|
الامل و الالم
السلام عليكم جميعا
انا مطلقة وعمري 24 سنه جميله بشهادة من حولي وناجحة في دراستي لاادعي الكمال لكن بشهادته هو نفسه كان يتالم لانه لايجد ما يشاجرني عليه - حسبي الله عليه - طلقت منه بعد ان قضيت شهرا واحدا لاغير مع زو جي المدمن (ابن عمي ) ولم اعلم بذاك الا بعد وقوع الطامة الكبرى علي .......... المؤلم اني لم اقبل به الا بعد الحاح اهلي علي بأنه لايرد وهو قريبك سيحفظك أفضل من الغريب وحملت منه لكن سقط حملي بعد الضرب والاهانه فقبلت بان اكون مطلقة على ان اكون بقايا امراه لكنه رفض ان يطلقني لمدة عام من عمري الى ان تزوج فتاه يتيمة كان الله في عونها- ليست جميله ولكنها مكسوره اسمع اخبارها فاتالم عليها - وهي الزوجه الثالثه الان طلقني دون اعلامي بذلك ورفض ان يعيد الي اشيائي وشهاداتي ووووو صحيح اني طلبت الطلاق وانا مقتنعه بانه هو الصح في حالتي لكن تمر الايام فاحقد على كل من حولي ممن ساهموا في هذا لاني لم اكن اريده لكن اهلي اخذوا يمدحونه لي ويصورون عالمي معه خياليا وهو تعمد الكذب عليهم وغشهم ( ادعى انه يصلي فظهر العكس - غيور - شكاك - يشرب الخمر...) الايام تمر وليس لي طفل و لاحياه و لا وظيفه لالالالالالالاشيء \ لي الان عامان يتقدم لخطبتي اشخاص البعض اخاف من الارتباط به والاخر لا اريد ظلم زوجاتهم أو اخاف انه يرغب في التسليه فقط عمري الان 27 قريبا في ال28 والاجازة قادمة واخاف حقا من الاقتران باحد في الوقت نفسه اريد حياتي .... ماالحل هل ابقى مع الالم ام هل ترى هناك امل |
لاتيأسي من رحمة الله
الله يعوضك أحسن منه ولما يتقدم لك شخص أهم شي ركزي على دينه وأخلاقه واستخيري الله والدنيا لسا بخير وفيها ناس طيبين الله يوفقك ويسعدك دنيا وآخره. |
اكيد اختي مع امل وتفائل بالحياة وانت لسة صغيرة واهم من دالك انك انت في واد وزوجك في واد
تاني فلا تتعدبي مثل اهلك تدخلوا لزواجك اصري عليهم يتدخلوا حتى ترجعي شواهدك الي هي اهم وطوي صفة ماضي لو جاك نصيبك لا تخافي ولا تتشائمي اكيد لو سالتي عنه وتاكدتي من اخلاقه فتوكلي على الله مازلت الايام الجميلة وسعادة حتكون رفيقتك الله يسعدك ويرزقك بزوج صالح ان شاء الله |
تفائلي بالخير تجديه
الله يرزقك الزوج الصالح الي ينسيك همك |
اختي غرام الله يعوضك انشاء الله بالزوج الصالح
انا عانيت شي بسيك لايذكر مقارنة باللي عانيتيه انا كانت خطبة بعقد شرعي ومدحوه اهلي وانه يصلي ومن هالكلام وكل اللي مدحوه من جماعتنا حسبي الله عليهم لانهم كانوا عارفين بانه سيء بس مدحوه بس الحمد لله الله نجاني منه واطلقت بعد عناء بس الجرح والالم النفسي مو راضي يزول واني مطلقه صرت اخاف من الرجال واماعاد اثق باحد والحين في رجل متقدم لي وهذا الرجل مايحتاج احد يسال عنه لان ابوي واخوي يعرفونه زين بس خايف منه بصراحه صرت اكره اتقرب من اي رجل مجرد التفكير اني اجلس بغرفة لوحدي مع رجل احس بقشعريره شديده وبعبرات تخنقني بس قرر ووعدت نفسي اني اجتاز هالالم وان اتفائل بالخير واتكل على الله واستخير وانتي اتكلي على الله واستخيري واستشيري الناس اللي تثقين فيهم وانا اختك لن انساكي من الدعاء الله يسعدك ويوفقك ويكتب لك اللي فيه خير يالغاليه |
شاكره جدا لكل من عبرة حزن - مروق البال - fleur - الحلم الدافئ
لكن المرارة انك تعرفين انك مافيك عيب لكن برضه متهمه بس لانك مطلقه دون الرجوع للاسباب او حتى مين طلب الطلاق او مين تعب يطارد وراء الثاني !!!!!!!!!!!!!!! بالنتيجه مطلقة والادهى والامر اذا تزوج وجاله عيال خلاص تتغير الموجه ( اكيد هي السبب - اكيد هاذي الجديده عرفت له .........) ويجون لعندي قرايبي ويسالون عن اخباره وانا ماسكه نفسي عنهم ماابي اغلط ؛ والمضحك المبكي انه صارت مشكله لاحد اقاربنا مع زوجته وجتنا زوجته وامه وكل وحده تقول ان الثانيه شمتانه فيني وانا اطالعهم بالم لهالدرجه الحقد علي وعلى امي لهالدرجه المطلقه ساقطه في المجتمع اي احد يتكلم فيها عادي مطلقه........... لا حول ولا قوة الا بالله |
مرحبا غرام بإطلالتك الأولى هنا أراك إخترتي الأمل ،، فلا تتركي الخوف يقتل حياتك .. أسعد الله أوقاتك .. |
الله يعينج ويصبرج ..
الله يعوضج الاحسن منه |
اختي ما ابي اقولك اني انا طلبت الطلاق وانه كل الناس عارفين انه مدمن ومريض بعقله وسيء الاخلاق والدين وكل شي سيء عامله لا ومااستحى كان يتفاخر بالمعاصي لما كشفته
لا وجماعتنا يعملون انفسهم مهم عارفين وش سالفت طلاقي تخنقني العبرة وانا اكتب وماعليكي من الناس انا في بداية طلاقي ولا تاثرت كنت اضحك واطلع واتعمد اروح لتجمعات اللي فيها اهله عشان اوريهم اني ما بي شي اني احسن من لما كنت مع ولدهم وما هموني بس شافوني طقن قهر خواته وامه والله كنت انسى كل شي صار وبصراحه سر قوتي بالفترة هاذي كان قيامي للتهجد بالليل وقراة سورة البقرة كل 3 ايام واقسم بالله العظيم كنت اقول لامي دايم (احس اني مستانسه بدون اي سبب احس اني سعيده بدون اي سبب) وبصراحة بس تركت قيام الليل وسورة البقرة وللاسف من رجعت اسمع اغاني رجعت لهمومي واحزاني وتعاستي وضيقتي بس وعدت نفسي اني ارجع ماهمني شي إلا رضى الله والتقرب من الله والحمد لله صار لي 3 ايام اموري ماشيه ونفسيتي مستقرة ادعي لي بالثبات وقريبا بغير لقبي عبرة حزن وانا بدوري لن انساكي يا اخيتي من الدعاء تحياتي |
الله يرزقج بواحد احسن منه الله يسعدج دنيا و اخره الحمدلله يمكن الطلاق خير لج
الله يوفقج و ينور دربج |
| الساعة الآن 09:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©