|
عمر بنتي سنة وللحين تقوم بالليل تبي حليب
السلام عليكم ورحمة الله وبركاته :eek: :eek:ابي مساعدتكم بنتي كملت السنة وللحين تقوم بالليل تبي حليب بليز عطوني أفكاركم وساعدوني انه تقريبا مانام الليل اختكم محتاجتكم بليز ساعدوني |
ان كانت رضاعتها طبيعيه
فهذا شي عادي لانه ما يشبع عطيها صناعي قبل النوم وان شاء الله بتنام وان كانت صناعي حاولي تعطينها وجبه قبل تنام حتى ماتحس بالجوع مسكينه |
لازم تتعشى قبل ماتنام
وعشيها شي ثقيل مثلا خبز وزبادي والرضعة لابد منها وقت النوم انا ولدي عمره سنة ونص ولازم يرضع بالليل . الله يحفظها ويصلحها . |
صراحة ابني كنت اقوم بنص الليل
عشان اعطية حليب حتى لو ماصاح وليش يا أختي تحرميها حراااااااااام عطيها تشرب والله اني افرح لما ابني يشرب في الليل ولو بيشرب عشرين مرة كمان بأصحى لذا مافي مشكلة حطي الرضاعة جمبك والماء بالترمس وبعدين أعملي لها مافي مشكلة |
الله يساعدك انا بنتي استمرت حتى بعد الفطام ومع الرضاعة الصناعية والأن بني الثانية عمرها تسعة شهور وكل ساعة تجلس والله قهر احس ان ابنائي كلهم بيصيرون كذا
|
أشبعيها قبل النوم بعشاء ثقيل ورضعة كاملة ..
وإذا استيقظت منتصف الليل لا تعطيها حليب .. بل ماء فقط .. أو مع القليل من السكر .. |
عاادي جدا بنتي كملت سنة ونصف واكثر بعد وتبكي ليلا واعطهااا. صحيح اتضايق .بس لازم اعطيهاا
ومثل ما قالت لك الاخت خلي الترمس والحليب جمبك ولما تصحى اعملي ليها رضعة خليها ترتوي وتتغذى |
حبيبتي اناولدي كذا بس قبل بنام حوالي الساعه12 اعطيه حليب
والصباح بعد ست ساعات تقريبااعطيه ثاني واتحملي هذااللي يميز الام والله يكون بعونك ويجزاك خير |
أشكركم كلكم على الرد بس بنتي مو من النوع اللي تاكل وجباتها وايد خفيفة وتشبع بسرعة يعني مثلا الحين عمرها سنة وتشرب بس خمس أرقام من الرضعة وماتكملهم بعد أحاول اعوضها بالحليب ماينفع وبالحلويات؟؟(مستحيل عشان اسنانها))مع انها ماتقصر بالحلويات"تعرفون الجدات" أحاول اعطيها خظار ولا زبادي بس بعد تاكل لقمتيت وخلاص انا اقول يمكن عشان جي تقوم بالليل لانها ماتشع طول النهار صح؟؟ |
اقتباس:
أولا تسوس اسنانة وثانيا مب زين حق أذن الياهل |
| الساعة الآن 04:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©