|
فاغر: اتمنى تكون مرحلة وتعدي
بسم الله الرحمن الرحيم والصلاة والسلام على سيدنا اشرف المرسلين لعل هذا الموضوع سيأتي بلا ابتسامات لا لشيء الا لأني استثقل اضافتها في غير مواضعها هذه المرة عندي مشكلة لا أعلم لعها تكون مؤقتة وكما يقال مرحلة وتعدي بدأت افقد أعصابي لا أعلم لماذا أحس بضغوط كبيرة ليست بجديدة ولكنها بدأت تسيطر علي حالياً قرف من العمل نفسية شينه في البيت اعصابي صارت تفلت مني احيانا لأسباب تافهه قبل البارح اتصل علي شخص قمت للجوال عشان ارد قفل الخط قبل ارد عليه لا شعورياً رميت الجوال في الجدار وصار قطع مع العلم اني متسلف هالجوال سلف لأني مطفر وما اقدر اشتري جوال ابني الحبيب (سنتين ونصف) قبل يومين قال ابغى لبن قمت من فراشي (كنت تعبان وابغى انام) صبيت له لبن وقبل ما يشرب منه كبه في الأرض والله لا شعوريا رفسته برجولي خليته يتطوى صدقوني تندمت وتمنيتها انكسرت قبل تنمد عليه لكن هذا اللي حصل حتى ردودي في المنتدى لو تلاحظن صايره زفت زي وجهي لماذا يا أنا سؤال ابحث عن اجابته وأتمنى أن لا يقول البعض كنا نعلم أن وراء تلك المشاركات الباسمة شيء مريب ودعواتكم |
عين ماصلت عالنبي !!!
الله يهديك يافاغر بلا من هالابتسامات اللي تارس فيها مواضيعك وردودك !!!! :d :d :d :d :d :d :d :d :d :d :d :d :d :d :d يحسبونك الناس أسعد واحد بالعالم ونظلوك !!! يمكن يعني :25: |
أخوي فاغر
أنا إنقهرت من هالموضوع, لأني تعودت على إبتساماتك اللي أغبطك عليها يمكن تكون عين ويمكن يكون سببها شيء صار لك أنا عادةً إذا حسيت إني متضايق أحاول أرجع بالذاكرة علشان أعرف الشيء اللي مضيق صدري, وبعدها أعمل على علاجه يمكن يكون السبب شيء في العمل, ويمكن يكون البيت, حاول تتذكر وراح تنتهي مشكلتك إن شاء الله اللهم أعطه السكينة وحقق مراده وعافه من كل بلاء اللهم آمين |
أعانك الله و فرج عنك ..
قد تكون بحاجة إلى إجازة راحة و السفر و تغيير المكان .. أتمنى لك التوفيق .. |
الله يفرج همك حاول التقرب الى الله هذه المده ترا مفعوله جدا قوي على نفس ستحس بالراحه التامه.
* * اتقي المعاصي ابحث في حياتك واي معصيه تجدها تخلص منها. * * الله يشرح صدرك وييسر امرك. * * اخوك المحب العابد لله |
مرات تمر عالانسان اوقات يحس فيها بارف وماله خلق لاي شي.. ان شاء الله فتره واتعدي.. |
دلع
الي فيك دلع .. الرجال صارو ما يتحملووون نكشة ابررره .. ياخي تعلم من صبر المرأه .. تعلم من زوجتك .. تكون لسى والده والم في جسمها وبرضو الم وهي ترضع طفلها . (ما رفسته) وتعب وتسهر على طفلها .. ما تذوق النوم او الراحه من تولده لحد ما يكبر .. وانت عشان حركه بسيطه ترفسه .. ياخي الأم تكون لابسه ومتصلحه وحاطه مكياج وناويه تطلع .. وفجاءه طفلها يستفرغ عليها .. بس ( ما ترفسه) سبحان الله البيض لما يفقس يبعدون الديك عن الكتاكيت لانه راح ينقرهم ويموتهم .. الأرنب الذكر لما يولدون عياله ويموتهم .. القطو الذكر يمخش عياله ويعضهم.. البني ادم الذكر اذا جوه عيال رفسهم .. |
الله يعينك يا فاغر رجال وحط مشكله كل الشباب بيجون هنا يقولون لك تزوج حتى لو مادياتك ونفسيتك ما تسمح مادريت انه الحين صار التعدد هو الحل الامثل لاي مشكلة وفي اي زمان واي مكان مهما كانت وحتى لو مالها علاقه بالزوجة؟؟
هذي الموضه هاليومين في المنتدى اي مشكلة لازم تتزوج وعلى فكرة ياويلها زوجتك لو ضاق صدرها ترا لازم تتشقق وتقولك بخطب لك ولا تصير انانية وظالمه لكل مطلقه وعانس كان ممكن تستر عليها طال عمرك.. نصيحتي اقرا سورة البقرة كل يوم لمدة 40 يوم وادعيلي.. |
انت تقول انك مطفر يعني ماعندك ولاشي يمكن هذا هو السبب تفكر في حالتك الماديه انصحك بسورة البقره فإن والله لفيها الشي الكثير اقرأها يوميا كامله لاتقول ماأقدر تقدر بعد كل صلاه اقرأ10 اوجه تخلصها في يوم وعليك بهذ الدعاء اللهم أني أعوذ بك من اللهم والحزن ومن العجز والكسل وأعوذ بك من الجبن والبخل وأعوذ بك من غلبة الدين وقهر الرجال. دخل رسول الله (صلى الله عليه وسلم )ذات يوم المسجد فأذا هو برجل من الانصار يقال له أبو أمامة جالسآ فيه فقال:يا أبو أمامه مالي أراك جالسآ في غير وقت الصلاة؟ قال: هموم لزمنتني وديون يارسول الله. فقال:ألا أعلمك كلامآ أذا قلته أذهب الله عز وجل همـــك وقضى دينك...قل أذا أصبحت وأذاأمسيت اللهم أني أعوذ بك من اللهم والحزن ومن العجز والكسل وأعوذ بك من الجبن والبخل وأعوذ بك من غلبة الدين وقهر الرجال. قال:فقلت ذالك فأذهب الله همي وقضى عني ديني. رواه أبو داود |
عزيزي فاغر
كلنا يمر بهذه الظغوطات الحياتيه ظغوطات لا مفر منها لكن تصل لحد رفس "الضنا" لا بد من وقفه اجزم بان العمل هو السبب الرئيسي كره العمل كره رب العمل كره زميل العمل عانيت كثيرا انا من هذا الشيء لدرجه تقديم الاستقاله ولكن الذي اوقفني اقساط البيت والسياره ومصرف العيال على كل حال انت لست الوحيد في هذه الحياه حاول تاخذ اجازه واذهب الى مكان تحبه مكان يحلو لك الجلوس كثيرا فيه حتى لو كان منزلك هو المكان فاعتكف بداخله حتى تصفو افكارك وتهدا عصيبتك او اذهب الى مكان روحاني تستشعر فيه لذة العباده والله يوفقك عزيزي وترجع لنا بعدها بالابتسامات والتعابير المميزه التي لا يجيدها غيرك |
| الساعة الآن 03:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©