|
ساري طالب فزعه من الجميع كل حسب قدرته
بسم الله الرحمن الرحيم لاتلوموني فيما اقول قصه خطوبه فتاة تسكن عندها اختي في بيتهم اي ان احد اخوتها يصير نسيبي المهم تكلمت اختي وقالت لن تجد افضل منها ابوها رجل ماعليه اي كلام عند الناس اخوانها رجال بمعنى الكلمه ... (( بس فيهم واحد معارض علي وهو الكبير )) الوالده تريدها لي وكل الاهل ويقولون اذا راحت لن تجد افضل منها وانتم تخبرون الكلام كيف يصير ويمكن اشد فقلت خلاص خلوني ليييييييييييييين اخلص من شغله بسيطه وان شاء الله راح اخطبها قبل اقل من شهر ... واخبرت اخاها فقال خلاص انتظرك ... المشكله ان حتى اختي قالت لها اني جاي عن قريب ووصلت لها كلام كثير .. البنت فرحت وحلمت والبنات ابخص جائني الخبر انها خطبت من متزوج عنده زوجتين ووافق ابوها واعطاه كلمه ..<< ابوه مايدري عني من قبل ستقولون كيف خطبها بدون علم احد من اخوانها واهلها ... اخوانها عند علمهم عارضوا وقالوا خاطبها ساري بس يقول يبي يخلص شغاه ويجي.... قال لهم ( خلااااااااااااااااااااااااااااااااااااااص انا عطيت الرجال كلمه وماراح اتراجع ابد ) * مع العلم ان اباه يصعب التفاهم معه .. البنت تبكي وتقول لااريده هذا الرجل واريد ساري ماودي اطول عليكم قالوا للخاطب ان البنت لاتريدك وان اخوانها يريدون ساري قال : بكره ترضى مدري اللي خلاه يصر ... هو اخوها الكبير ام ماذا ... بماذا تنصحوني هل اتركها و للمعلوميه ثانيه مره تحصل معي فالاولى ضربها ابوها عندما رفضت المتزوج |
نقل للمقبلين مكانه الأنسب
دمت بحفظ الرحمن تحياتي |
الله يعيين
حاول تقنع اب البنت و الاخ الاكبر للبنت واذا لك نصيب بتاخذها |
أخى ليس من حق ابيها ان يجبرها على الزواج بشخص لا تريده
ليس هذا من الاسلام فى شىء............. وطالما اخواتها يقفون معك فحاول قدر استطاعتك...... حاول مادام البنت ترها متمسكة بيك فلا تتخلى انت عنها |
مايجوز خطبه شخص على شخص
يعني انت اولى بهالشي بعدين حتى لو ابوها عطاه كلمه البنت لها رأي والاسلام قال ان البنت لها رأي اذا ماتبيه خلاص ... عنده 2 تكفيه بعدين رح للرجال اللي خاطبها وتفاهم معه قله انا متقدم قبلك وابو البنت مايدري اني متقدم وقله ترى البنت تحبني |
لا حول و لا قوة الا بالله
|
خلي ناس يتوسطون في السالفة
خصوصا الفتاة ماتبغى المتزوج الله يكتب لك اللي فيه الخير |
اخي ساري
احملك جزء من الخطأ لانك يوم حصلت البنت المناسبه واهلها رجال وش قاعد تنتظر !!! ليش مارحت خطبتها !! وبعدين خلصت شغلك ,, وش كنت جالس تنتظر وبخصوص زوج البنت اللي متزوج مانصحك ابدا ابدا انك تروح له لانه بيروح ويقول لاهل البنت وابو البنت وبيزعل عليك وبييلك نهائيا من باله وصدقني بيكبر الموضوع اما مساله ان العريس الجديد يهون ولا يتنازل اقولك انسسسسسسسسسسى لانه متزوج 2 وماصدق احد يعطيه واكبر دليل كلامه ( بكرا ترضى) |
يا اخي يا ساري
حضرتك كلمت الاخ و الاخت وما كلمت الاب والثاني راح خطب من الاب عندك شغلة ما تقدر تخليك تروح قبل شهر صح الاخ الاكبر منه راض والاخرين مؤيدين والبنت مايلة لحضرتك صح هذا حسب فهمي كيف تبغي ابوها يلغي موافقته برجل وان كان معدد وهو لا يعلم عنك شئ بيقولو عصفور باليد خير من عشر ع الشجر تخيل معي لنسايرك فك موافقته مع الرجال وما رحت تخطب إنت و أو غيرت رايك فيا يااخي إذا بدك البنت بتروح لبيها بسرعة وتحكي معه وطبعا الاخوة راح يساعدوك مو تقولي بعد شهر والاب قلت صعب التفاهم إذا بيلقى رجال وفيه المواصفات الي يتمناها لبنته بيرفض المعدد لانه اب ومصلحة بنته فوق الاعتبار فتوكل ع ربنا وسارع لخطبة البنت وقبل كل شئ إستخر يا رب نسمع الاخبار الطيبة ونشوفك بعالم المتزوجين إحفظ كرامتك ولاتروح للخطيب الثاني لانه بروحتك بيتمسك فيها ويصير كالمزاد مو زواجة الله يوفقك وكل عزبية المنتدى أم وليد |
الله يعينكم
|
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©