|
مشكلتي مع ابوي
احس اني كرهت حياتي وابي انفصل عن خطيبي لهذا السبب
وهو ابوي الله يحفظه مفشلني عند خطيبي كل ما جا يشوفني لاااااازم يفشلني تخيلو مره من المرات خطيبي بيجي يزورني وابوي عيا يفتحله الباب وانا مااقدر اطلع برى لين انتظر خطيبي شوي ورجع لبيتهم مع انه كان ينتظر هذا اليوم عشان يشوفني واذا جا عندنا كل مره اسمع ابوي يصارخ ويهاوش اخواني الصغار وهو مو طبعه انه يهاوش احد بس احسه يتقصد والله انه يفشلني يتلفظ الفاظ سيئه ويصراخ ويهاوش وانا اتمنى تنشق الارض وتبلعني عطوني حل الله ينجيكم من هموم الدنيا والاخره |
غربيه !!!
يعني ابوك مو عاجبه خطيبك و ما كان موافق على الخطبه والا شلون ؟ حرام عليك تخربين حياتك و تظلمين نفسك علشان تصرفات ابوك انا من رايي اذا ابوك من النوع المتفاهم ممكن تروحين له و هو رايق و تقولين له يبه بكلمك في موضوع بس ارجوك لا تعصب و قولي له كل شيء بصراحه يمكن يتفهم واذا كنتي تستحين تكلمينه قولي لأمك وبنفس الوقت حاولي تكلمين خطيبك و تفهمنيه ان ابوك هالأيام يمر بظروف صعبه مثلاُ او اي شيء بحيث انه ما يحط بخاطره عليه الله يوفقك يارب وان شاء الله ازمه و تعدي بشرينا بجديدك اختك ام المهدي |
ليش ماتصارحين أبوكِ باللي عندك ..
قولي له إذا كان مو راضي إن خطيبك يزورك ليه ماقال له كذا من الأول ؟!! او إنك تصارحين خطيبك وتقولين له إنه مايزورك هالأيام لإن أبوك يمكن غار من خطيبك أو شي .. خليه ينتظر كم يوم على بال ماهدأ الأمور يمكن أبوكِ إذا شاف خطيبك كم يوم اسبوع أو اسبوعين مايجي لك يسأل عنه ... جربي يمكن يكون هذا الحل ... الله يسعدك ... ولا تفكرين بالانفصال بس بمجرد إن أبوكِ يضغط عليك في هالأمور .. إذا كان الرجال زين ومابه شي حراام تحطمينه .. |
الله يعينك يااختي..
حاولي تصارحي الوالد.. انا والله بنت خالي عندها نفس مشكلتك بس الاصعب انه حدد لخطيبها يشوفها يوم واحد بالاسبوع ولمده ساعتين ويكون معاهم واحد من اخوانها.. واهي تكلمت مع خطيبها بكل صراحه والمفروض خطوبتهم سنه صارت 4شهور من تصرفات خالي الله يهديه.. بنت خالي صارحت والدها اتضح انه يغار منه ولاندري شنو السبب.. ولا تفكرين بالانفصال شنو ذنب الرجال اذا كان مافيه عيب يخليكي تتركينه.. اسفه طولت عليكي.. الله يسعدك.. اختك:الحائــــرة |
ام المهدي
وجع اخر معاناتي الله يوفقكم على ردودكم وتحصلون اللي تتمنونه والله ابوي موافق ولا عنده اي اعتراض على جيته بس ماادري ليه هو يتصرف التصرفات هذي خطيبي مايقول شي بس احسه يتضايق مره ونقعد طول الوقت متنكدين ومالنا خلق لبعض :( |
الحائره الله يوفقك ويسعدك
يارب يطلع خطيبي مثل زوج بنت خالتك ويعجل في الزواج |
بصراحه انا احس انه خطيبي مايحبني والسبب ابوي :(
|
اقتباس:
انتي مالك ذنب بلي يعمله الوالد.. كم صار لك مخطوبه..؟؟ |
حبيبتي عااااااااااااااااااادي
هذا وش تقولي عن ابوي الي كان يجي يجر فرشته وحرامه وينام قدام الرجال يعني تفضل اطلع من غير مطرود:d كل الاباء كذا او اغلبهم لانهم يخافو على بناتهم ويخافو يسير شي قبل الزواج الله يهدي جميع الاباء بس ما قلتي لنا وش ردت فعل خطيبك ؟؟ ما اعتقد يتأثر مثل خطيبي:d (الي هو زوجي الحين) يعني ما تضايقين روحك الكل كذا في رعايه الله |
صارلي تقريبا 7 شهور ونص
|
| الساعة الآن 06:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©