صديقة عمري على استعداد ان تنهي العلاقة لأي سبب
 

السلام عليكم رحمة الله وبركاته عليكم جميعاً

الكل يعرف أن الصداقة شيء نادر وجميل جداً خاصة إذا كانت أكثر من صداقة عادية وأكثر من أخوة باختصار
ومابي اطول عليكم

عندي صديقة ومو صديقة أكثر من أخت والله شاهد علي. نتغذى مع بعضنا ونروح ونرد مع بعض محاضراتنا مع بعض إحنا الي يشوفنا أكثر من اخوات . تكونت علاقتنا من أيام ما كنا في المدرسة الاعدادية لحد الحين احنا بنتخرج من الجامعة.


صديقتي إنسانة طيبة وقلبها أبيض بس فيها عيوب كثيرة وطبعاً كلنا فينا عيوب بس من أكبر عيوبها إنها ماتتحمل إن أحد يقول لها غلطانة إذا غلطت أو حتى يلمح لها بهالشي وياريت السالفة بس جدي لو ما سويت لها شي تطلعني مافيني خير وتزعل وماتكلمني لأقل سبب وفيها إنها تكذب علي في أشياء صغيرة وكبيرة والأهداف غالباً ماتكون تافهة.


المهم طبعاً ويا هالنوع من الناس تكثر الخصومات والزعل بس آخر زعلة صارت كان سببها جداً تافه وهو كالتالي

وحدة من صديقاتنه مسوية حفلة استقبال وأني ماكان عندي وقت أروح أبارك لها قلت حق صديقتي مابروح ماعندي وقت لأن عندي مشروع تخرج وما قدر اروح قامت زعلت وخذت أغراضها ومشت عني وثاني يوم طرشت صديقتنا الثالثة تاخذ بقية أغراضها من بيتنا وقالت إنها ماتبي تكلمني. صراحة اني انصعقت من الخبر وأكثر شي انصعقت منه إن أسخف هوشة من تعرفنا على بعضنا البعض لحين ماكانت بهالسخافة.


يعني هالسالفة صار لها اسبوع بس قلبي مايطاوعني اتصل فيها لأنها مستعده تبيع أي أحد في أي لحظة ومهما يكون السبب يعني لو كنت غلطانة بحقها أو لو ماكنت غلطانة بتصل فيها وبعتذر بس هذا لو كان الموضوع يستاهل و الموضوع مثل ماتعرفون ما يستاهل ولا يسوى ومو مصدقة إنها ممكن تبيعني أني إلي تحملتها ومافي أحد يتحملها قدي ووقفت جنبها في كل شي كبير كان أو صغير تبيعني بهالسهولة . حسيت إنها تبي هالشي من زمان بس ماكان عندها صديقة تقضي أوقاتها معاها ويوم حصلت خلاص سوت إلي في راسها.


عموماً هي تنتظر إني اتصل فيها أراضيها مو حق شي بس عشان تكبر علي وتحس إنها القوية بس المشكلة لو سويت هذا الشي بضرها ما بنفعها لأنها مابتتعلم الصح من الغلط وبيتكرر هالشي كذا مرة وبيطيح على راسي.


للعلم إن ولا صديقة من صديقاتي تهاوشت معاها ولا تعاملت معاها بهالطريقة بس هالانسانة غريبة والله عندها مفهم غبي عن الكبرياء وعنده إنها تبيع أي شخص قدامها لو كان منو عادي لو غلط في حقها لو غلط بسيط وأبداَ ماتبدأ في أي اعتذار أو أسف.


طولت عليكم بس والله من قهري عليها وعلى الأيام الي تحملتها فيها ولو إن هذا واجب أي صديقة تجاه صديقاتها بس إلي سويته معاها محد يسويه حتى أهلها وهي تعرف هالشي عدل صايرة منبوذة من الكل.


أخواني خواتي أرجوكم ساعدوني الشي الي سويته في شي غلط هل غلط عليها أو سويت شي يستاهل هذا كله منها. وما تحسون إنها متسببه وتبي هالشي من زمان هل توافقوني إني ما اتصل فيها ولا أعبرها عشان تتأذب ولا شرايكم. أدري إن القطاعة مو زينه بس هي بايعة بايعة مستانسة لا هامها شي ولا هامتها صداقة بس أني أحس إنها واحشتني وايد بس لو اتصلت فيها مابتسمع كلامي ولا بتتقبل نصيحتي ولا شي وبطلع أني الغلطانة دائماَ.

الإدارة / أختي الكريمة يرجى إزالى توقيعك لأنه مخالف

اخيه الصداقه كنز لايعرف قيمته الا من رحل عنه صديقه

ارجعي لها وانسوا جميع المشاكل


لان الحياة لاتسوى مجرد زعلنا


والله يسر امرك وامرها

اسال الله ان يعوضك فى خير منها

العلاقه هشه صدقيني بتعبيين معها اتخذي قرار حاسم
معها وقلوليها اذا اي شي بيخرب علاقتنا افضل انها تنتهي
.......

الله يعوضك باحسن منها

اشلون صديقه تزعل باتفه الاسباب واله هاي صديقه متعبه دوري على صديقه قلبها واسع وطيبه وماتكذب

المفروض صديقتك تكون تعرف هذا الشيء
لوكان عندي صديقة مثلها ما حاتردد في اني اقطعها بلا وجع دماغ:11:

انا صارت لي هالشي دايمن تغلط علي وبدون سبب تقدرين تقولين مزاجيه وانا خلاص كل يوم والثاني اسكت لها واحيانا تصير هي الغلطانه واسكت لكن خلاص الى متى وانا بصبر على هالشي صار بيننا سوء تفاهم وهي السبب في المشكله ولاعتذرت !!
يعني لازم انا الي اعتذر والى الان ماعتذرت

وانا خلاص تعبت من كثر ماسكت له بالنهايه كلن يروح بطريق والله يعوضن باخير منه :(