ممكن الكل يساعدني في مشكلتي؟
 

السلام عليكم ورحمته الله وبركته
انا اول مره اكتب فيها بالمنتدى وعندي مشكله صغيره ياريت تساعدوني في حلها
انا متزوجه من 7 شهور ودامت خطبتي 3سنوات
زوجي طيب وحبوب بس مشكلته انه دايما يذكرلي الشين وينسى اي شبء حلو انا سويته ويوعدني باشياء كثيره ولا يسويها وانا ما اعترض واقول ظروفه في البدايه وعدني بشهر عسل ولا وداني وكان الوضع عني عادي وتحملت اني ادخل بيت اهله من رابع يوم زواج مع العلم اني ثاني يوم زواجي نمت في بيت اهلي بحجت انه ماعنده فلوس عشان نكمل في الفندق لين ما نسافر ابلده طبعا نا سزوجي اماراتي وانا سعوديه وعادي وما حبيت انه يتضايق ولمى رحت بيت اهله اشتغل في البيت من سادس يوم زواج بالرغم من اني كنت مدلله في بيت اهلي وعندي بدل الشغاله 2 وكان يطلع مع اصحابه يتغدى برى ويرجع عادي ويشوف ان زعلي شيء مش طبيعي بعد كذا كان وعدني اني اكمل دراستي بعد ما نتزوج ولمى دخلت بيته الكلام تغير المشكله انه مش جالس معاي على طول اسبوعين عندي واسبوعين في الدوام انه يشتغل في البحر طلبت منه اكمل عن طريق المراسله رفض ولا رضى يقول سبب يقنعني طلبت اني اخذ دورات برضو رفض بحجة من يوديني ويجيبني وشغل مستحيل اني اشتغل اعاني من الوحده القاتله وانا بطعي ما اختلط بالناس كثير واصلا هو ما يحبني اطلع ازور الجيران بالرغم من انه في عنده اصحابه متزوجين سعوديات وكان عادي قلت اهم شيء انه يكون مرتاح طلبت من كمبيوتر رفض مع انه كان قبل الزواج مأيد وكان العذر انه يخاف يغضب ربه من اني ما طلبت نت قلتله مش مهم كمبيوتر يسليني يبغى يطبعني بطبعهم ما عرفت يبغاني البس زي ما تعود يشوف اهله على طول بالجلبيات وانا ما تعودت البس جلابيه طبعا هذا غير اهله اللي قدامه شيء ومن وراه شيء ثاني ولا اشتكيله اقول يا احل انا المشكله ياما ما اشتكي علشان ما يتضايق احترم امه اكثر من احترامي لأمي بس هي ما تحبني لمى اروح عند اهلى واتصل يحسسوني ان اتصالي ثقيل واقول عادي انه هذا واجبي المهم انا الحين في بيت اهلي مش علشان اننا زعلانين لكن علشان انه مطول في دوامه شهر واشترتلي امي لاب توب وهو رافض انا حاولت اقنعه لكن مش موافق ابدا
ماقد جيت وقلتله انت اكذ انت سويت انت فعلت ما احب اشوفه زعلان يعنى حتى لو زعلت منه اول مايجي يكلمني اضحك بس اذا زعل ما يعبرني واحاول ارضيه ما يصدق على الله يبداء يسرد شروطه البس هذا كل هذا كلمي فلانه ولا تكلمين فلانه وانا زهقت ولا ابي اخسره كيف اتعامل معاه مش عارفه ساعدوني الله يخليكم ولا يحطكم في مشكله هو راح يجي بعد اسبوعين وكنت ناويه اسويله مفاجئه واحجز في فندق يومين واروح المشغل واسوي مكياج وارجع كأني عروسه بس كسر معنوياتي بأسلوبه وكلامه المشكله انه طيب بس انا تعبت ساعدوووووووووووووووووووووووووووووووووووووووووووووو وووني

أختي الكريمة أود أن أنصحك بنصيحتين:
1) ألا تقارني الوضع الذي أنتي فيه الآن مع زوجك بوضعك السابق حينما كنتي في بيت أهلك فهناك الكثير من الفروقات.
2) استمري في تنفيذ الفكرة الأخيرة التي ذكرتيها وفي نفس الوقت حاولي أن تقنعيه ببعض مقترحاتك السابقة بأسلوب جيد مثل الدراسة أو الانترنت

اسأل الله أن يكون في عونك!

نقل للمتزوجين ليلقى التفاعل المطلوب

دمتي بحفظ الرحمن

تحياتي

تحملي زوجك والله يعينك ..................

هذا نصيبك زوجك من النوع الصعب
أنا خويتي زوجها مشابه لزوجك تكيفت معه على شروطه لاتطلعين وتركي خوياتك وعايشه معاه سعيده