|
ابي رايكم في مشكلتي ..
انا في فترة الملكه وزواجي بعد شهر ومشكلتي مع خطيي (زوجي) هيا ماهي مشكله انا مااعتبرها مشكله بس الصراحه مره متضايقه منها يحب يتكلم بالمواضيع كثير واغلب مواضيعه بخوص مشاكل الحياه ولما اساله ليه تكلمني بمشاكل الناس يقولي عشان نستفيد من تجارب الناس وانا الصراحه مره اتضايق احس كل مشكله وموضوع فيه مشاكل كانه موجه ليه واحسه عليه كيف اتعامل معه ابي رايكم ...:(
|
السلام عليكم ورحمة الله وبركاته
اختي حنين .. اول شي الله يهنيكم ويسعدكم ويخلي لك زوجك يارب .. ثانياً حبيبتي .. يمكن هو يفتح هالمواضيع عشان يعرف رايج ويعرف شلون قدرتج على حل المشاكل .. ويمكن حبيبتي انه يعني يبي يسولف معاك ومايريد يظل ساكت فهذا الكلام اللي يجي في باله .. وممكن زوجك من النوع اللي يحب يساعد الناس ويحل مشاكلهم ولكنه احياناً يعجز عن الحل .. فمن له غير زوجته وشريكة حياته ونصفه الاخر ليساعده .. بس مافهمت قصدج اشلون يعني المشكله موجهه لج .. يعني شي انتي سويتيه فيقول لج انها مشكله حد ثاني .. لي عودة اذا جاوبتي سؤالي .. الله يهنيك يا ختي ويسعدك يارب :) |
اقتباس:
|
الله يسعدك يا اختي ..
اللي فهمته انك لست المعنيه بالمشكله لكن لما حد يقول لك مشكله اتحسين انه انت في موضعه وتوتريين .. اللي اقدر اقوله لك اختي .. ممكن هو الرومانسيه عنده تجي بعد العرس .. مب قبله عشان كذا يبدا يتكلم في مواضيع جد وتحتاج نقاش عشان يضيع السالفة .. اضافة الى التحليلات اللي قلت لج عليها قبل .. عموما اختي اذا فتح مرة ثانية معاك هالموضوع وانتي ماتحبينه .. اما انك تصارحينه وتقولين له انك ماتحبين تسمعين مشاكل الناس .. او اذا شعرتي انك بمصارحتك له ممكن يفهم انه انتي ماتبينه يتكلم .. فقط اذا بدا بعرض المشاكل ممكن تقولين له الله يبعدها عنها .. شنبي فيها .. خلنا مستانسين مع بعض بدون مشاكل ومن هالكلام الحلو اللي يضيع سالفة المشاكل .. الله يهنيك يا اختي .. |
اختي الكريمة
زوجك ما عنده خبرة في الحياة الزوجية وهو يتكلم معاك في مشاكل الناس حتى يتعلم كيف يتصرف معاك, وفي نفس الوقت هو يقولك كذا عشان تحذرو انكم تقعون فيها. شعور زوجك جميل جدا تمنياتي لك بالتوفيق |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©