|
انما اشكو بثي وحزني الى الله
السلام عليكم ورحمه الله وبركاته
ارجو منكم قراءه كلماتي التي ربما تكون قاصره او غير مترابطه ولكني ارجو ان تصل معانيها انا فتاه عمري 27 من مواليد 1400م لم اتزوج بعد ولي اخ اصغر مني بسنه تزوج ولله الحمد وربي يوفقه ولديه ولد المشكله تكمن في اسئله من حولي رغم اني معلمه وعلى قدر من الجمال ولله الحمد تقدم لي الكثير ولكني اشترط ان لا يكون مدخنا وكذالك ان لايكون اصغر مني عمرا وهذا من حقي ان اختار .. اتضايق كثيرا من الفاظ تقال لي في اني مغروره وارى نفسي ولا احد يروق لي والله هذا ليس صحيح اتمنى ان اتزوج من رجل صالح وادعي ربي ان لا يخيب دعائي في ذالك انا خااائفه لا ني كبرت والكثير يقولون لي لن يتقدم لك الا رجل متزوج بعد ذالك او لن تجدي من يقبل بك احزن كثيرا انا لم ارفض الزواج ولكني استحاله ان اقبل بمدخن لا ارضى ذالك ابداااا ادعوا لي واريد منكم ردودا هل ذالك من حقي واحده من صديفاتي تقول اتقي الله ووافقي وانا لا استطيع انا اقبل لم اشترط شيئا تعجيزا ولكن من حقي ان اختااار يالله لا اله الا انت سبحانك اني كنت من الظالمين |
اتوقع شرط غير مدخن
ليس شرطا تعجيزيا وانت مشاء الله عليك معلمه وجميله والدنيا قدامك وصدقيني لو بتسمعين كلام الناس ماراح الناس محد سلم منهم لا المتزوجه ولا المطلقه ولا العازبه الناس يدورون شي يتكلمون فيه ولو كان هالشئ صح وهم الغلط لاتلقينهم بال |
اختي العزيزه التدخين ماهو كارثه لانك ممكن تكبرين اكثر وترضين باي شخص غير مدخن وتلاكين اخلاقه جدا تعبانه وتندمين لانك ما تزوجتي شخص ممكن تكون اخلاقه افضل بس عيبه الوحيد التدخين وكان من الممكن انك تساعيه ويترك التدخين
|
شرط التدخين مثل ماقال قزم مو تعجيزي
لكن السن أتوقع لو كان الفرق بسيط ماتفرق يعني لو كان أصغر منك من سنة إلى أربع سنوات جدا ممتاز والرجل مايعيبه هالشي هو بيكون رجل والكلمة كلمته وكثير ترى زمان أول وحتى الحين يتزوجون على هالشاكلة وسعداء ومبسوطين بس الناس هالأيام كل شي معقدته !!!!! مافيها شي إذا كان أصغر منك بفرق بسيط !!!!!!! وبعد المدخن لو كان عيبه الوحيد التدخين يعني صلاته أوكي ودينه وأخلاقه وتعامله ووضعه المادي والاجتماعي أحس حرام ترفضينه لأن التدخين ممكن يتعالج منه فلا ترفضين كل خيره عشان شر واحد أنا رايي كذا لو كان الموضوع يخصني لكن ما أجبرك تاخذين برايي لك الحرية وماعليك من كلام الناس بس حبيت أوضح وجهة نظري لك |
اختي انا عمري زيك 27في البداية كل ماتقدملي احد اقول لا مابغى اكيد بيجيني الافضل وحتى اللي حولي كانوا يقولون صغيرة انتظري لاتستعجلين لحد كل الاقارب اخذوا عني فكره اني مغرورة
وماحد تقدم لي منهم بعد كذا وانا احيانا اندم على رفضي للي تقدمولي واقول ياليت الزمن يرجع واصلح غلطتي . ودايما اتعرض لهذه الاسئلة ليش ماتزوجتي ماشاء الله مو ناقصك شي؟ وليش الرجال موعاجبينك ليكون تبغين تتزوجين امير؟ وغيرها من الاسئلة الكثيرة والهمز واللمز عشان كذا اقولك لاتغلطينن نفس غلطتي ولاتضعين شروط غير قابلة للمناقشة والله يوفقك لكل خير مهاوي |
المشكله مو فينا او حتى في شرط واحد من شروطنا الي بنهايه تكون شروط مهمه المشكله بنوعية الرجال الي صارت تحط قوائم تعجيزيه من المواصفات والطلبات واحنى المظلومين في النهايه
|
واستغرب لما يقولون لنا شدي حيلك تزوجي ؟؟؟ ليش انا في مسابقة هجن عشان اشد حيلي؟؟
ولا ليش ماتزوجتي للحين؟؟ والله لو على كيفي كان تزوجت من انا عمري يوم خخخخخخخخ مشفوحه |
والله اني رايي من راي الاخت مهاااااوي يعني اذا كنت مناقصك شي ممعقوله بس الي تقدمولك هم مدخنين او اصغر منك
اكيد في غيرهم اختي لاتتكبرين فالكبرياء رداء الله تقبلي من هذه الكلمات قبل لايفوت القطار كم من بنت ملكت كل صفات الجمال الا انها تكبرت عن كل من تقدم لها بحجه انها صغيره او انها جميله وتريد نصيب احسن بكلامي هذا لااريد ان اجبرك على الزواج لان كل شخص (ما ياخذ بس نصيبه) لكن(من جاءكم ترضون دينه وخلقه فزوجوه) اهم شي الاخلاق والدين وتمنياتي لك بالسعاده |
سؤال
اخت يوسفية ردى هو عبارة عن سؤال لن انتظر اجابته منك و لكن يكفى ان تفكرى فيه بينك و بين نفسك :11:
ماذا ستفعلين لو تزوجتى من شخص لا يدخن و بعد فترة أشهر من الزواج أدمنه لدرجة غير طبيعية نتجية ظروف معينة ؟؟؟؟:25: و لا تقولى مستحيل لانه يوجد العديد من الاشخاص الذين يكرهون حتى رائحته و فجاة نجدهم يدخنون بنسبة اكثر من الاشخاص المدخنين من قبل . |
والله من حقك ان ترفضي المدخن
الناس تبحث عن اغلى العطور والمضهر الحلو والرائحه الرائعه لا والف لا للمدخن والله يرزقك بزوج كفو ابو فهد |
| الساعة الآن 09:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©