خطيبي يريدني ان اخفف رسائل له
 

السلام عليكم
اشحالكم
أنا وحده مالجه من يديد ، من شهرين تقريبا
وبيني وبين ريلي اتصالات ومسجات وزيارات
أنا أتواصل معاه أكثر بالمسجات لأني أخافه يكون مشغول أو مو فاضي ، صار يحسسني إني أنا عاقه عمري عليه ، هو ما قال ولا عبر ، بس هو قال شي واحد ، قال بلسانه ( أنا أحس إني شاغلنج وايد وشاغل تفكيرج ، أحس بالذنب لأني أخاف أعطلج عن دراستج وخاصة أن هاي بتكون آخر سنه ) من كلامه حسيت أنه يقول لي خفي مسجاتج عني . . .

العرس بيكون بعد 9 شهور ، وأنا ما أقدر أتم على هالوضع ، أحس إني ثجيله عليه وبنفس الوقت ما أبا أفتح معاه الموضوع عشان ما يحس إني أنا حاسه بهالشي . . .

أطلب مشورتكم

الاشراف:
تم تعديل العنوان ليناسب النص

خففي مسجاتج خلي يشتاق

و الله يووفقج

تسلمين أختي أم الحسين وعمر

وانشالله بمشي بمشورتج

انا مع راي ام الحسين وعمر خففي المسجات شوي ..

يمكن خايف على مصلحتك ودراستك..

مثل ماقالوا خففي مسجات

رأيي من رأي الأخوات خففي مسجاتك

لأن بعض الرجال ما يحبون المسجات بكثره

الله يوفقك ويسعدك يا رب

تسلمون كلكم اخواني
وأنا هذا اللي بديت أسويه

نصيحة مجربه مريت باللي مريتي فيه وانصحك انقطعي عنه شويه بحجة دراستك والله هو بيصير يرسلك مسجات واتصالات كثييير بس عاد لاتردي من اولها اثقلي شويه واتغلي بس شويه
ترى الرجال يحب الثقيلة جربي ومابتخسري خففي مسجاتك له ووبالتدريج ابعدي عنه وشوفي وحاولي تخففي من حساسيتك الزايدة لانها بتتعبك ولاتقولين كلمة احس اني ثقيله عليه واحس واحسه ....الخ
هذي الاحاسيس السلبيه من الشيطان لاتلتفتي لها ولاتسمعي لها
بس عاد لاتثقلي مرره خير الامور الوسط واتمنى لك التوفيق اختي
تحياتي

صحيح كلامهم اختي خففي مسجاتج ...

وركزي بدراستج .. وبعدين .. بتلاقينه هو الي يطرشلج مسجات وينج عني ومن هالكلام ...