|
مالحل مع خطيبي!!
http://www.mehsenya.com/hashemya8/borders-36.gif
السلام عليكم ما كتبت لكم وسالتكم إلا بثقتي أنكم بتعطوني الحل السليم ... بتكلم على طووول بدون مقدمات حنا مالكين من شهر وانا اكلمه بالماسنجر وبعض الاحيان بالجوال بس ماعنده اسلوب مايعرف يتكلم جد يعني احس اني اتكلم مع واحد عمره 13 سنه مايعرف يفتح سوالف ومايعرف حتى كيف يطرح السؤال بصراحه انا ماعاد فيني اتحمل اسلوبه عن جد مشكله تكفوووووون عطوني حل تحياتي ++مغروره حدي++ http://www.mehsenya.com/hashemya8/borders-36.gif |
السلام عليكم يمكن انتي الى اللحين ما تعرفين اسلوبه تمام يعني لا تاخذين على كلامه بالمسنجر يمكن هو يتعمد يمزح بالمسنجر وبالتلفون نفس الشي انا خطيبي فيه جانب مزح وضحك واحيانا بالتلفون يمكن اتضايق من هالشي انه اغلب الوقت يمزح او ما يكون كلامه جدي بس اذا كان الكلام مباشرة وجها لوجه يختلف هالشي انتو ما صار لكم الا شهر اصبري عليه شوي يمكن مع الوقت تعرفينه اكثر و يتغير لا تحكمين عليه من البداية |
حاولي تفهمين شخصيته ،،، وتبادرين بالأسئلة والكلام الجاد قليلا والمزح قليلا ،،،
سولفي معاه شنو تحبين وشنو تكرهين ومن هذا القبيل ،،، الله يوفقك ،،، بس نصييييييييحه ،،، درسي شخصيته تمااااام ،، ولا تتسرعي ،،، |
اختي الكريمة اطرحي انت المواضع التي من خلالها يمكنك معرفت مدى جديت تفكيره واصبري انت ما زلتي في اول المشوار واتمنى لك التوفيق
|
هلااختي
اسمعي انت لسه ماتدررين عنننه ماصار لكم جم شهر بعدين بتكتشفين داخله وبتشووفينه زينة الرجال يمكن الاخ يستحي فيصيرمايعرف يتكلم ويتصرف ووشويقوول هذا اللي تشووفينه كذا النووعية ذي كلة الاحساس فيهاا صدقيني تحمليه وعاشريه بتعرفينه هو شلوون والله معااج حبيبتي |
لا مو بس على اسلوبه بعد
اهو علااقته بأهله قويه حيل وهذا شي زين بس تخيلو اذا انا زعلت عليه او صار شي او ماكلمته او مارديت على مسج رسله لي يقول لااهله يدخل اهله في كل شي حتى بعض الاحيان اذا جاء ابيرسل مسج ياخذ برأأي اهله طيب ماعليه بس اللي قهرني بقوووه ان اهو رسل لي مسج ودق علي وانا مارديت ومادخلت الماسنجر مره طلعت رحت زواج وشفت اخته قالت لي يقولك ليه ماتردين على الجوال وليه ماتدخلين الماسنجر عن جد انا انقهرت مررره ليه اهو كذا كيف اتعامل معه واهو كل شي يقوله لااهله!! |
الله يهديه ويكتبلك الخير اينما كنتي بس مثل ماقالوا بعض الاخوات هو توكم مالكين وماعرفتي عنه كل شي والا هو عرف كل شي عنك اصبري كم شهر ثااني اذا نفس ماهو تكلمي معاة صارحيه يمكن عندة اسبابه
وانتي استخير قبل اي قرار ماخب من استخاار الله |
ارى ما اشار به الحب المستحيل
والله وحده المعين |
[SIZE="5"]هذا الوقت فرصتك وضحيله وش تحبين وش تكرهين قوليله اي شي بينا ماأحب احد يعرفه حياتنا الشخصيه ملكنا وانا أحب احافظ على خصوصياتي اضربي امثله بطريقه او بأخري وضحيله كل شي موعاجبك فيه بس بأسلوب وركزي على الأساسيات واعزميه ببيتكم يمكن يتكلم احسن من الجوال والماسنجر بس لاتكتمين في نفسك وخليك مرحه لايحس انك انتي دائمآتنتقدين وبس,,أسأليه وش الألوان الي تحبها مثلآصاري كذا اليوم شوفي تعليقه والله يوفقكم يارب[/SIZE:14: :14:
|
السلام عليكم ورحمة الله وبركاته
اول شي اختي الله يهنيكم ويسعدكم .. ومثل ماقالوا الاخوة .. حاولي تفتحين معاه المواضيع اللي تحبينها وتتناقشين معاه .. وفعلا ترى فترة شهر ماتخليج تعرفينه عدل .. اعرف وحده من اهلنا دخل زوجها الملجه وقاعد يضحك ويتغشمر .. ترى في ناس من الخجل جي ينعكس على شخصيتهم .. يعني يوم يتوهقون جي يسوون .. ومايعرفون اشلون يتصرفون المهم اقول لك كل حد قال هذا اشفيه ومن هالحجي .. عقب فترة تقول لنا والله انه اطيب من الطيبة وعاقل وحكيم وماشاء الله الحين عندها بنتين وولد .. وماشاء الله عياله مؤدبين وكل تقول هاي تربية ابوهم :) .. وبالنسبة لانه يقول لخواته فانا اشوف هذا شي طبيعي يعني يوم انك ماتردين عليه يمكن انه يخاف عليك ويحاتيك .. عشان كذا يقول لخواته عشان يسالون عنج .. تعرفين انا يوم كنت متملكه ومثلا ماقدر ارد على زوجي .. تخيلي كان يكلم ولد عمتي بحكم انه صديقه .. وولدعمتي يكلم اخته عشان تتصل لي تقول لي زوجج يحاتيج .. او يقول حق اخته اتصلي بيت حاملة الهم اساليهم عنها .. يمكن هو يسوي جي لانه يحاتيج ويخاف انه فيج شي .. اخير اختي ارد واقول اللي قالوه اللي قبلي .. فترة شهر جداً قليلة وان شاء الله مع الزمن بتعرفين انه زوجج طيب وحنون .. الله يهنيكم ويسعدكم يارب :) |
| الساعة الآن 09:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©