|
هل بعد هذا كله انا الغلطان و شاذ عن بقية الشباب ؟
السلام عليكم يا عائلتي يا اهلي و اخواني وكل شيء
والله اشتقت للمنتدى و اهله الطيبين واللي وقفوا معي بكل شيء ابتحدث معكم بموضوع كنت بجدة اتمشى قبل يومين مع اصحابي ومع مديري بالعمل...تمشينا و تسلينا وفي آخر الليل كنا على البحر نتكلم وفجأة جابوا سيرة و موضوع البنات و الترقيم و الكلام هذا كله و يتفاخرون انه كل واحد عنده و و هذا سوا و و و الخ و بعدها قالوا صح صح نسينا خوينا هذا(يقصدوني) قالوا هذا طلق مرتين قبل الدخلة و خطب كذا مرة ولا تزوج مسكين انت فين عايش قلت لهم هذا النصيب هذا اللي اراده الله سبحانه قالوا لي يا شيخ خليك من الزواج انت طول عمرك ما راح تتزوج والله ما راح تتزوج طول عمرك ما دام لا تتعرف ولا تواعد بنات و و والخ شوف احنا سوينا و سوينا و عايشين حياتنا الا انت مو عارفين انت فين عايش انت شاذ اي والله انت شاذ شوف الشباب هالايام ينبسطوا و عايشين صح مو مثلك المشلكة هم اعز اصحابي ومعاهم رئيسي بالعمل مثلهم قالوا لي الاسبوع الجاي نبي نطلعك و نساوي لك حفلة بالشاليه ومعنا اللي بالي بالك و شراب و وناسة والله نخليها تجلس جنبك ونشوف ردة فعلك و و والخ و يضحكون علي وهذا مسكين ما عنده بنات ولا قادر يتعرف على وحدة و و و الخ انا سكت ما رديت عليهم ضغطي 1000 كنت ممكن ارتكب فيهم جريمة لكن ما اقدر رئيسي بالعمل معهم ياللأسف بعد هذا كله و يتوجه لي كلام مثل السكاكين يعني بعد هذا كله انا شاذ عن بقية الشباب المثل يقول كما تدين تدان ولا اقرب من الاشياء هذي لأني خايف على اختي هذي خطوط حمراء ما اقرب منها اخاف اللي اسويه يصير في اهلي كل ما اشوف واحد من الشباب......تكلم مين؟ يقولي ما دريت هذي خويتي الجديدة و و و وكل شويه يسألوني ايش صار معك لقيت وحده تمشي حالك معاها؟ وطفشوني يقولون لي اللي مثلك اقل شيء معاه عشرين رقم لأن شكلك يساعد ولآن شكلك مو سعودي كأنك اللي يمثلون بدعاية العطور والمشكلة انا من قبيلة و الكل مو مصدق والله طفشت يئست احس اني مو انسان مثل غيري احس اني مو آدمي... الزواج ولا قدرت عليه ولا تم ايش الحل؟ ايش الحل؟ تعرفت على مطاوعه قالوا لي اول شيء اترك حاجة عزيزة عليك قلت لهم ما اقدر قاموا تركوني والله الدنيا ما فيها خير ولا هي بخير هل بعد هذا كله انا الغلطان و شاذ عن بقية الشباب؟؟؟ |
انصحك تبتعـد عنهم اخــاف يأثرون عليـــك وواتروح بطريق غلـط لا سمح الله.. وانت واحد وهم اكثر.. ابحث عن رفقاء صالحيــن.. والله يبعدك عن كل ســـــــوء.. |
بالعكس انت مو غلطان انت انسان نادر تخاف الله قبل كل شي وتذكر ان من ترك شي لله
عوضه الله سبحانه بخير منه فعلا زمن صار العاقل فيه مجنون والشاب الملتزم شاذ ونادر لاتلتفت لكلام من حولك ولاتتاثر فيه عشان انت الصح وبالنسبة لموضوع الزواج ادعي الله يرزقك ببنت تخاف الله واتمنى لك التوفيق اختك مهاوي |
اقتباس:
ما فهمت.... كيف يعني تترك شي عزيز عليك؟ |
انت مب غلطان
ولا تتبع كلامهم وتاخذ ذنوووووووب ومعاصي وان شاءالله ربي ايسر امرك ويفرج همك امين يارب العالمين |
بداء الاسلام غريب .... وغدا سيعود غريب....
|
اخي
سبحان الله انا بنت بس كان وضعي والى الأن تقريبا مثل وضعك كدت انحرف الله غضب علي حسيت اني مخنوقه ما تزوجت ولا استفاديت شي ولا تنسى الخبيثون للخبيثات احنا مو من هالنوع اخي ما عليك منهم الرزق بيد الله بس الىن بهذ ا الوقت الحلال صار صعب وهذا اختبار من رب العالمين لنا ولا تنسى ان لديك اخوات وقريبات وكما تدين تدان هذلين ربك راح يراويهم اذا مو بالدنيا بالآخره تصدق ادعي الله ربي اني لما انزلت الي من خير فقير واسعى واخطب ولا تيأس مره مرتين الى ربي يكتب ثق بالله |
اختي المهم ليس دعائها
ثقي بالله اسعي بالتقرب له وما في ما نع لو ذهبتي للطبيب انتي وزوجك واشربي ن ماي زمزم او ماي ورد واقري عليه ىيه الكرسي والفاتحه بقلب صادق وادعي الله بعدها ربي يعطيك الأولاد ويرزقني زوج محب |
أبدا .... منت غلطان
يا عزيزي ...أنت ما تعرف آخر الزمان القابض على دينه كالقابض على الجمر اللي ذكرته مهو جديد يقول صلى الله عليه وسلم : (إنكم ستجدون بعدي أثرة فاصبروا حتى تلقوني على الحوض) أجل تتوقع ليش قال النبي صلى الله عليه وسلم للصحابة : ( إن من ورائكم أيام الصبر للمتمسك فيهن يومئذ بما أنتم عليه أجر خمسين منكم ) ليسعنا ما وسع النبي صلى الله عليه وسلم قيل له : ساحر ، كاهن ، مجنون ألقي عليه سل الجزور فصبر . أسمع يا عزيزي أنت باين إنك طيب وخلوق وفيك خوف من الله فلذلك أصح إنك تسمع كلام أخوياك أنا بقولك شي تتوقع من أصدق...أخوياك ولا اللي خلقهم اللي خلقهم قالهم : (ولا تقربوا الزنا) (ولا تتبعوا خطوات الشيطان) (وقل للمؤمنين يغضوا من أبصارهم ويحفضوا فروجهم>>>>>>>>ذلك أزكى لهم) وإذا تبي تقلدهم ، عادي قلدهم بس تحمل العذاب اللي بيجيك يوم القيامة قبل ما تروح معهم ، خذ لك ولاعة ، ومد أصبعك ، وولع الولاعة ، وشف نفسك ، هل تستطيع تتحمل نار الولاعة ؟ واعرف إن حرارة نار الولاعة جزء من سبعين جزء من حرارة نار جهنم اسمع يا عزيزي هل تتوقع أن تدخل الجنة بدون تعب ........أبداً واعلم إن اللي صارك تراه بلاء من الله لينظر ماذا تفعل تأمل هذه الآية : (يا أيها الذين آمنوا ليبلونكم الله بشيء من الصيد تناله أيديكم ورماحكم ليعلم الله من يخافه بالغيب فمن اعتدى بعد ذلك فله عذاب أليم)<<<<الشباب الصايع إذا شاف بنت ، ما يقول عنها [صيده] ؟؟؟ أرجو أنت تكون قد فهمت قصدي من هذه الآية وفيه أمر مهم يا حبيبنا تر الشباب اللي مثل هالأشكال ما ينفعك يعني بالعربي (ود اللص أن يكون الناس كلهم لصوص) أسأل الله العظيم أن يقوي إيمانك ، ويبعدك عن المعاصي والوعد يوم القيامة |
اولا كثيييييير شباب مثلك مع انهم لا متدينين ولا شي بس ما يسوون حركات بعض الشباب الفالت
ومثلك يقولوا لهم انتم شاذين ياخي وربي هذا الشيطان يبغاك تغير طريق الصح ويا عالم متى تعود اتق الله وقول للي يقول انت شاذ انا عندي اخوات وكما تدين تدااااااااان وربي والله العظيم انك ما تاخذ من عرض احد الا ربي يبتليك في عرضك انتبه ولا تحط اعذار اذا انت طلقت مرتين غيرك انرفض قبل ما يخطب مرات ومرات ولا يئس والشباب الصالحين لا تتركهم حتى لو ما تركت الشي اللي تقول ما تقدر تتركه شوي شوي بتتركه من حالك والله يا اخوي هو الشيطان ما بيتركك في حالك الفتنة الفتنة اياك تستجيب للوسوسة |
| الساعة الآن 07:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©