الصالح يارب
ويرزقك الزريه الصالحه الي تملي عليك حياتك اللهم آمين ...اللهم آميــــــــن |
| الساعة الآن 08:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©